Bakaanelabu 21:3 - Jola-Kasa

³ Li jijow jikooj étebelemukayi yan koonemuu Ciif, yan ommuu li ulako li ébato li uŋanden yo. Li jíjowum Kúñum étebelemukayi inyu li ébatowayi, jihaaŋ boot li etaamayi yata Siili. Muñeˈe li jijow jiya li kásikaku kata Tiil, tan ébatowayi yóotimuu ewalen wahawu wan etebumuu.

Bakaanelabu 21:3 Referencias Cruzadas

Máciya 11:21

— Katek káamak fan kulako li bukuluul jata ésukayi yata Koolasin! Katek káamak fan kulako li bukuluul jata ésukayi yata Betisayida! Mata wahawu wájaahalenimuu wakaanimuu booluul ukaaneenimuu li ésukayi yata Tiil li yata Sidoŋ, timbeen buko bakokowe kusaaku, ban li kúkannoolum búbunfa nan fiyowe, min kúhiis kaanaku kubeebet búsol buloŋabu booliil buhaanabu min kuloŋ loon Ateemit afañumuu.

Máciya 4:24

Mó lí múji Yéesu li ajamo li etaamayi feh yata Siili. Muñeˈe li kunaak kúŋalulool bukan kata úsomut wanoowan, li jilum janoojan; bukan kan Sayitaane ájufoye, bukan katujowe, li kubob. Yéesu li afakeniil.

Hulimahu Hásuumaahu loon Lík akiic homuu 10:13

— Iyéno, awu Koolasin! Iyéno, awu Betisayida! Mata nokooleenumuu loon wahawu wájaahalenimuu wakaanimuu booluul, ukaaneenikaan li ésukayi yata Tiil li yata Sidoŋ, timbeen bukanabuku kakinumuu li sísukasu unsu, buko bakaanowe kusaaku min kúkannoolum búbunfa nan fiyowe. Muñowu kooteenumuu kukaan min kúhiis kaanaku kubeebet búsol buloŋabu booliil buhaanabu min kuloŋ loon Ateemit afañumuu.

Hulimahu Hásuumaahu loon Lík akiic homuu 2:2

Kacobaku unku kata bukanabuku, kammuu kútinaa, li kukaani nan Kíiliniyis alakomuu águubelunaalawu ata etaamayi yata Siili.

Bakaanelabu 11:19

Jálaatenaju jabajumuu nan kumukumuu Ecen kuban, li jíji káyinenumuu li Yéesu li kuyiisoo. Kukee li buko li kujow boot li etaamayi yata Feniisi, kaabuku li kujow boot li étebelemukayi yata Ciif, kukee li kujow boot li ésukayi yata Antiyok, ban kunaakut kuwaale Hulimahu hata Ateemit kukee kúbuti li Kusuwifaku.

Bakaanelabu 12:20

Ayíiyawu Elod li awuñet bukanabuku kata Tiil li Sidoŋ ŋáa’. Li kujamoo min kujow kutook Elod, buko bajamoole kuban li Balatus afooyemuu káfitaku koola. Ban, li kujow kuŋes huban li Elod, mata bukanabuku kata Tiil li kata Sidoŋ li etaamayi yata áyiiyawu kúŋalumule hutiñahu hooliil.

Bakaanelabu 13:4

Balunabaas buko li Sóol, kan Buyinumabu Banabaabu buboñumuu, li kujow boot li ésukayi yata Sélaasi, min kújowum tó li ébato boot li étebelemukayi yata Ciif.

Bakaanelabu 15:23

Muñeˈe li kukiic kulimaku unke kuseniil kújowetum: «Kufootalaku li kunahaanaku kata ejanguwayi, li kutuyuul kusaafuluul feh, bukuluul jammuu kutuyiil káfummulomuu li kákaanumutumuu li Ateemit balewool, kakinumuu Antiyok, li etaamayi yata Siili li yata Silisi.

Bakaanelabu 15:39

Fool buko li Balunabaas li kuñakoo to ŋáa’ yok kukatoo. Balunabaas li aŋa’ Maak kújufo li ébato, min kujow boot Ciif.

Bakaanelabu 15:41

Fool li ájowum li etaamayi yata Siili alo li yata Silisi, min anaak awankulen sijanguwasu li káyinenaku kan sibajumuu.

Bakaanelabu 18:18

Fool li afiyo jakee li ésukayi yata Koolent. Fúlum tó, li akat to kutuyool min ájufo li ébato min ajow boot li etaamayi yata Siili, akila li Filisila li Akilaas. Fool li ámiito átowum ájufo li kásikaku kata Sankile, mata babbaj wah wan alobe kakaan hákil Ateemit.

Bakaanelabu 21:16

Kúgoom kata Yéesu káfulumulo Sesaale li kútiŋenoli. Lí kújowetumoli boot bata ánayine akee ata Ciif an koone Munaasoŋ ban jóotimuu jiwalen. Munaasoŋ lakankaan ágoom áyinene li Yéesu nan fiyowe.

Bakaanelabu 21:2

Li jitook to ébato yáami li ejow boot li etaamayi yata Feniisi. Muñeˈe li jíjufo li yo min jijow.

Bakaanelabu 21:7

Kañaahoolaku kóololi li halahu li kuban nan jíjowummuu Tiil boot Futolemayis. Li jisaaf to kútuyoli li káyinenaku, ban li jilako li buko etihunaka feh.

Bakaanelabu 27:4

Nan jífulum tomuu, li jijow jikel̥el̥en katantaku káfibomuu kata étebelemukayi yata Ciif, mata jilallaaj élusayi.

Bakaanelabu 4:36

Muñowu foof bajumuu ánayine akee aan koone Suseef alakowe aŋatak, ban li abuki li étebelemukayi yata Ciif. Kufootalaku li kukaanool kajawaku kaaneyimuu Balunabaas, (yo yommuu, an awankulene bukan). Suseef li abaj etaam,