Bakaanelabu 2:11 - Jola-Kasa

¹¹ Babbaj to bukanabuku kafimmuu min kóomi Kusuwif, li bukanabuku kaŋa’muu bútinabu bata Kusuwifaku. Li baj bukan káfulumulo li etaamayi yata Kilet li yata Aalabi. Bale alolaal foofolaal feh lujamaaliijam li kulob, anoowan li elobayi yoola mata wahawu wáamakawu wan Ateemit akaanumuu.

Bakaanelabu 2:11 Referencias Cruzadas

Bakaanelabu 2:10

Baje káfulumulo foof li etaamayi yata Filiisi li yata Fanfili, yata Ejíf li yata halaabahu hata Libi yakoojumuu Siilen. Babbaj foof kúfulumulomuu Lom.

Bakaanelabu 2:12

Búsukabu feh li busego ŋáa’, ban buhaasut min boote buyinoo to. Muñeˈe bukanabuku li kunaak kugel̥l̥enoo koon: — Kama file wahawu unwu waa ufañe ulob?

Bakaanelabu 27:12

Kásikaku kujakut boot mata min jikaan to húl̥iyahu. Wahawu unwu újimuu bukan kameeŋe kalakomuu li ébatowayi, li koon jífu’ li kásikaku. Kufañeene min nokoo loon kayiliyeenuma, li jijow li kásikaku kata ésukayi yata Fóweniis jijow jikaan bo húl̥iyahu. Kásikaku kata Fóweniis ko kommuu kata étebelemukayi yata Kilet, ban li kujooŋoo Kúñum li Jalaŋ, li kujooŋoo foof Alool li Jalaŋ.

Bakaanelabu 27:13

Jílus jatiita lí jítoŋ jítekumul Kúñum, kafañumuu ejowayi li kuyinoo li koon fan kuyili kujow. Li kuñak hulankalahu min kujow li ébatowayi kukel̥el̥en katantaku kata Kilet.

Bakaanelabu 27:7

Muñeˈe ébatowayi li enaak etey jatiita jow baj kunak kafame. Li jinaaŋoojinaaŋoo, li jíliiŋ bújooŋoo ésukayi yata Sinid síniiloli bajame. Emmuu élusayi éhilolihi jijow haŋ máloyi jijuke ban jilakomuu ejowayi, li jíjowum Kaf Solimon jihaaŋ jilo kagebaku káfibomuu kata étebelemukayi yata Kilet.

1 Kata Koolent 12:10

Akee Buyinumabu li busenool kayile min anaak akaan bújaahalenum, aahu li busenool káji kata min naak Ateemit álobum li akila, akee foof li busenool káji min anaak ahaas wah wabilumulo li Buyinumabu Banabaabu li wah wabilumulo li uyinumawu wajakutumuu. Akee Buyinumabu li busenool káji kata min alob silob sahaasuti, aahu li busenool káji kata min ayili akitten bukanabuku waa silobasu unsu silobe.

1 Kata Koolent 12:28

Mó mújimuu, Ateemit li ajand akaan li Ejanguwayi kufootal, fúlum tó, kuliikena bukan hulimahu hoola, ban kakaanemuu wah wájaahaleniye, ban kabajumuu káji kata kafaken bukan li úsomutawu wooliil, fúlum tó, kabajumuu káji kata kalamben bukan, ban kabajumuu káji kata kaaken ejangu, ban kit kabajumuu káji kata elob silob sahaasuti.

Kata Galasi 1:17

Ijowut foof boot Yeelusalem ijow ijuk bukanabuku kajandommuu kulako kufootal, bale liyansaan ijow boot li etaamayi yata Aalabi, ban li ílaañumul bo boot li ésukayi yata Damaas.

Kata Galasi 4:25

Agaal akila ayilimuu akittenoolumi li Huyuuyahu hata Sinaay hammuu li etaamayi yata Aalabi. Akila ayilimuu foof akittenoolumi li Yeelusalem yata muñeˈe, mata akila ummu li humiikeeleto li kuñoolool ló.

Eleetalayi yan Fool akiicumuu Tit 1:12

Akee li buko áami afulofet lahaale aan: «Kata Kilet kufinfin min kukaane kúmalamiñ, sínuukuleŋ sál̥afute, bukan káfal̥e kayinoole kameeŋen kalaku kooliil bale.»

Eleetalayi yan Fool akiicumuu Tit 1:5

Likatikat li étebelemukayi yata Kilet, bánum li uhabel wahawu wasaŋomuu kakaan uwoogen, ban li ul̥us kunahaan kata ejangu li ésuk yanooyan. Uwayil̥o kulimaku kan ilobimuu.

Eébulo 2:4

Ateemit humumool li ájowum li búhiisenum, li bakaane babaje sembe, li wah wájaahaleniye min áhiis kaanaku kulimaku kan kulobumuu mal̥egen. Ateemit láhihhiis foof wahawu unwu min asenumuu bukan úji wata Buyinumabu Banabaabu loon afañumuu.