Bakaanelabu 16:19 - Jola-Kasa

¹⁹ Nan kunahaanabuku kata jísungutaaju kujukumuu kaanaku kuyilaat muñeˈe kúbajum sídalam li jo, li kujok Fool buko li Silaas kújowetum boot tin kaayeenaku kata ésukayi, hákil kunahaanaku kata Lom.

Bakaanelabu 16:19 Referencias Cruzadas

Máciya 24:9

«Muñeˈe no unnu, bukan fan kujokuul kubet li kuŋen bukan, min kúlaamenuul ban fan kumukuul. Bukanabuku feh fan kulatuul mata ínje íji.

Maak 13:9

«Bale bukuluul humumuul joote jíkaanum. Bukan fan kujokuul kújowetum tilibinaal, ban fan kuŋa’ kukaluwaas min kutekuul li siluufasu sata kal̥awaku. Fan kújowetumuul jijow jítuul hákil kúguubelunaalaku, li kúyiiyaku mata ínje íji, mantee li jilobiil múmbaam.

Bakaanelabu 14:19

Kusuwif li kubilum Antiyok yata Fisidi, li Ikóniyom. Li kukaan búsukabu búyinen li buko, min kutek Fool kuyitik boot kumuk, ban li kúhuulool kúfuletum tíyaŋ ésukayi, mata kunaanaak kuyinoo li koon lakeeket.

Bakaanelabu 14:5

Kusuwifaku, li kákaanumutumuu li Ateemit balewool, li kunahaanaku kooliil li kulako kágoluloo bánum li kúcoocikoo Fool buko li Balunabaas, min kutekiil kuyitik kumuk.

Bakaanelabu 15:22

Muñeˈe kufootalaku. Buko kúl̥uba kukankaan bukan kan kutuyiil kuluukene ŋáa’.

Bakaanelabu 15:26

kalakomuu li kuket mata kajawaku kata Amaaŋenawu kúji.

Bakaanelabu 15:40

Fool akila li al̥us Silaas, min kutuyiil káyinenumuu kul̥aw min kájiyaku kata Amaaŋenawu kulako li buko, ban li kuwuj.

Bakaanelabu 16:16

Li líiŋ hunak hukee áloli li ejow ban ésukayi el̥awemuu, jiloka jísungute li jibil jifam. Jísungutaaju unju buyinum bajakut bújufo jó, min bunaak bukaan jo jilob wahawu wammuu li ubaj. Elobayi inyu yan alobemuu ákibben li éji kunahaanaku kata jo li kubaj sídalam sáamak.

Bakaanelabu 16:20

Li kuŋaliil kusen kutiibaaku kata Lom, ban li kooniil: — Kánayinaabuku umbuke kumbuku li kakaan búgul̥a li ésukayi yoololaal. Buko kusuwif koom.

Bakaanelabu 16:25

Nan hukahu hujeˈe hulitumuu, Fool buko li Silaas li kulako kal̥aw, ban li kunaak kukijen min kusal Ateemit. Bukan kaabuku kan kukul̥umuu li kulakoyiil bajanten.

Bakaanelabu 16:29

Afooyaawu ata hukul̥ahu li alob min kuhiiten, ban li asommen anoken li káfitaku. Li ákoli gay li anaak ateelen, min ajow ákuntuŋ hákil Fool buko li Silaas.

Bakaanelabu 17:6

Emmuu kutookutiil bo, li kújokul Saasoŋ li kukee káyinene, kújowetum jow kusen kunahaanaku kata ésukayi, ban li kunaak kulob butiya koon: — Kánayinaabuku umbuku kúgugguul̥ etaamayi feh, ban muñeˈe kuŋejulo baabe!

Bakaanelabu 21:30

Esúkayi feh li éguul̥oo, min bukanabuku kunaak kúteyumul banooban. Li kujok Fool kúfuletum tíyaŋ eluufayi yata Ateemit, ban li kuyaan kusommen kubab wámbiilawu.

Bakaanelabu 8:3

Bale Sóol, li alako kakajen ejanguwayi. Li anaak anoken li siluufasu ajow ájokumul ló kánayinaabuku li kanaalaabuku káyinenumuu li Yéesu, ajow akul̥.

Bakaanelabu 9:16

Injé humumom fan íhiisool sílaamasu feh san áatimuu álaam boot mata ínje.

2 Kata Koolent 6:5

Kútekolitek ban li kúŋaloli kujow kukul̥. Li kuyitenul ésukayi boot li áloli, ban li kúmukoli li bulok. Li kúhiloli jímooliwum, ban li kúhiloli foof jitiñum.

Kata Fílib 1:30

Muñeˈe bukuluul jumbuku ló li katajaku kan jijukumuu kaanaku ko lilakowe, ban jihaase joon liloŋe li ko.

1 Kata Tesalonik 2:2

Jihaase foof buu kúlaamenoli nomuu ban li kúgeloli li ésukayi yata Fílib. Bale Ateemit láwankulenoliwankulen min jiwaalewuul Hulimahu Hásuumaahu hoola, maayeet min kúhilolimuu.

1 Tímote 6:10

Li mal̥egenamu, efañ sídalam huhaa’ hata majakut manooman. Kukee síibiisiib kubaj sídalam bil gay, li kúloyi káyinenaku min kukaanoolo buko humumiil sílaam sameeŋe.

Saak 2:6

Bale bukuluul li jisuuwen asukateenawu! Inti bukanabuku kammuu kusaanum buko kúlaatenewuulumuu, ban li kuñakuul kújowetum ban tiibemuu?