Bakaanelabu 18:27 - Jola-Kasa

²⁷ Fúlum tó, Afolos li abaj kayinoo kata ejow boot li etaamayi yata Akaay. Kutuyool kata káyineniil kano li kuwankulenool, ban li kukiic eleetal kuboñ bukanabuku káyinenumuu kata etaamayi inyu, bánum li kuyabool jak. Nan áliiŋ bómuu, li alamben ŋáa’ bukanabuku káyinenummuu li káji kata Ateemit,

Bakaanelabu 18:27 Referencias Cruzadas

Bakaanelabu 1:15

Li kunakaku unkumaa, bukanabuku káyinenumuu li Yéesu li kuwoog. Kalako tomuu kuyilo kúliiŋ téemeel li áyii. Muñeˈe Fiyeel li ayito li tutiil min aaniil:

Bakaanelabu 11:26

Nan ajukumuu Sóol, li ájowetumool boot Antiyok. Li kulako buko kúl̥uba emit feh, li ejanguwayi yata bo, min kuliiken Hulimahu hata Ateemit bukan kameeŋe. Li ésukayi inyu yata Antiyok, to bukanabuku kútoŋumuu kuhooñ kúgoomaku ekelecen.

Bakaanelabu 15:34

[Bale Silaas li ajok min alako Antiyok.]

Bakaanelabu 18:12

Muñeˈe li taŋayi nan Galiyoŋ alakomuu águubelunaalawu ata Lom li etaamayi yata Akaay, Kusuwifaku li kujamoo min kutiiken Fool. Li kujokool kújowetum li hutiibahu,

Bakaanelabu 18:18

Fool li afiyo jakee li ésukayi yata Koolent. Fúlum tó, li akat to kutuyool min ájufo li ébato min ajow boot li etaamayi yata Siili, akila li Filisila li Akilaas. Fool li ámiito átowum ájufo li kásikaku kata Sankile, mata babbaj wah wan alobe kakaan hákil Ateemit.

Bakaanelabu 19:1

Nan Afolos alakomuu Koolent, Fool li ájowum li etaamayi ban kuyuuyaku kommuu, abil boot Efées. Alíiŋul li atook bó kúgoom kukee.

Bakaanelabu 9:27

Bale Balunabaas li aŋalool ájowetum boot bata kufootalaku li bútinabu, li min Amaaŋenawu aloboolumuu eeno. Li akitteniil foof buu Sóol áwaalewummuu li kabanewool li kajawaku kata Yéesu, li ésukayi yata Damaas.

Kata Lom 1:5

Li okila Ateemit ásenumommuu kájiyaku kata kalako afootal, boot kakaan bukanabuku kata sihetasu feh kúyinen li akila ban li kútuulool, boot li kasal kata kajawaku koola.

1 Kata Koolent 15:10

Bale kájiyaku kata Ateemit kújimuu li eeno loon emmee. Ban min áyiyenommuu li kájiyaku koola, inti kakaal̥o. Mata liloolok ihaŋ kufootal kaabuku feh. Bale inti ínje iloke, li mal̥egenamu, kájiyaku kan Ateemit asenommuu kulambenom ikaan bulokabu umbu.

1 Kata Koolent 16:3

Nan emmuu li íliiŋul, fan iboñ li sileetal ló bukanabuku kan bukuluul humumuul jommuu li jil̥us, kújowetum wahawu wan jommuu li jisen boot Yeelusalem.

1 Kata Koolent 3:6

Injé lil̥uul̥uk, Afolos li aloose, bale Ateemit akaane min l̥iil.

2 Kata Koolent 1:24

Alóli jilet li huŋes min jituuŋuul min jíyinen li wahawu wan áloli jifañumuu min bukuluul jíyinen li wo, mata káyinenaku kooluul kuliilit, bale jifañe min jílokum dín dáno li bukuluul boot li ésuumahukow yooluul.

Kata Fílib 1:25

Mó mújimuu, hiitonhiit jak kaanaku fan ilako li buloŋabu umbe, min ilako li bukuluul foofuul feh boot mata bánkabu booluul, min jibaj ésuumahukow li káyinenaku kooluul,

Kata Fílib 1:29

Li mal̥egenamu, Ateemit lasenuusen káji kata min jíyinen li Kilisita, bale foof min jílaam boot li akila.

Kata Kolos 2:12

Nan kúbatiisewuulumuu, no jihokoolimuu li Kilisita, ban li jiyitowumul foof li eketayi li akila, mata jíyinenyinen li sembaasu sata Ateemit sayitenumuloomuu li eketayi.

Kata Kolos 4:10

Alisitaak an kukul̥oomuu li mano lí ínje, lasaafuluul. Maak, ammuu atuyawu ata Balunabaas, lasaafuluul foof. (Bukuluul jijanjam kulimaku kan ilobumuu mata Maak: abilumuu booluul, li jiyabool jak).