Bakaanelabu 18:25 - Jola-Kasa

²⁵ Kuliikenooliiken Bútinabu bata Amaaŋenawu ban, li anaak awaale li aliiken bukanabuku col Hulimahu Hásuumaahu hata Yéesu li ésuumansuum yáamak. Bale okila Afolos kábatiisaaku kata Saŋ bale lahaase.

Bakaanelabu 18:25 Referencias Cruzadas

Maak 1:3

Laale hulimahu hata anawu abaŋulowemuu li kayiinaayaku aan: “Jíhosul bútinabu boot li Amaaŋenawu! Jikaanool útin wacole.”»

Maak 12:14

Mal̥egen li kujow kúliiŋ, li koon Yéesu: — Anahaan, jihaase joon awu an alobe mal̥egen, ban úkoliwut anoowan mata újukeleliit li buul. Ban luliikeneliiken bukanabuku li mal̥egen buu kommuu li kunaak kuloŋ loon Ateemit afañumuu. Ulóboli, mantee Eluwaayi yata Móyiis yonsoon lootaale uhalaal búhalabu bahaleyimuu áyiiyawu áamakawu Sesaal, mantee a’aa’? Mantee lootaale usenaal búhalabu, mantee ootutaal usenaal bo?

Hulimahu Hásuumaahu loon Lík akiic homuu 1:4

Likankaan mo bájum awu humumi li uyili uhaas oon wahawu wan kuliikenimuu mal̥egen.

Hulimahu Hásuumaahu loon Lík akiic homuu 7:29

Nan ésukayi feh, boot li kúyababuhalabu ló, ejamumuu Saŋ li alob loon muñaˈa, li ehaas yoon Ateemit lacoccol, min ebil ábatiiseyiil.

Bakaanelabu 13:10

ban li aan: — Min umeeŋ muñowu búhoolo li búl̥afut, añool Sayitaane, alatoola ata wah feh wacole! Let ukat kaŋes min ulaañen mal̥egenamu mata Amaaŋenawu mulaañ émalimiñ?

Bakaanelabu 16:17

Jísungutaaju unju li jinaak jínabul li Fool li óloli, mo jilobemaa butiya joon: — Kánayinaabuku umbuku kuloka kata Ateemit ata Haatiya tiya! Kubiibil min kúhiisuul bútinabu bata kafakaku!

Bakaanelabu 18:26

Li anaak alob li mal̥egenool li eluufayi yata kal̥awaku yata Kusuwifaku. Nan Filisila buko li Akilaas kujamoolumuu li alob, li kuŋalool kújowetum booliil, kujow kukittenool Bútinabu bata Ateemit haŋ macol.

Bakaanelabu 19:23

Muñeˈe no unnu, li baj búgugguloo báamak mata Bútinabu bata Amaaŋenawu búji.

Bakaanelabu 19:3

Fool li alaañen aaniil: — Kama kábatiise kay jíbatiiseyi? Li koonool: — Kábatiisaaku kata Saŋ Batiis.

Bakaanelabu 19:9

Bale kukee li buko kufañut kujam, min kuhoy báyinen ban li kunaak kulob kulim kajakut kuya li Bútinabu bata Amaaŋenawu hákil ésukayi. Muñeˈe Fool li ajow akatiil to, ban li aŋa’ kúgoomaku ájowetum, min anaak ajow awaale hunakoohunak li elekoolayi yata Tíilanus.

Bakaanelabu 9:2

Nan áliiŋumuu, li alobool min asenool sileetal sammuu síjiwool li ayili anoken li siluufasu sata kal̥awaku.

Kata Lom 12:11

Jikaan bukan kajasowe, jakum jilako bukan káfal̥e. Jilok súf boot li Amaaŋenawu li buyinumuul feh.

2 Tímote 2:4

Asollaali aloŋe li saluwiis, afañumuu min akaan anahaanawu oola súum, let aloŋ loon an alet li saluwiis.

Saak 5:16

Mó mújimuu anoowan li bukuluul laate alob afaalool uhoofoolawu wan okila humumool akaanumuu, ban anoowan li bukuluul foof li al̥aw boot li afaalool, mantee Ateemit li afakenuul. Kal̥aw kata an akaane loon Ateemit afañumuu kubabbaj sembe.