Bakaanelabu 22:3 - Jola-Kasa

³ — Injé Asuwif leem, abuki li ésukayi yata Taalus yammuu li etaamayi yata Silisi. Bale taate Yeelusalem lanke, min Gameliyel alako no anahaanawu úmbaam, aliikenommuu jak eluwaayi yata situubawolaal sihaan. Ban lisensen buloŋom feh Ateemit loon bukuluul foofuul feh jikanumuu síyaat.

Bakaanelabu 22:3 Referencias Cruzadas

Hulimahu Hásuumaahu loon Lík akiic homuu 10:39

Maaluta li abaj atuyaay an koone Mali. Mali li ajow abah bata kootaku kata Amaaŋenawu, min alako bajanten wahawu wan alakomuu elobayi.

Hulimahu Hásuumaahu loon Lík akiic homuu 2:46

Li baj kunak kúhaaji, li kujukool li Eluufayi yata Ateemit mabahe li tut kaliikenemuu ésukayi eluwaayi yata Móyiis min anaak ajanteniil ban li anaak agel̥l̥enooliil.

Hulimahu Hásuumaahu loon Lík akiic homuu 8:35

Bukanabuku li kúfulul kubil bajukabu bata wahawu wabajumuu. Nan kúliiŋulumuu tan Yéesu alakomuu, li kujuk ánayinaawu an uyinum wajakutumuu úfulummuu li okila, mabahe li kootaku kata Yéesu ban li akaano wañ, ban okila mágiilowe. Ekole li ejokiil.

Bakaanelabu 11:25

Fúlum tó, Balunabaas li ajow boot li ésukayi yata Taalus, ajow aŋes bo Sóol.

Bakaanelabu 15:23

Muñeˈe li kukiic kulimaku unke kuseniil kújowetum: «Kufootalaku li kunahaanaku kata ejanguwayi, li kutuyuul kusaafuluul feh, bukuluul jammuu kutuyiil káfummulomuu li kákaanumutumuu li Ateemit balewool, kakinumuu Antiyok, li etaamayi yata Siili li yata Silisi.

Bakaanelabu 15:41

Fool li ájowum li etaamayi yata Siili alo li yata Silisi, min anaak awankulen sijanguwasu li káyinenaku kan sibajumuu.

Bakaanelabu 21:20

Nan kunahaanabuku kata ejanguwayi kujantenoolumuu min alob aban, li kusal Ateemit. Ban li koon Fool: — Atúyoli, lujuke Kusuwif koono sínjunne seem kúyinenumuu, ban buko foofiil feh kútuutuk Eluwaayi yata Móyiis jak.

Bakaanelabu 21:39

Fool li aanool: — Injé li mal̥egen asuwif leem. Li ésukayi yata Taalus libuki, yammuu li etaamayi yata Silisi. Esúkayi yúmbaam inti ésuk yatit. Liyaaki, ubonket ukatom min ilob li búsukabu.

Bakaanelabu 23:34

Agúubelunaalawu li ajanga eleetalayi ajow aban, li agel̥l̥en Fool li etaam yay láfulumulo. Muñeˈe li ajam kaanaku Fool an ata Silisi,

Bakaanelabu 23:6

Fool lahaase aan bukanabuku kammuu li hujojahu háamakahu, kukee li buko Kusaduusiyeŋ; mó lí múji li alob butiya hákil hujojahu háamakahu aan: — Kutuyom, ínje Afaaliisiyeŋ leem, ban li éemi foof añiil ata kufaaliisiyeŋ. Min íkangummuu li kayitowulaku kata bukanabuku li eketayi, mó mújimuu li eenoyi li batiib.

Bakaanelabu 26:5

Fiyowe nan kuhaasom ban kuyilo kulob, buko bafañe, kaanaku lilolloŋ loon hujojahu hahaŋumuu majok jak bútinabu bóololi hulobumuu, hammuu hata Kufaaliisiyeŋaku.

Bakaanelabu 26:9

«Muñeˈe ínje humumom liyinooleene li een, leete ikaan manooman li sembewom feh min ikajen kajawaku kata Yéesu ata Nasalet.

Bakaanelabu 5:34

Bale li baj akee li buko alakowe Afaaliisiyeŋ, an koone Gamaliyel. Gamaliyel anahaan ata kaliikenemuu bukanabuku eluwaayi yata Móyiis, an ésukayi feh eluukene ŋáa’. Li alob min kukaan kufootalaku kúfu’ kujow kulako tíyaŋ jatit.

Bakaanelabu 6:9

Muñeˈe kukee li bukanabuku kanaake kuwoogumuu li eluufayi yata kal̥awaku. Li kulako búwonnoo li Ecen.

Bakaanelabu 9:1

Bale no unnu, Sóol baloŋe li anaak ayinoo kákoyilen, li huŋes kúgoomaku.

Bakaanelabu 9:11

Amaaŋenawu li aanool: — Ujow muñeˈe boot li bútinabu ban koonemuu «bútin Kacol». Ulíiŋumuu, li ugel̥l̥en li eluufayi yata Sudaas, ánayine áfummulo li ésukayi yata Taalus, an koone Sóol. Ummu li kal̥aw.

Bakaanelabu 9:30

Nan káyinenumuu li Yéesu kujamumuu, li kuŋa’ Sóol kújowetum boot Sesaale, ban li kukaanool ájowum bó boot Taalus.

Kata Lom 11:1

Kama boot min igel̥l̥en een: Waa Ateemit labetembeten kata Isilayeel kammuu ésukayi yoola? Maayeet! Abetenutiil. Injé humumom an ata Isilayeel leem, bubukoolum bata Abulaham, ban li kalandaku kata Bayiseme lífulumulo.

2 Kata Koolent 11:22

Koonumuu buko bukanabuku kan koonemuu Eébulo koom, ínje foof. Li koon buko bukan koom kata Isilayeel, ínje foof. Li koon buko bubukoolum koom bata Abulaham, ínje foof.

Kata Galasi 1:14

Kameeŋe li kufaalom kusuwif kata jamaanewom, ínje ihaŋiil no mahanken li bútinabu bata kusuwifaku, li ihaŋiil no máyikil̥o ŋáa’ li múkaaniinamu mata situubawom sihaan.

Kata Galasi 1:21

Fúlum tó, li ijow boot li etaamayi yata Siili li yata Silisi.