Bakaanelabu 18:3 - Jola-Kasa

³ Ban emmuu bulokiil bano, (kakaan uyunt), li alako booliil, min kúlokum dín dáno.

Bakaanelabu 18:3 Referencias Cruzadas

1 Kata Koolent 4:12

Alóli jumbuku min jitekemuu síniiloli min jítuk li kúŋenoli min jilok. Kúgelolimuu li jísooniyeniil, li kúlaamenoli li jímuñ.

1 Kata Koolent 9:14

Li manolamu, Amaaŋenawu lalollob kaanaku bukanabuku kawaaleyemuu Hulimahu Hásuumaahu, koote kúloŋum li Hulimahu Hásuumaahu.

1 Kata Koolent 9:15

Liyiliyeene ikaan mo, bale ikaanut mo, ban ikiiculoot kulimaku unke mantee li íbajum tó wah ukee. Haŋe majak kama min iket! Bale an let abot lí ínje wahawu unwu wájiwommuu li ibaj kasal.

1 Kata Koolent 9:18

Kama bacaamabu búmbaam bo bommuu bay? Bo bommuu min iwaaleyemuu Hulimahu Hásuumaahu montoŋ, bagel̥l̥enut wahawu wan eeteenumuu ibaj li kawaaleyaku kan iwaaleye homuu.

2 Kata Koolent 11:7

Nan iwaalewuulumuu Hulimahu Hásuumaahu hata Ateemit, igel̥l̥enutuul bacaam banooban. Liwalenoolowalenoolo ínje humumom min itebenuul. Wáa fíle, min ikaanumuu loon muñaˈa, likankaan kahoofoo?

2 Kata Koolent 11:9

Ban nan ilakomuu booluul, jokommuu li wah let iyoken an. Kutuyolaal kammuu li etaamayi yata Maseduwaan kunaake kulambenommuu li wahawu wan naake jokommuu li wo. Lijukejuke to jakum bil ilako búteb boot li bukuluul, ban let ikat min ilako búteb boot li bukuluul.

2 Kata Koolent 12:13

Waa sijangu saasu sibaje wan bukuluul jibajut? Mantee yo yommuu min eenutuulumuu jookenom. Ban kama li jibonketom min ikaanutuulumuu col.

1 Kata Tesalonik 2:9

Kutuyom, manooman jiwayil̥owe min áloli jilokumuu súf li buyokabu ban jiyokumuu. Jiloolok etihunaka jiban ehuka, jakum bil an li bukuluul ákiloli hutiñ áloli li kawaaleyaku kooluul kata Hulimahu Hásuumaahu hata Ateemit.

1 Kata Tesalonik 4:11

Jiŋes min jiloŋ li kásuumaay. Jakum jinoken dán utumuul ulet. Jítuk li kuŋenuul min jilok min jiloŋ, loon jifinumuu min jilobuul.