Bakaanelabu 17:25 - Jola-Kasa

²⁵ Ateemit jokutool li wah wan bukan kuyilo kukaan boot li akila, mata akila asenemuu bukanabuku feh buloŋ, huyih li wahoowah feh.

Bakaanelabu 17:25 Referencias Cruzadas

Máciya 5:45

Bájum li jilako bañiil bata Atuubawuul ata haatiya. Mata lakaanekaan banakabu bulumul li kál̥afutumuu, loon foof lakaane bomuu bulumul li kajakumuu. Li akaan emitayi élaalul li mata kajakumuu, li mata foof bukanabuku kal̥afutumuu.

Máciya 9:13

Jijow jiŋes min jihaas waa Ateemit afañe alob li hulimahu unhe: «Inti usila sínuukuleŋ lifañe, bale lifañe min jinaak jíyiyen bukanabuku.» Ibilut kahooñ bukan kayinoole li koon buko bukan kacole koom, bale kuhoofoola libile kahooñ.

Bakaanelabu 14:17

Bale, Ateemit akatut káhiis bukanabuku majakaamu moola, mata li emitayi lásenewumuluumuu malamu man élaalewulumuu, li mutiñaay nan maalemuu. Ateemit asenewuulumuu mutiñaay, ban li akaan uyinumuul úsuum.

Bakaanelabu 17:28

mata: «Li okila lúbajumaamuu buloŋ, li unaak ugoloolaal, li óomiyaal bukan.» Mo foof kukee li kujuul̥a ukijenawu kooluul kulobumuu koon: «Olóli foof kuñoolool joom.»

Kata Lom 11:35

Ayimaa abile ajand asenool wah ukee, min anawu ummu áyabum bacaam li akila?»

1 Tímote 6:17

Ulob bukanabuku kammuu kusaanum li adunaayi unye ooniil jakum kutebenoolo, ban jakum foof kúkangum li hubajahu unhu haatutumuu hufiyo, bale kúkangum li Ateemit asenewolaalumuu wahoowah feh ŋáa’ mantee li úbajumaal li wo kásuumaay.