Bakaanelabu 21:24 - Jola-Kasa

²⁴ Uŋa’ kánayinaabuku umbuku újowetum, min kúgiileni li mano li buko, ban li ucaam wahawu wan kooteenumuu kucaam to, min kuyili kúmiito kumulunduŋ. Muñowu ésukayi yóotummuu ehaas kaanaku wahawu feh wan kulobumuu kuya li awu let mal̥egen, bale awu humumi lulolloŋ loon eluwaayi yata Móyiis elobumuu.

Bakaanelabu 21:24 Referencias Cruzadas

Hulimahu Hásuumaahu loon Saŋ akiic homuu 11:55

Emmuu kagaanaku kata Faakayi, bánum li kúgiileni tówum kagaanaku kúliiŋ.

Hulimahu Hásuumaahu loon Saŋ akiic homuu 3:25

Muñeˈe kukee li kúgoomaku kata Saŋ li kulako búwonnoo li Asuwif akee mata kágiilen.

Bakaanelabu 18:18

Fool li afiyo jakee li ésukayi yata Koolent. Fúlum tó, li akat to kutuyool min ájufo li ébato min ajow boot li etaamayi yata Siili, akila li Filisila li Akilaas. Fool li ámiito átowum ájufo li kásikaku kata Sankile, mata babbaj wah wan alobe kakaan hákil Ateemit.

Bakaanelabu 21:26

Muñeˈe Fool li áŋalul kánayinaabuku umbuku kubakiilaku, min líiŋ hunak hukaten, li kúgiilenool li mano li buko. Fúlum tó, li ajow anoken li eluufayi yata Ateemit, min alob nay kunakaku kata kágiilenaku kommuu li kuban, yo yommuu nay kasilaaku kommuu li kukaani boot li anoowan li buko.

Bakaanelabu 24:18

Wahawu unwu lilakomuu kakaanaku li kútookulom li eluufayi yata Ateemit, ínje bágiileneyi iban. Ban no unnu bajut búsuk báguutom, ésukayi foof éguul̥oolut.

1 Kata Koolent 9:20

Ilakomuu bulok li Kusuwifaku, fan iloŋ loon asuwif aloŋemuu mantee li íŋaluliil boot li Yéesu. Maayeet min an ayilaatumuu atuuŋom ikaan bakaanelabu bata kusuwifaku loon eluwaayi yata Móyiis elobumuu, fan iloŋ loon eenimuu li eluwaayi inyu leem, ínje li bulok li bukanabuku kakaanemuu loon eluwaayi inyu elobumuu, mantee li íŋaluliil boot li Yéesu Kilisita.

Kata Galasi 2:12

Li mal̥egenamu, Fiyeel lanaanaak atiñ dín dáno li kutuyolaal káyinenumuu ban kulet kusuwif, tówum bukanabuku kan Saak aboñulumuu kúliiŋul. Bale nan kúliiŋulumuu, li añako min akat hutiñ li kaletumuu kusuwif, mata lákolikoli bukanabuku kalaañumuu bata kateyenaku kata búkutabu.