Bakaanelabu 20:28 - Jola-Kasa

²⁸ Jijuke to li bukuluul humumuul, li bumatabu feh ban Buyinumabu Banabaabu busenuulumuu jooken. Jicookoo Ejanguwayi yan Ateemit ábajummuu, li eketayi yata Añiilawu oola humumool.

Bakaanelabu 20:28 Referencias Cruzadas

Máciya 16:18

Bale ínje foof boot min eeni, awu ommuu Fiyeel, húlankiinahu. Li húlankiinahu unhu léemimuu li iteef Ejanguwayi yúmbaam. Sembaasu sata eketayi let siyili li Ejanguwayi inyu wahoowah.

Máciya 2:6

«Awu Betilehem, áamimuu li etaamayi yata Súde, manooman let awu uhaŋumuu matiti feh li sísukasu sata Súde. Mata an áamak fan áfulumul li awu. Fan anatten ésukayi yúmbaam, Isilayeel.»

Maak 13:9

«Bale bukuluul humumuul joote jíkaanum. Bukan fan kujokuul kújowetum tilibinaal, ban fan kuŋa’ kukaluwaas min kutekuul li siluufasu sata kal̥awaku. Fan kújowetumuul jijow jítuul hákil kúguubelunaalaku, li kúyiiyaku mata ínje íji, mantee li jilobiil múmbaam.

Hulimahu Hásuumaahu loon Lík akiic homuu 12:32

— Sákoluul, bukuluul jammuu bumat batit! Mata Atuubawuul súumoosuum min asenuul Jáyiiyaju joola.

Hulimahu Hásuumaahu loon Lík akiic homuu 21:34

— Jíkaanum! Jakum jiŋa’ buyinumuul feh jikaan li kagaan li ehob, mantee foof li buyinaabu bata buloŋabu umbe. Jikaan momuu, hunakahu nan Añool-An ammuu li álaañul fan huyaan hugoobuul.

Bakaanelabu 13:2

Li líiŋ hunak hakee, buko balakowe kal̥aw Amaaŋenawu li kamommo ló, Buyinumabu Banabaabu li booniil: — Jikaanom li kakaŋ Balunabaas buko li Sóol boot li bulokabu ban ihooñiilumuu boot min kukaan.

Bakaanelabu 14:23

Li kul̥us li ejangu yanooyan bukan kulako kunahaan, ban nan kumommomuu min kul̥aw kuban, li kuŋaliil kukat li kuŋen kata Amaaŋenawu an kúyinenumuu li akila.

Bakaanelabu 20:17

Fool li alako Milet min aboñ kujow koon kunahaanaku kata Ejanguwayi yata Efées, kubil.

Bakaanelabu 20:29

Lihaase een nan emmuu li ijow, bukan kanokoole li sijangibujal sál̥afute, fan kubil kulako li bukuluul ban let kukat to bumatabu.

Kata Lom 16:16

Jisaafoo bukuluul humumuul kasaafoo kata batuyaay. Sijanguwasu feh sata Kilisita sisaafuluul.

1 Kata Koolent 1:2

Jikiiculokiic yo boot li bukanabuku kata ejanguwayi yata Ateemit yammuu li ésukayi yata Koolent, kabile kulakomuu bukan kata Ateemit li hujamoolahu hooliil li Yéesu Kilisita, ban li kuhooñi boot kalako bukan kanabe, li mano li bukanabuku feh kamanenemuu banooban kajawaku kata Amaaŋenawu oololaal Yéesu Kilisita, ammuu Amaaŋenawu ooliil li oololaal.

1 Kata Koolent 10:32

Baloŋelabu booluul jakum búji bukan li kulo li kahoofoo, lako kusuwif, mantee bukan kalet kusuwif, mantee foof bukanabuku kata ejanguwayi yata Ateemit.

1 Kata Koolent 11:22

Kama inti anoowan li bukuluul labaje eluuf? Wáa újiye let jiyaan jinaak jitiñul bo li jíhobul bo? Bale waa, jibebbes Ejanguwayi yata Ateemit, ban li jifañ min jisuuwen kabajutumuu? Waa jifañe min ilobuul to? Leete fíle isaluul? Maayeet! Let isaluul.

1 Kata Koolent 15:9

Li mal̥egenamu, ínje ihaŋumuu matiti li kufootalaku feh. Itookut maayeet ñano min ihooñi afootal, mata lílaamenlaamen Ejanguwayi yata Ateemit.

1 Kata Koolent 6:20

Li mal̥egenamu, Ateemit lacancaam bacaam báamak min ánoomuluul. Mó mújimuu, joote kama jiŋa’ siniilasu sooluul min jíbinkenool.

Kata Galasi 1:13

Li mal̥egenamu, jijanjam buu linaake ikaanumuu nan ilakomuu li bútinabu bata kusuwifaku. Jihaase buu lihankenumuu min ílaamen Ejanguwayi yata Ateemit, ban li ikaan manooman mantee li iyiis yo.

Kata Efées 1:14

Buyinumabu Banabaabu bo búhiisumuu kaanaku Ateemit fan asenolaal wahawu feh wajakaawu wan alobumuu kasenolaal. Fan ubajaal wahawu unwu feh nan ammuu li afakenolaal bándoo. Kama usalaal máyiineniyamu mata Ateemit.

Kata Efées 1:7

Añoolool an aboolaatumuu akila ammuu Kilisita. Húsimahu hoola háyuwimuu nan aketumuu, ho laŋammuu min ahal boot li alolaal, min Ateemit abonket uhoofoolawu woololaal. Muñowu lakaanumuu min áhiisolaal buu lásuumumuu eeno.

Kata Efées 4:11

Akila Kilisita humumool akaanumuu kukee kulako kufootal, kukee foof li kulako kuwaaleya kata Hulimahu Hásuumaahu, kaabuku li kulako kumata kata bukanabuku kata Ateemit, ban li kunaak foof kuliikeniil Hulimahu hata Ateemit.

Kata Fílib 1:1

Eleetalayi inye ínje Fool li Tímote jikiiculo yo, áloli jammuu kuloka kata Yéesu Kilisita. Jikiiculokiic yo boot li bukanabuku káamimuu kata Ateemit humum hata Yéesu Kilisita, kata ésukayi yata Fílib, boot li kunahaanaku ló kata Ejanguwayi li kujaakulaku.

Kata Kolos 1:14

Li Añiilawu ummu lúfakumaamuu, li okila uhoofoolawu woololaal úbonketumimuu.

Kata Kolos 4:17

Imban li joon Alisif ajooŋoo to min akaan bulokabu jak, ban Amaaŋenawu asenoolumuu kakaan.

1 Tímote 3:1

Hulimahu unhe hulim hata mal̥egen: An li bukuluul afañumuu min alako anahaan li Ejanguwayi, anawu ummu lafañe bulok bajake.

1 Tímote 3:2

Anahaan ata Ejangu laate alako an, an an aatut ajuk majakut manooman li akila. Laate abaj anaale ano. Aatut awuuhen li wahoowah. Laate alako an abaje buyinum, ban li abaj buloŋ bajake. Laate foof alako an ayabe boola bukan jak ban li ayili awaale hulimahu hata Ateemit.

1 Tímote 3:5

Li mal̥egenamu, nokoomuu loon an ayilaat aaken butoŋool, buu laate ayili ajok jak Ejanguwayi yata Ateemit?

1 Tímote 4:14

Jakum ubet to kájiyaku kan Buyinumabu busenimuu, kan uyabumuu nan kufulofetaku kulobumuu mooli, li nan kunahaanaku kuŋalumuu kuŋeniil kuwalen li awu.

1 Tímote 4:16

Ujuke to li awu humumi li baliikenelabu booli. Uhanken to jaj. Li mal̥egenamu, ukaanumuu loon muñaˈa, fan ufakenoolo awu humumi li bukanabuku kajanteneyimuu foof.

1 Tímote 5:17

Kunahaanaku kajokumuu Ejanguwayi jak, háŋum kaakumuu bútebabu bata kawaale li kaliiken bukanabuku Hulimahu, tooke min kuyab bacaam baleˈe ñál̥uba li bacaamabu ban kubajemuu.

Eleetalayi yan Fool akiicumuu Tit 1:7

Li mal̥egenamu, anahaan ata ejangu an kusene bulok bata Ateemit, jakum an ajuk majakut li akila. Jakum alako an atebenoolowe, an ahile kawuñet, an ákaliyenoole, an ámuyitene bukan, ban jakum alako foof an aweelowe li sídalam.

Eleetalayi yan Fool akiicumuu Tit 2:14

Lasensen buloŋabu boola humum bo boot li alolaal, boot kafakenolaal li majakut manooman min akaanolaal bukan kanabe káami koola balewool, kahankene li kakaan majake.

Eébulo 12:15

Jijuke to jakum bil an li bukuluul áfu’ li kájiyaku kata Ateemit. Jijuke to jakum bil an li bukuluul anokoo loon anuunuken átaliye, al̥iilulo li bukuluul min asik huwoogahu hooluul.

Eébulo 13:17

Jítuul kunahaanaku kooluul, ban koonuulumuu jikaan wah, li jikaan wo loon kulobuulumuu. Li mal̥egenamu, buko kommuu li kafooyuul, mata Ateemit fan abil agel̥l̥eniil mooluul. Jikaan manooman mantee li kuyili kukaan bulokabu booliil li ésuumansuum ló, bale inti li jíl̥okoo ló, mata kukaan momuu let lambenuul maayeet.

1 Fiyeel 2:25

Li mal̥egenamu, bukuluul jinokooleenokoo loon kúgalalaan kájime, bale muñeˈe jílaañulo boot bata amataawu ooluul afooyemuu li bukuluul.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.

1 Saŋ 1:7

Bale nokoomuu loon luloŋaaloŋ buloŋ bata li mawuŋe loon Ateemit humumool ammuu li mawuŋe, muñeˈe no unnu lujamoolaajamoo ban húsimahu hata Añoolool Yéesu, fan hufos uhoofoolawu woololaal feh.

Búhiisenumabu 5:9

Muñeˈe li kukijen kakijen kuwunkul koon: «Lutootook min uŋa’ éliibalayi. Lutootook foof min úfulen bálikaañabu. Mata awu umukimuu, ban li húsimahu hooli, lúfakenummuu bukanabuku boot li Ateemit, bukanabuku kata kaland kanookan, kata elob yanooyan, kata het yanooyan, li kata etaam yanooyan.