Bakaanelabu 17:28 - Jola-Kasa

²⁸ mata: «Li okila lúbajumaamuu buloŋ, li unaak ugoloolaal, li óomiyaal bukan.» Mo foof kukee li kujuul̥a ukijenawu kooluul kulobumuu koon: «Olóli foof kuñoolool joom.»

Bakaanelabu 17:28 Referencias Cruzadas

Hulimahu Hásuumaahu loon Lík akiic homuu 20:38

Yéesu li afamen aan: — Muñowu híisumuu kaanaku, Ateemit alet Ateemitawu ata bukanabuku kaketumuu, bale Ateemitawu ata bukanabuku kaloŋumuu, mata bukanabuku feh kulonloŋ boot li Ateemit.

Hulimahu Hásuumaahu loon Lík akiic homuu 3:38

Kayinan ata Enos, Enos ata Set, Set ata Adam, Adam ata Ateemit.

Hulimahu Hásuumaahu loon Saŋ akiic homuu 11:25

Yéesu li aanool: — Injé iyitenumulemuu kaketumuu li eketayi, ínje isenemuu buloŋabu. An áyinenumuu lí ínje, fan aloŋ maayeet min akete.

Hulimahu Hásuumaahu loon Saŋ akiic homuu 5:26

Mata, loon Atuubaawu aakumuu buloŋabu li akila humumool, mo foof lakaanumuu Añiilawu min áaki buloŋabu li akila humumool.

Kata Kolos 1:17

Kilisita to laam tówum wahawu feh ubaj, ban wahawu feh wabajumuu li kuŋenool woom.

Eleetalayi yan Fool akiicumuu Tit 1:12

Akee li buko áami afulofet lahaale aan: «Kata Kilet kufinfin min kukaane kúmalamiñ, sínuukuleŋ sál̥afute, bukan káfal̥e kayinoole kameeŋen kalaku kooliil bale.»

Eébulo 1:3

Kaleñaku kata máyiineniyamu mata Ateemit li Añiilawu ummu koom. Li akila bóonowabu bata Ateemit bujukimuu. Hulimahu hoola habajaahu sembe laŋale min afeb adunaayi. Nan ágiilenumuu bukanabuku li uhoofoolawu wooliil aban, li ajow abah haatiya tiya emitayi kaŋen kúli Ateemit abajaawu sembe.

Eébulo 12:9

Situubawolaal sabukolaalumuu, sinaanaak sicolenolaal ban li unaak útuulaaliil, háŋum Ateemit Atuubawolaal ata haatiya. Lootaale kama uhaŋaal mátuulaalool min ubajaal buloŋ.

Eébulo 2:11

Yéesu okila ágiilenemuu bukanabuku li uhoofoolawu wooliil, ban bukanabuku feh kan ammuu li kágiilenaku, buko foofiil feh Atuuba ano kubaje. Wahawu unwu újimuu Yéesu asuuwut bahooñiil kutuyool,