Bakaanelabu 19:34 - Jola-Kasa

³⁴ Bale nan kuhaasumuu koon Alekusandul asuwif, buko foofiil feh li kulob butiya li mano kulimaku kanolaku jow yili baj siwaatu síl̥uba koon: — Alitemis ammuu ateemitawu áamakawu ata kata Efées!

Bakaanelabu 19:34 Referencias Cruzadas

Máciya 6:7

«Jilakomuu kal̥aw, jakum jilob kulim kameeŋe kabajut jáliŋ loon kákaanumutumuu li Ateemit balewool kukaanemuu. Kuyinooyinoo li koon kulobumuu kulim kameeŋe, Ateemit fan ajanteniil.

Bakaanelabu 16:20

Li kuŋaliil kusen kutiibaaku kata Lom, ban li kooniil: — Kánayinaabuku umbuke kumbuku li kakaan búgul̥a li ésukayi yoololaal. Buko kusuwif koom.

Bakaanelabu 19:24

Mata babbaj ahaaña akee an koone Démetiliyus, anaake aŋa’ ehaaliis min ahaañ baluuf batit banokoole li eluufayi dán kumanenemuu ateemitawu anaalaawu an koonemuu Alitemis. Bulokabu bata Démetiliyus li bunaak búji kulokaabuku li kubaj sídalam sáamak.

Bakaanelabu 19:26

Bale jijuke ban jijame wahawu wan ánayinaawu ummu an koonemuu Fool ammuu li kakaan. Mata lansaan kuteemitaku kan bukan kukaane, kulet kuteemit kata mal̥egen, min áji bukan kameeŋe li kúyinen li akila, let taate li ésukayi yata Efées bale, bale foof li etaamayi feh yata Aasi.

Bakaanelabu 19:28

Nan bukanabuku kalako tomuu kujamumuu kulimaku unku, etindihuuñ yáamak li ejokiil. Li kunaak kulob butiya koon: — Alitemis ammuu ateemitawu áamakawu ata kata Efées!

Bakaanelabu 19:33

Muñeˈe li baj ánayine akee an koone Alekusandul, an Kusuwifaku kunaake kutuuñen ayab kayooŋ. Kukee li búsukabu li kukittenool mabajumuu, li áyiit kaŋenool min afañeen alob li búsukabu.

Bakaanelabu 19:35

Muñeˈe anahaanawu ata ésukayi yata Efées li akaan búsukabu bulu, ban li aaniil: — Kata Efées, ayi li bukanabuku feh ahaasut aan ésukayi yata Efées, yo efooyemuu eluufayi dán manenemuu Alitemis áamakawu, li kambuwaku koola kálowumulomuu li emitayi?

Kata Lom 2:22

Awu aanemuu jakum an ahinto li an an kuyabowut, wáa újiye awu li unaak uhinto li an an jiyabowut? Awu afañutumuu ujuk úciinawu, wáa újiye li unaak ujow úkuwet wahawu wammuu li uyuntawu wata wo?

Búhiisenumabu 13:4

Muñeˈe ésukayi feh li emanen éjunfuulayi, mata esensen kayile énuukuleŋayi. Bukanabuku feh li kunaak kumanen énuukuleŋayi koon: «Ayi anokoole li énuukuleŋayi? Ayi ayilo atiik li yo?»