Bakaanelabu 2:27 - Jola-Kasa

²⁷ Let ukat yaalom bándoo bata kaketumuu. Ban let ukatom, ínje jammuu ooli, min ifut li huyaak.

Bakaanelabu 2:27 Referencias Cruzadas

Máciya 11:23

Awu Káfeenawum, lonsoon fíle boot min utebeni boot haatiya emitayi? Maayeet! Bale Ateemit fan áwalenuli boot yok teetaam buwokaayabu bata sambunasu. Mata wahawu wájaahaleniyaawu wakaanimuu booli, ukaaneenimuu li ésukayi yata Sodom, timbeen yo to síyaat.

Maak 1:24

— Yéesu ata Nasalet, waa lookoolaale? Waa lubiibil boot kájimenoli? Lihaase awu ommuu ayi. Awu ommuu Anawu anabaawu an Ateemit áboñulumuu.

Hulimahu Hásuumaahu loon Lík akiic homuu 1:35

Amalakaawu li aanool: — Buyinumabu Banabaabu fan bubil bulako li awu, min sembaasu sata Ateemit ata Haatiya síhimeni loon máyiino. Mó mújimuu, añiilawu ammuu li abuki fan akaan añiil anabe, ban fan ahooñi Añiil ata Ateemit.

Hulimahu Hásuumaahu loon Lík akiic homuu 16:23

Anáyinaawu abajaawu li alako sílaam sáamak, ban kaketumuu kommuu. Li ateb kúkilool, li aŋanden Abulaham buko li Laasaal tin tano.

Hulimahu Hásuumaahu loon Lík akiic homuu 24:44

Ban li aaniil: — Wahawu unwu lilobuulumuu nan ilakomuu li bukuluul, eenuul: wahawu feh wakiicimuu uya lí ínje li eluwaayi, lí Síliibalasu sata Ukijenawu, woote ubaj.

Hulimahu Hásuumaahu loon Lík akiic homuu 4:34

— Aah! Yéesu ata Nasalet, waa lookoolaale? Waa lubiibil boot kájimenoli? Lihaase awu ommuu ayi: Awu ommuu Anawu anabaawu an Ateemit aboñulomuu.

Hulimahu Hásuumaahu loon Saŋ akiic homuu 11:39

Yéesu li aaniil: — Jífulen húlankiinahu. Maaluta ammuu áliinawu ata aketaawu, li aanool: — Anahaan, muñeˈe tan tommaa lafute, mata muñeˈe labaje kunak kubakii li huyaakahu.

Bakaanelabu 2:26

Wahawu unwu újimuu ésuumahukow li yoono li buyinumom. Ban kulim kata ésuumansuum li kúfulumul li butumom. Ban muñeˈe, maayeet eniilayi yúmbaam yammuu li eket, fan eyool̥o li kákangum ló.

Bakaanelabu 2:28

Lúhiisonhiis útinawu wata buloŋabu. Fan ukaanom ibaj ésuumansuum yáamak hákili.»

Bakaanelabu 2:31

«Muñeˈe Dayit lajuujuk ákibben kaanaku Kilisita fan ayitowumul li eketayi. Wahawu unwu újimuu li aan: “Ateemit let akatool bata kaketumuu, ban eniilayi yoola let éfal̥ li huyaak.”

Bakaanelabu 3:14

Li jihoy Yéesu ammuu an anabe li an acole, min jilob Filat min ákatenuluul an amuke bukan.

Bakaanelabu 4:27

«Mata li mal̥egenamu, li ésukayi inye Elod, li Fons Filat, li bukanabuku kákaanumutumuu li awu Ateemit baleyi, li kata Isilayeel, kufamumuu min kutiik alokaawu ooli anabaawu ammuu Yéesu, an ul̥usumuu alako Afakenaawu.

1 Kata Koolent 15:52

Wahawu unwu fan ubaj yaan li ñano, hi’ loon an amoye, nan kasiinaku kúsolaaku kommuu li kul̥oki. Li mal̥egenamu, nan kasiinaku kúsolaaku kommuu li kul̥oki, bukanabuku kaketumuu fan kuyitowumul li eketayi min kulako bukan kayilaat kuket. Alolaal jaamaalumuu li buloŋ, siniilasu soololaal fan siyaan síbutoo.

1 Kata Koolent 15:55

Aa eketaye, kama kaheekaku kooli kit kunkay? Kama katahaku kooli kunkay?»

1 Saŋ 2:20

Bale bukuluul jiyayyab Buyinumabu Banabaabu ban Kilisita akaanumuu li bukuluul. Mó mújimuu bukuluul foofuul feh jihaase mal̥egenamu.

Búhiisenumabu 1:18

Injé emmuu anawu ammuu li buloŋ. Liketeenenket, bale muñeˈe ínje ummu li buloŋ boot nanoonan. Libaje kayile li eketayi, li tan bukanabuku kaketumuu kommuu.

Búhiisenumabu 20:13

Halahu li húfulenul bukanabuku kaket lómuu. Eketayi li Dán kaketumuu kommuu, li kúfulenul foof bukanabuku kaketumuu kan kookenumuu, min kutiibiil naboo li wahawu wan anoowan li buko akaanumuu.

Búhiisenumabu 3:7

— Ukiic amalakaawu ata Ejanguwayi yata Filadelifi oonool: «Anawu Anabaawu ammuu an ata Mal̥egen, aakumuu ekul̥umayi yata áyiiyawu Dayit, ábabulemuu ban an let ayili abab, li abab ban an let ayili ábabul, laane: