Bakaanelabu 24:1 - Jola-Kasa

¹ Nan bajumuu kunak hutok, álambaawu áamakawu Ananiyaas li ajow boot Sesaale okila li kunahaan kukee, li akooŋena akee an koone Teelitulus. Kúliiŋ, li kújowetum elobayi yan kubajumuu li Fool boot bata Agúubelunaalawu Féeliis.

Bakaanelabu 24:1 Referencias Cruzadas

Bakaanelabu 12:21

Nan hunakahu hacobimuu huŋejumuu, Elod li akaano wañawu woola wata húyiiyetowahu, ban li abah li efenjeŋayi yata jáyiiyaju, min alob asen ésukayi.

Bakaanelabu 21:27

Nan kunakaku hutok li kúl̥uba kulakomuu li kuban, Kusuwif kata etaamayi yata Aasi li kujuk Fool li eluufayi yata Ateemit. Li kúkiŋul búsukabu feh min bujok Fool.

Bakaanelabu 23:2

Alámbaawu áamakawu an koonemuu Ananiyaas, li alob bukanabuku kakoojumuu Fool, min kutekool li butum.

Bakaanelabu 23:24

Jifale foof sifilinjebe bánum li jíjuf Fool jíjowetum boot bata águubelunaalawu Féeliis, ban jakum wah ubajool.

Bakaanelabu 23:30

Muñeˈe li ijam kaanaku Kusuwifaku kúsonoosonoo boot jamukool, li iyaan een kama íboñuliwool, ban li ilob foof Kusuwifaku kal̥oofoolumuu, kúŋalul elobayi boot booli.»

Bakaanelabu 23:33

Nan kusollaaliyaku kúliiŋumuu Sesaale, li kusen águubelunaalawu eleetalayi, ban li kukat Fool li kuŋenool.

Bakaanelabu 23:35

li aanool: — Fan ban li ijanteni min ulob, nan bukanabuku kal̥oofimuu kommuu li kúŋejul. Ban li alob min kuŋa’ Fool kukaan li káyiiyaku kata Elod min kufooyool ló.

Bakaanelabu 24:11

Bajolut kunak kuŋen li kúl̥uba nan ijowumuu boot Yeelusalem kamanen Ateemit. Awu humumi luyilo uŋes min uhaas mantee mal̥egen.

Bakaanelabu 24:2

Muñeˈe li kúhooñul Fool áliiŋul, Teelitulus li átoŋ alob kulimaku unke aya li akila: — Ahaanawu Féeliis, bújallowabu buya, li wahawu feh uwunkulawu wan ukaanumuu boot li bukanabuku, wó újimuu kásuumaay káamak li kubaj li ésukayi inye.

Bakaanelabu 25:15

Nan ijowumuu Yeelusalem íliiŋ, kunahaanaku kata élambaayi li bukanabuku káamakaku kata Kusuwifaku li kukalaamewool lí ínje min koonom ibetool kaneew.

Bakaanelabu 25:2

Nan áliiŋ bómuu, kunahaanaku kata élambaayi li bukanabuku káamakaku kata Kusuwifaku, li kubil kukalaame Fool bata Fésitiis. Li kuyaakoo Fésitiis kátasiyaanay

1 Kata Koolent 2:1

Kutuyom, nan ibilumuu boot booluul, min iwaalewuul mal̥egenamu mayolomuu mata Ateemit, iŋalut kulim kagole mantee foof bújallo báamak min ilob li bukuluul.

1 Kata Koolent 2:4

Ban kulimaku kúmbaam li bawaaleyelabu búmbaam bukaanuti li kulim kacole kata bújallo bata ál̥ahukowan, bale li búhiisenum bata sembaasu sata Buyinumabu bata Ateemit.