Bakaanelabu 20:21 - Jola-Kasa

²¹ Lilollob li mal̥egen Kusuwifaku li kata Gilees min kútiiwowul kunab li Ateemit, ban li kúyinen li Amaaŋenawu oololaal Yéesu.

Bakaanelabu 20:21 Referencias Cruzadas

Máciya 3:2

— Jikat kahoofoo, min jítiiwo jiŋa’ buloŋ buwunkul, mata Jáyiiyaju jata Ateemit jíkoojulo!

Máciya 4:17

Yan no unnu, Yéesu li átoŋ awaale aan: — Jikat uhoofoolawu wooluul, min jiŋa’ buloŋ buwunkul; mata Jáyiiyaju jata Ateemit jíkoojulo!

Maak 1:15

Yéesu li anaak aan: — Taŋayi éliiŋe, ban Jáyiiyaju jata Ateemit jíkoojulo. Jibet búsol baloŋelabu booluul buhaanabu min jítiiwo jiŋa’ buloŋ buwunkul, min jíyinen li Hulimahu Hásuumaahu.

Maak 6:12

Mal̥egen kufootalaku li kujow kuwaale bukanabuku kaanaku koote kubet búsol buloŋelabu booliil buhaanabu min kuŋa’ buloŋ buwunkul.

Hulimahu Hásuumaahu loon Lík akiic homuu 13:3

Maayeet! Bale fan ilobuul, jibetutumuu búsol buloŋabu booluul bahaanabu min jítiiwo jiŋa’ buloŋ buwunkul, fan jiket foofuul feh loon buko.

Hulimahu Hásuumaahu loon Lík akiic homuu 13:5

Maayeet! Bale fan ilobuul, jibetutumuu búsol buloŋabu booluul bahaanabu min jítiiwo jiŋa’ buloŋ bawunkul, fan jiket foofuul feh loon buko.

Hulimahu Hásuumaahu loon Lík akiic homuu 15:10

Boot ilobuul, li manolamu, fan baj ésuumansuum li kumalakaaku kata Ateemit, ahoofoola ano bátiiwoye aŋa’ buloŋ buwunkul.

Hulimahu Hásuumaahu loon Lík akiic homuu 15:7

Boot ilobuul, li manolamu, fan bil baj ésuumansuum yáamak li emitayi, ahoofoola ano bátiiwoye aŋa’ buloŋ buwunkul. Esúumansuumayi inyu fan ehaŋ yammuu li ebaj, mata bukan kúyii kubakii li kaat li kubakii kacole, kan jokut min kútiiwo kuŋa’ buloŋ buwunkul.

Hulimahu Hásuumaahu loon Lík akiic homuu 16:28

mata libabbaj bo kutuyaay koono hutok. Ajow alobiil akat to jakum bil buko foof kubil dáade dán sílaamase sommee.»

Hulimahu Hásuumaahu loon Lík akiic homuu 24:47

Ban kúgoomaku koola koote kúwaalewum li kajawaku koola hákil bukanabuku feh, kítum Yeelusalem, kooniil kukat kahoofoo min kútiiwo kuŋa’ buloŋ buwunkul, min Ateemit abonket uhoofoolawu wooliil.

Hulimahu Hásuumaahu loon Saŋ akiic homuu 20:31

Bale wahawu wakiicimuu li éliibalayi inye, ukiicikiic mantee li jíyinen kaanaku Yéesu ammuu Kilisita, okila ammuu Añiilawu ata Ateemit. Ban jíyinenumuu li akila, fan jíbajum buloŋabu li kajawaku koola.

Hulimahu Hásuumaahu loon Saŋ akiic homuu 3:36

An áyinenumuu li Añiilawu, li abaj buloŋ babaneliit. Bale an ahoyumuu min áyinen li Añiilawu, let abaj buloŋabu umbu, bale fan alo li katekaku kata Ateemit.

Bakaanelabu 10:43

Kufulofetaku feh kulollob moola koon anoowan ammuu li áyinen li akila, fan ábajum li kajawaku koola kabonket kata uhoofoolawu woola.

Bakaanelabu 11:18

Muñeˈe nan kujamumuu kulimaku unku, li kulu min kukit kusal Ateemit koon: «Kama mal̥egen, Ateemit lakankaan bukanabuku kákaanumutumuu li akila balewool, min kubet búsol baloŋelabu booliil buhaanabu, min kútiiwo kuŋa’ buloŋabu bata mal̥egen.»

Bakaanelabu 16:31

Fool buko li Silaas li koonool: — Uyínenumuu li Amaaŋenawu Yéesu, fan ufak boot li butoŋi ló.

Bakaanelabu 17:30

Bale Ateemit li ajok min akat bo taŋayi nan bukanabuku kuhaasutumuu wahoowah. Muñeˈe Ateemit laane bukanabuku feh kammuu tanootan kukat baloŋeliil buhaan, min kútiiwo kuŋa’ buloŋ buwunkul.

Bakaanelabu 19:17

Bukanabuku kakinumuu Efées, Kusuwifaku li Kugilekaku li kujam mabajumuu, li kúkoli foofiil feh, ban li kúkaanum ŋáa’ li kajawaku kata Amaaŋenawu Yéesu.

Bakaanelabu 2:38

Fiyeel li aaniil: — Jibet búsol buloŋabu booluul buhaanabu, min jítiiwo jiŋa’ buloŋ buwunkul. Banumuu, anoowan li bukuluul li ajow kúbatiisewool li kajaw kata Yéesu Kilisita, boot kabonket kata uhoofoolawu wooluul. Jikaan momuu, Ateemit fan asenuul kájiyaku kata Buyinumabu Banabaabu.

Bakaanelabu 2:40

Fiyeel li alaañen alobiil kulim kameeŋe, boot kakaaniil kúyinen li boot kawankuleniil. Li aaniil: — Jífu’ li bukanabuku kata muñeˈe kajakutumuu, min Ateemit afakenuul.

Bakaanelabu 20:23

Wahawu wan ihaasumuu bale, wo wommuu li ésuk yanooyan, Buyinumabu Banabaabu búhiisewonhiis kaanaku hukul̥ li sílaam sóomi li kakobom.

Bakaanelabu 20:24

Bale lenseen buloŋabu búmbaam, bubajut jáliŋ boot lí ínje. Samin iyili ihabel kúboñaku kúmbaam ikaan, li bulokabu ban Amaaŋenawu Yéesu asenommuu kakaan, bammuu: kawaale Hulimahu Hásuumaahu hata kájiyaku kata Ateemit.

Bakaanelabu 24:24

Muñeˈe li baj kunak, Féeliis buko li aseekool Dúlisil ammuu asuwif.

Bakaanelabu 26:18

Boot min iboñi ujow úbabul kúkilaku kooliil, li úfulenuliil li élimayi kubil kulako li mawuŋe, li úfulenuliil foof li kaŋenaku kata Sayitaane kubil kulako bata Ateemit; bájum kúyinenumuu lí ínje, li kubaj kabonket kata uhoofoolawu wooliil, min kubaj bútowowiil li bukanabuku kan Ateemit akilumuu.

Bakaanelabu 26:20

Bale lijanjand iwaale bukanabuku kata Damaas li kata Yeelusalem, fú’ tó li iwaale bukanabuku kata etaamayi feh yata Súde, li bukanabuku feh kákaanumutumuu li Ateemit balewool min eeniil kukat baloŋelabu booliil buhaanabu, min kútiiwo kunab li Ateemit ban li kúhiis li bakaaneliil kaanaku mal̥egen buloŋ buwunkul kooke.

Bakaanelabu 28:23

Kusuwifaku li kusen Fool hunak nan kommuu li kufam. Nan hunakahu húliiŋumuu, li kuhaŋ mabil kumeeŋ, kubil kutookool tan akinumuu. Fool li akitteniil mata Jáyiiyaju jata Ateemit kábilum li bújom boot yok kátiim. Li ájowum li eluwaayi, min alobiil mata Yéesu ban li alako huŋes min akaaniil kúyinen.

Bakaanelabu 3:19

Muñeˈe kama jibet búsol baloŋelabu booluul buhaanabu, min jílaañul boot bata Ateemit, bájum li abonket uhoofoolawu wooluul.

Bakaanelabu 8:25

Nan Fiyeel buko li Saŋ kubanumuu elobayi yata ésukayi mata wahawu wan kuhaasumuu li Yéesu, li kawaaleyaku kata hulimahu hata Amaaŋenawu, li kulaañ buko kúl̥uba boot Yeelusalem. Nan kulakomuu elaañayi, li kuwaale Hulimahu Hásuumaahu li básuk bameeŋe bata Samali.

Kata Lom 1:14

Léetiseeti ijow ikaan bulokabu búmbaam li bukanabuku feh, li kásawuliisemuu li kásawuliisewutumuu, li kájallomuu li kahaasutumuu wahoowah.

Kata Lom 1:16

Li mal̥egenamu, isuuwut kawaale Hulimahu Hásuumaahu. Ho hommuu sembaasu sata Ateemit boot kafaken anoowan áyinene, kítum li kusuwifaku ban kit kuletumuu kusuwif.

Kata Lom 10:9

Ulobumuu li butumi hákil ésukayi kaanaku Yéesu ammuu Amaaŋenawu, ban li úyinen li buyinumi feh kaanaku Ateemit layitenumulooyitenul li eketayi, fan ufak.

Kata Lom 2:4

Bale waa, lubebbes másuumamu máamakamu mata Ateemit, li húmuñahu hoola li kabebenaku koola? Uhaasut oon másuumamu mata Ateemit móotimuu mújiyi li ubet búsol buloŋabu booli buhaanabu?

Kata Lom 4:24

Kukiicikiic foof boot li alolaal áatiyaalumuu ujokaali bukan kacole hákil Ateemit, alolaal áyinenaamuu li Ateemit ayitenumulomuu Amaaŋenawu oololaal Yéesu Kilisita li eketayi.

Kata Lom 5:1

Emmuu Ateemit lajokolaajok bukan kacole hákilool humum hata káyinenaku koololaal, muñeˈe lubajaale hujamoo li akila habilumulo li Amaaŋenawu.

1 Kata Koolent 1:22

Kusuwifaku baate bújiyiil li kúyinen, kugilekaku buko li kuŋes bújallo.

2 Kata Koolent 7:10

Li mal̥egenamu, buyina banaboole li húnongumahu hata Ateemit, bukaanekaan buloŋ bata an min búbuti, min jíwool li afak, ban an let ajok li ehaaseen. Bale buyina babilumulo li bakaanelabu bata adunaayi, bumukemuk.

Kata Galasi 2:16

Ban luhaasaale oonaal, an káyinenool li Yéesu Kilisita bale kújimuu leeni lakankaan an acole hákil Ateemit, inti mata min ahankene min akaan loon eluwaayi yata Móyiis elobumuu. Mó mújimuu, alolaal foof lúyinenaayinen li Yéesu Kilisita bájum Ateemit li ajokolaal bukan kacole, mata káyinenaku koololaal li Kilisita kúji, bale inti mata min uhankenaale min ukaanaal loon eluwaayi inyu elobumuu. Li mal̥egenamu, bajut an aani lakankaan an acole hákil Ateemit, mata waa lahankenhanken min akaan loon eluwaayi elobumuu.

Kata Galasi 2:20

Min lako muñeˈe inti ínje humumom éemi li buloŋ, bale Kilisita áami li buloŋ lí ínje. Mata buloŋom bata ál̥ahukowan bata muñeˈe, lilolloŋ bo li káyinenaku kan ibajumuu li Añiilawu ata Ateemit, ábooliwommuu ban li asen buloŋool boot lí ínje.

Kata Galasi 3:22

Bale Bakiicelabu bulollob kaanaku adunaayi foof yo feh amiikeel yoom ata kahoofoolaku. Wahawu unwu újimuu kájiyaku kan Ateemit alobumuu kasen, li kuseni káyinenumuu bale, humum hata min kúyinenumuu li Yéesu Kilisita.

Kata Efées 1:15

Mó mújimuu, ínje foof nan ijamumuu li kulob mata káyinenaku kooluul li Amaaŋenawu Yéesu, li mata húbooliyahu han jíboolimuu bukanabuku feh kata Ateemit,

Kata Kolos 2:5

Maayeet min kite eenimuu ilet ínje humumom li bukuluul, bale buyinumom bumbu li bukuluul. Súumonsuum ŋáa’ min jibajumuu kajamoo, li min jítukumuu lit káyinenaku kooluul li Kilisita.

Filemoŋ 1:5

Mata lijame bukanabuku li kulob mata húbooliyahu han úboolimuu bukanabuku feh kammuu kata Ateemit, li káyinenaku kan ubajumuu li Amaaŋenawu Yéesu.

1 Saŋ 5:1

An áyinenumuu kaanaku Yéesu ammuu Kilisita, anawu ummu añiil ata Ateemit laam. Ban an áboolimuu Ateemit Atuubaawu, anawu ummu fan ábooli foof bañiilabu bata Ateemit.

1 Saŋ 5:5

Ayi aheekumuu adunaayi? Anawu áyinenumuu kaanaku Yéesu ammuu Añiilawu ata Ateemit, okila bale aheekumuu adunaayi.