Bakaanelabu 20:19 - Jola-Kasa

¹⁹ Liloolok boot li Amaaŋenawu.

Bakaanelabu 20:19 Referencias Cruzadas

Hulimahu Hásuumaahu loon Lík akiic homuu 19:41

Nan Yéesu alehenumuu Yeelusalem, ajow aŋanden yo, li al̥ok mata yo,

Hulimahu Hásuumaahu loon Saŋ akiic homuu 12:26

An afañumuu min alok boot lí ínje, anawu ummu laate ánabul lí ínje, bájum tan emmuu li ilako, alokaawu úmbaam foof li alako to. An alokumuu boot lí ínje, fan abaj kasal hákil Atuubawom.

Bakaanelabu 17:13

Bale nan Kusuwifaku kata Tesalonik kujamumuu kaanaku Fool ummu li kawaale foof Hulimahu hata Ateemit li ésukayi yata Beele, li kubil kákiŋul li káguul̥ búsukabu.

Bakaanelabu 17:5

Bale Kusuwifaku li kutahaay ŋáa’. Li kujow kúŋalul kújos kál̥afute, kalakowemuu li útinawu, kubil kúkiŋul búsukabu min kukaan ésukayi éguul̥oo feh. Li kubil boot bata Saasoŋ huŋes Fool buko li Silaas, boot min kujokiil kukaan hákil búsukabu.

Bakaanelabu 20:3

ajow alako bo kul̥eeñ kúhaaji. Muñeˈe Fool li alako li ájufo li ébato min ajow boot Siili, li ajam kaanaku Kusuwifaku kúsonoosonoo boot min kumukool. Muñeˈe li ajok min álaañumum Maseduwaan.

Bakaanelabu 20:31

Ban di jíkaanum, min jiwayil̥o joon simit síhaaji feh, bajut etihunaka bajut ehuka, ikatut kasaabuul ikat to, li jíl̥ok ló.

Bakaanelabu 21:27

Nan kunakaku hutok li kúl̥uba kulakomuu li kuban, Kusuwif kata etaamayi yata Aasi li kujuk Fool li eluufayi yata Ateemit. Li kúkiŋul búsukabu feh min bujok Fool.

Bakaanelabu 27:23

Mata li mal̥egenamu li ehukaayi yakatenumee síyaat, amalakaawu ata Ateemitawu akilommuu an ilokemuu boot li akila, láfulonfu’

Kata Lom 1:1

Injé Fool ammuu aloka ata Yéesu Kilisita, ikiiculuul eleetalayi inye. Ateemit lahooñonhooñ ilako afootal, ban li al̥usom boot kawaale Hulimahu hoola Hásuumaahu.

Kata Lom 1:9

Ateemit an éemimuu li bulok boot li akila li buyinumom feh, min inaak iwaale Hulimahu Hásuumaahu hata Añoolool, lahaase aan ímalut. Lahaase aan ikatut kayinooluul

Kata Lom 12:11

Jikaan bukan kajasowe, jakum jilako bukan káfal̥e. Jilok súf boot li Amaaŋenawu li buyinumuul feh.

2 Kata Koolent 2:4

Li mal̥egenamu, li muhuu ló likiiculuumuu mata ínje ummu li sílaam sáamak ban buyina báamak bookom. Let mantee min ikiiculuumuu boot kakaanuul buyina, bale boot min íhiisuul buu líbooliwuulumuu ŋáa’.

2 Kata Koolent 3:5

Alóli bajut wah wan jiyilo joon áloli húmumoli jikaan wo li sémbewoli, bale Ateemit ákaanoli min jiyili jikaan wahawu wan jikaanemuu.

2 Kata Koolent 7:5

Li mal̥egenamu, nan jíliiŋumuu Maseduwaan jibajut bo kayool̥o kanookan. Sílaam sanoosan jibabbaj so bo: úmuy tíyaŋ, ekole li elako li óloli.

Kata Galasi 1:10

Muñeˈe buu jiyinoole? Mantee ínje huŋes léemi li ho min bukanabuku kusalom, mantee min Ateemit asalom? Mantee huŋes léemi li ho min ikaan bukanabuku súumiil? Nokoomuu loon ínje liloŋe li iŋes min ikaan bukanabuku súumiil, kama ilet aloka ata Kilisita.

Kata Efées 6:7

Jilok boot li kunahaanaku kooluul li ésuumansuum ló, loon eenimuu jiloolok boot li Amaaŋenawu humumool, bale inti boot li bukan.

Kata Fílib 3:18

Lilobeenuul mo iban ñameeŋe, ban boot min ilaañen ilobuul mo muñeˈe li jíl̥ok ló: baje bukan kameeŋe kaloŋe loon kulatoola koom kata ekuluwaayi yata Kilisita.

Kata Kolos 3:24

min jihaas kaanaku Amaaŋenawu fan asuuhenuul, fan asenuul li wahawu wajakaawu wan akaanumuu li emitayi boot li bukanabuku koola. Anahaanawu ata mal̥egen an bukuluul jilokemuu boot li okila, akila ammuu Amaaŋenawu Kilisita.

1 Kata Tesalonik 1:9

Bukanabuku feh kulakomuu elob móololi, li kulob foof buu jíyabolimuu eeno nan jibilumuu booluul, li buu bukuluul jikat bomuu úciinawu min jítiiwo jinab li Ateemit, min jilok boot li akila ammuu Ateemit aloŋe ata mal̥egen.

2 Tímote 1:4

Ijowumuu iwayil̥o buu lul̥okumuu eeno, li síibom ŋáa’ min ilaañen ijuki mantee li ibaj ésuumahukow yáamak.

Saak 1:2

Kutuyom li kúliinom káyinenumuu li Yéesu, ésuumansuum yáamak elako li bukuluul, bukuluul babaje sílaam sanoosan.

1 Fiyeel 1:6

Wahawu unwu újimuu, jilako li ésuumansuum, maayeet min kite eenimuu, muñeˈe boot min fan jibaj sílaam sameeŋe, sáami li síjiwuul li jibaj buyina baatut bufiyo.

2 Fiyeel 1:1

Injé Simoŋ Fiyeel ammuu aloka li afootal ata Yéesu Kilisita, ínje ikiice eleetalayi inye boot li bukuluul jabajumuu káyinen kabaje jáliŋ loon kóololi, humum hata macolamu mata Ateemitawu oololaal li Afakenaawu Yéesu Kilisita.

Búhiisenumabu 7:15

Mó mújimuu, li kuyito hákil efenjeŋayi yata Ateemit min kunaak kumanenool etihunaka kuban ehuka li Eluufayi yoola. Anawu abahumuu li efenjeŋayi yata jáyiiyaju fan afooyiil.