Bakaanelabu 2:47 - Jola-Kasa

⁴⁷ Li kunaak kukijen ukijen wata kasal Ateemit. Li kúsuum bukanabuku feh. Amaaŋenawu li anaak afamen hunakoohunak li huwoogahu hooliil, bukanabuku kan afakenumuu.

Bakaanelabu 2:47 Referencias Cruzadas

Hulimahu Hásuumaahu loon Lík akiic homuu 19:48

Bale kuhaasut buu kóomi li kukaan eeno, mata ésukayi feh enaanaak ejantenool ŋáa’.

Hulimahu Hásuumaahu loon Lík akiic homuu 2:52

Muñeˈe Yéesu li ahaŋ mank ban li ahaŋ májallo, li ásuum Ateemit li bukanabuku foof.

Bakaanelabu 11:21

Sembaasu sata Amaaŋenawu li buko silakowe, mó lí múji bukan kameeŋe li kúyinen, min kútiiwo kunab li Amaaŋenawu.

Bakaanelabu 11:24

Balunabaas lakankaan ánayine ásuume, an ata káyinen an Buyinumabu Banabaabu bulakowe li akila. Bukan kameeŋe li kubil kufamen káyinenumuu li Amaaŋenawu.

Bakaanelabu 13:48

Nan bukanabuku kákaanumutumuu li Ateemit balewool kujamumuu kulimaku unku, li kubaj ésuumahukow yáamak, min kulako kasal Hulimahu hata Amaaŋenawu. Bukanabuku feh kan Ateemit al̥usumuu boot min kubaj buloŋabu bábaneliitumuu, li kúyinen li akila.

Bakaanelabu 14:1

Muñeˈe nan Fool buko li Balunabaas kúliiŋumuu Ikóniyom, li kunoken foof li eluufayi yata kal̥awaku, min kuwaale Hulimahu hata Ateemit yok Kusuwif li bukan kákaanumut li Ateemit balewool kameeŋe kúyinen.

Bakaanelabu 14:21

Fool buko li Balunabaas li kuwaale Hulimahu Hásuumaahu li ésukayi yata Delubi. Bukan kameeŋe li kulako kúgoom. Fúlum tó, li kulaañ boot Lisit, li Ikóniyom, li Antiyok yata Fisidi.

Bakaanelabu 16:5

Sijanguwasu li sihaŋ malit li káyinenaku, ban bukanabuku káyinenumuu li kunaak kuhaŋ mameeŋ hunakoohunak.

Bakaanelabu 17:12

Bukan kameeŋe li buko li kúyinen. Li baj li kata Gilees, kanaale kameeŋe káami bukan káamak li ésukayi, li kánayine kameeŋe káyinene li Yéesu.

Bakaanelabu 2:39

Mata wahawu wan Ateemit alobumuu kasen, wooluul bukuluul li kuñooluul. Wata foof bukanabuku feh kakinumuu lóyi, bukanabuku feh kan Amaaŋenawu Ateemit oololaal ammuu li áhooñul.

Bakaanelabu 2:41

Li kúbatiise bukanabuku káyinenumuu hulimahu hata Fiyeel. Hunakahu unhu, bukanabuku kubilumuu kufamen to huwoogahu hata bukanabuku káyinenumuu li Yéesu, kuyilo kúliiŋ sínjunne síhaaji.

Bakaanelabu 4:21

Muñeˈe kunahaanaku kata Kusuwifaku li kulaañen kunuuloo Fiyeel buko li Saŋ, ban li kukateniil. Kujukut li buko majakut man kóotummuu kútekumiil, mata ésukayi feh enaanaak esal Ateemit mata wahawu wabajumuu.

Bakaanelabu 4:33

Kufootalaku Yéesu li eketayi. Ateemit li ásooniyeniil foofiil feh li káji káamak.

Bakaanelabu 4:4

Bale bukan kameeŋe li kalakomuu bajamabu bata Hulimahu Hásuumaahu, li kúyinen. Kánayinaabuku káyinenumuu, kuyilo kúliiŋ bukan koono sínjunne hutok.

Bakaanelabu 6:1

No unnu, kúgoomaku li kuhaŋ mameeŋ. Muñeˈe Kusuwifaku káyinenumuu li Yéesu ban li kunaak kulob kugilekaay, li súumaatiyiil li Kusuwifaku kaabuku káyinenumuu li Yéesu ban li kubuki li etaamayi yata Falesitiin. Kunaanaak koon Kusuwifaku kata Falesitiin kujokut kanaalaabuku kooliil kahokumuu kúyiniil, loon kujokumuu kooliil nan kugambulenemuu hunakoohunak hutiñahu.

Bakaanelabu 6:7

Hulimahu hata Ateemit li hunaak huhaŋ majamo huyinno bo. Kúgoomaku li kuhaŋ mameeŋ li ésukayi yata Yeelusalem. Kúlamba kameeŋe li kúyinen li Yéesu.

Bakaanelabu 9:31

Muñeˈe bukanabuku feh káyinenumuu li Yéesu, li kubaj kásuumaay li etaamayi feh yata Súde, li yata Gálile, li yata Samali. Li kuhaŋ malit li káyinenaku, ban li kútuul Amaaŋenawu. Li kunaak kuhaŋ mameeŋ kuyinno bo li búkaanum bata Buyinum Banabaabu.

Bakaanelabu 9:35

Muñeˈe bukanabuku feh kakinumuu li ésukayi yata Lida li kata etaamayi yata Saaloŋ, li kujukool li kúyinen li Amaaŋenawu.

Kata Lom 14:18

An alokumuu boot li Kilisita loon muñaˈa, fan ásuum Ateemit ban bukanabuku fan kufañool.

Kata Lom 8:30

Bukanabuku kan Ateemit al̥usumuu yaan no, lahooñiihooñ foof. Bukanabuku kan ahooñumuu, lakaaniikaan foof kulako bukan kacole hákilool. Bukanabuku umbuku kan akaanumuu kulako bukan kacole hákilool, lakaanikaan foof kulako li máyiineniyamu moola.

Kata Lom 9:27

Esay okila li alob butiya mata Isilayeel aan: «Maayeet min kata Isilayeel kukite kumeeŋ loon mul̥uyisamu mammuu bata katantaku kata halahu, bale bukan kafamut bale kóomi li kufak li buko,

1 Kata Koolent 1:18

Li mal̥egenamu, kawaaleyaku kata eketayi yata Kilisita li ekuluwaayi, kulakolako bul̥uuhoo boot li bukanabuku kammuu li ejow li sambun, bale alolaal jaamaalumuu li bútinabu bata kafakaku, kawaaleyaku unku laalu sembaasu sata Ateemit.