Bakaanelabu 21:13 - Jola-Kasa

¹³ Bale Fool li aan: — Wáa újiye li joono li jíl̥ok min jóomi li huŋes kakaanom íyeko? Injé lísingene inti mata min ijenki bale, bale foof min iket Yeelusalem humum hata kajawaku kata Amaaŋenawu Yéesu.

Bakaanelabu 21:13 Referencias Cruzadas

Bakaanelabu 20:24

Bale lenseen buloŋabu búmbaam, bubajut jáliŋ boot lí ínje. Samin iyili ihabel kúboñaku kúmbaam ikaan, li bulokabu ban Amaaŋenawu Yéesu asenommuu kakaan, bammuu: kawaale Hulimahu Hásuumaahu hata kájiyaku kata Ateemit.

Bakaanelabu 20:37

Buko foofiil feh li kul̥ok, ban li kujow kuŋa’ kuŋeniil kugaab Fool min kusaafool kasaaf kata kakatoo.

Bakaanelabu 5:41

Kufootalaku li kúfu’ li hojojahu li ésuumahukow ló, mata min Ateemit ajokiilumuu bukan katooke min kucoociil mata kajawaku kata Yéesu kúji.

Bakaanelabu 9:16

Injé humumom fan íhiisool sílaamasu feh san áatimuu álaam boot mata ínje.

1 Kata Koolent 15:31

Kutuyom, hunakoohunak lilakowelako li iket. Wahawu wan ilobumuu ulakolako mal̥egen loon foof súumonsuum li bukuluul mata bulokabu ban Amaaŋenawu oololaal Yéesu Kilisita ammuu li kakaanaku.

Kata Fílib 2:17

Káyinenaku kooluul kulakolako kasila kan jikaane boot li Ateemit. Nokoomuu loon boot min húsimahu húmbaam húyuwi min lako búsimen famen to kooluul, kama fan súumom, ban bukuluul foof fan súumuul.

Kata Fílib 2:26

Lafanfañ ŋáa’ min ajukuul foofuul feh, ban kaanookaan buyina ŋáa’, min bukuluul jijamumuu kaanaku lásomuusomut.

Kata Kolos 1:24

Muneˈe kaanonkaan ésuumansuum min eenomee li sílaam boot li bukuluul, ban wahawu wasaŋomuu li sílaamasu sata Kilisita, li ihabel wo ílaam li eniilom boot mata eniilayi yoola yammuu Ejanguwayi.

2 Tímote 1:4

Ijowumuu iwayil̥o buu lul̥okumuu eeno, li síibom ŋáa’ min ilaañen ijuki mantee li ibaj ésuumahukow yáamak.

2 Tímote 4:6

Injé, taŋayi nan emmuu isen buloŋom bulako kasila, éliiŋe eban. Taŋayi yata eketayi yúmbaam éliiŋe.

2 Fiyeel 1:14

Lihaase een muñeˈe lí ífu’ li eniilayi inye yammuu li ebil eket, loon Amaaŋenawu oololaal Yéesu Kilisita áhiisom momuu.

Búhiisenumabu 12:11

Li húsimahu hata Agálalaanawu kutuyolaal kúheekumoolumuu, li hulimahu foof hata Ateemit han kulobumuu ésukayi. Li koon éehe’ min kusen buloŋabu booliil mata min kuket.

Búhiisenumabu 3:10

Emmuu lútuutuk hulimahu húmba lit ban li uhanken min úmuñ, ínje foof fan ifooyi nan sílaamasu sommuu li sibil silako li adunaayi feh boot kayoob bukanabuku kammuu li etaamayi.