Bakaanelabu 16:23 - Jola-Kasa

²³ Nan kutekiilumuu matek kuban, li kuŋaliil kukul̥ min koon afooyaawu afooyiil jak.

Bakaanelabu 16:23 Referencias Cruzadas

Máciya 26:48

Sudaas abetumuu Yéesu li kuŋen bukanabuku umbuku, lalobiilob buu láatimuu akaan min kuhaas Yéesu. Laaniisaan: «Anawu an emmuu igaab kuŋenom, akilamuu. Jijokool.»

Hulimahu Hásuumaahu loon Lík akiic homuu 21:12

Bale, fan kujokuul ban li kúlaatenuul, fan kujokuul kujow kusen kunahaanaku kata siluufasu sata kal̥awaku kutiib, min kukul̥uul, fan kújowetumuul hákil kúyii li kunahaanaku kata sísuk mata ínje íji, tówum wahawu unwu ubaj.

Bakaanelabu 12:18

Nan tikatenumuu, kusollaaliyaku li kulilliwoo ŋáa’ min kunaak kugel̥l̥enoo bay Fiyeel aam.

Bakaanelabu 12:4

Nan Elod alobumuu min kujok Fiyeel kuban, li aŋalool akul̥, ban li alob kúmim kubakii kabaje hanoohan kusollaali kubakii, min kufooyool. Layinooleene min atiib Fiyeel hákil ésukayi, kagaanaku kata Faakayi yata Kusuwifaku ko babane.

Bakaanelabu 16:27

Muñeˈe afooyaawu li áliwo. Nan ajukumuu min wámbiilawu úbabulomuu, li áñakul ékunduwayi yoola boot min amukoolo, mata lanaanaak aan bukanabuku kan kukul̥umuu kuteyitey kuheek.

Bakaanelabu 16:36

Afooyaawu ata hukul̥ahu li abil aheb Fool aanool: — Kutiibaaku kata Lom kúboñuuboñul kubil koonom ikatenuul. Kama muñeˈe jiyilo jífu’ jijow li kásuumaay.

Bakaanelabu 5:18

Li kujok kufootalaku kujow kukul̥ li hukul̥ahu hata ésukayi.

Bakaanelabu 5:23

— Jílilliiŋ, li jitook wámbiilawu wata hukul̥ahu makul̥i jak, ban kufooyaaku kata hukul̥ahu buko to tin wámbiilawu. Bale nan jíbabulumuu wámbiilawu wata hukul̥ahu, jijukut ló an.

Bakaanelabu 8:3

Bale Sóol, li alako kakajen ejanguwayi. Li anaak anoken li siluufasu ajow ájokumul ló kánayinaabuku li kanaalaabuku káyinenumuu li Yéesu, ajow akul̥.

Bakaanelabu 9:2

Nan áliiŋumuu, li alobool min asenool sileetal sammuu síjiwool li ayili anoken li siluufasu sata kal̥awaku.

2 Kata Koolent 11:23

Li koon buko kuloka koom kata Kilisita, boot min ilob loon an awele: ínje lihaŋiil malako aloka ata Kilisita. Lihaŋiil málaam. Lihaŋiil makul̥i meeŋ. Min kutekommuu, kutekutiil mo. Kulakolako li kumukom ñameeŋe.

2 Kata Koolent 6:5

Kútekolitek ban li kúŋaloli kujow kukul̥. Li kuyitenul ésukayi boot li áloli, ban li kúmukoli li bulok. Li kúhiloli jímooliwum, ban li kúhiloli foof jitiñum.

Kata Efées 3:1

Wahawu unwu újimuu ínje Fool, ammee li hukul̥ humum hata Yéesu Kilisita boot li bukuluul jaletumuu kusuwif, [ínje ummu li kal̥aw Ateemit boot li bukuluul.]

Kata Efées 4:1

Injé jammee li hukul̥ humum hata Amaaŋenawu, ínje ummu li kawankulenuul min jiloŋ buloŋ batooke kahooñaku kan Ateemit ahooñuulumuu.

2 Tímote 2:9

Hulimahu unhu Hásuumaahu hújimuu li eeno li sílaam yok ijenki loon eenimuu ínje ábujamiñ leem. Bale Hulimahu hata Ateemit ho, hujenkuti.

Filemoŋ 1:9

bale haŋ majak il̥awi wah li kajawaku kata húbooliyahu, ínje humumom Fool ahallenumee, háŋum muñeˈe nan emmee foof li hukul̥ mata Yéesu Kilisita áji.

Búhiisenumabu 1:9

Laale ínje Saŋ, ammuu atuyuul. Injé li bukuluul an ano loomaal li Yéesu Kilisita. Mó mújimuu ínje li éemi afaaluul li sílaamasu san oomaalumuu li so. Li éemi foof an ata Jáyiiyaju jata Ateemit loon bukuluul, li kahankenaku kan oomaalumuu li ko. Injé kujokonjok kújowetum kujow kukaan li étebelemukayi yan koonemuu Fatumoos, mata liwaalewaale Hulimahu hata Ateemit, ban li ilob mal̥egenamu man Yéesu áhiisumuu.

Búhiisenumabu 2:10

Jakum úkoli sílaamasu sakobemuu li awu. Ujuke to, Sayitaane fan abet bukan kameeŋe li bukuluul li hukul̥ min ayoobuul min ajuk. Fan jilako li sílaam kunak koono kuŋen. Utúk lit boot yok hunak eketi. Ukaan momuu, fan iseni buloŋ bábaneliit bulako bacaami.