Bakaanelabu 19:13 - Jola-Kasa

¹³ Li baj no Kusuwif kukee kanaake kuñaahoo li sísukasu min kunaak kukesoo uyinumawu wajakutumuu úfu’ li kásomutumuu. Muñeˈe li kufañ kuŋa’ kajawaku kata Amaaŋenawu Yéesu min kukaan wo úfu’ li bukanabuku. Li kunaak koon uyinumawu wajakutaawu: — Leenuul jífu’ li kajaw kata akila Yéesu an Fool awaaleyemuu!

Bakaanelabu 19:13 Referencias Cruzadas

Máciya 12:27

Nokoomuu loon jonsoon ínje li búkaanum bata Bélusebul líkesoolume uyinumawu wajakutaawu, kúgoomaku kooluul li waa kúkesoolume wó? Mó mújimuu, fan kúhiisuul buko humumiil kaanaku jilet li mal̥egen.

Máciya 26:63

Bale Yéesu abagut. Alámbaawu áamakawu li aanool: — Lil̥awi li kajaw kata Ateemit aloŋumuu. Ulóboli mantee awu ommuu Afakenaawu, Añiilawu ata Ateemit.

Maak 5:7

ban li alob butiya aan: — Yéesu, Añiil ata Ateemit ata Haatiya, waa lufañe lí ínje? Liyaaki li kajawaku kata Ateemit, jakum úlaatenom.

Maak 9:38

Muñeˈe Saŋ li aan Yéesu: — Anahaan, jijuujuk ánayine akee li kaŋa’ kajawaku kooli min akesoo uyinumawu wajakutumuu úfu’ li bukan, li joonool akat, mata alet akee li ololaal.

Hulimahu Hásuumaahu loon Lík akiic homuu 11:19

Nokoomuu loon ínje li sembe Bélusebul líkesoolume uyinumawu wajakutumuu, kúgoomaku kooluul li sembe sata ayi kúkesoolume wo? Mó mújimuu buko humumiil kommuu kubil kutiibuul.

Hulimahu Hásuumaahu loon Lík akiic homuu 9:49

Muñeˈe Saŋ li aan Yéesu: — Anahaan, jijuujuk ánayine akee li kaŋa’ kajawaku kooli min akesoo uyinum wajakut úfu’ li bukan, li joonool akat, mata alet li ololaal.

Bakaanelabu 19:14

(Bukanabuku kanaake kukaanumuu loon muñaˈa, buko kommuu bañiilabu hutok li búl̥uba bata Sikeewa alakomuu álamba áamak ata Kusuwifaku.)

2 Kata Koolent 11:4

Li mal̥egenamu, bukuluul jonsoon éehe’ min kukee kuyaan kubil kúliiŋul li kuwaalewuul mata Yéesu akee ábuto li an áloli jiwaalewuulumuu, mantee foof li jiyab buyinum bakee bábuto li ban jiyab nomuu, mantee foof li jíyinen li hulim hakee hásuume hábuto li han áloli jiwaalewuulumuu.