Bakaanelabu 16:15 - Jola-Kasa

¹⁵ Muñeˈe nan kúbatiisemuu Liidi boot li butoŋool ló ban, li áloboli min jijow boot boola áanoli: — Nokoomuu loon jijuujuk kaanaku líyinenyinen li Amaaŋenawu, li jibil jilako búmbaam. Muñeˈe li átuuŋoli min joon éehe’.

Bakaanelabu 16:15 Referencias Cruzadas

Máciya 10:41

An li ayab jak afulofet, mata min ammuu afulofet, fan ayab bacaam bata afulofet. Ban an ayabumuu jak an anabe li Hulimahu hata Ateemit, mata lanabenab li Hulimahu hata Ateemit, fan ayab bacaam bata an anabe li Hulimahu hata Ateemit.

Máciya 3:6

Nan kuŋejumuu, li kuheb uhoofoolawu wooliil hákil ésukayi feh, min Saŋ ábatiiseyiil li katunkaku kaaneyimuu Suuludeŋ.

Hulimahu Hásuumaahu loon Lík akiic homuu 14:23

Muñeˈe anahaanawu li aan alokaawu: «Ujow li útinawu, ban li unab li uhatawu, min ukaan manooman min úŋalul bukanabuku kan ommuu ujuk bo únoonetumul búmbaam, mantee eluufayi yúmbaam li emeeŋ bukan.

Hulimahu Hásuumaahu loon Lík akiic homuu 24:29

Bale kúgoomaku kúl̥ubaaku li kujokool min koonool: — Ulako taate li óloli, mata títiimoye, ban banakabu bumbu li bujon. Mal̥egen Yéesu li anoken li eluufayi kujow kulako ló.

Bakaanelabu 11:14

Fiyeel fan alobi kulimaku kan Ateemit ammuu li áfakenumi, awu li butoŋabu booli feh.»

Bakaanelabu 16:31

Fool buko li Silaas li koonool: — Uyínenumuu li Amaaŋenawu Yéesu, fan ufak boot li butoŋi ló.

Bakaanelabu 16:33

Afooyaawu li aŋaliil li ehukaayi inyu, min ajow afos ucokawu wooliil. Ban li kuyaan kúbatiisewool, okila li bukanool.

Bakaanelabu 16:34

Li aŋa’ Fool buko li Silaas ájowetum boola, ajow aseniil kutiñ. Afooyaawu humumool li butoŋabu boola, li kubaj ésuumahukow yáamak min kúyinenumuu li Ateemit.

Bakaanelabu 18:8

Kílisifis ammuu anahaanawu ata eluufayi yata kal̥awaku, li áyinen li Amaaŋenawu boot li butoŋabu boola feh ló. Bukan kameeŋe kata ésukayi yata Koolent, kajantenumuu Fool, li kúyinen foof min kúbatiiseyiil.

Bakaanelabu 8:12

Bale nan kúyinenumuu li Hulimahu Hásuumaahu han Fílib awaaleyiilumuu mata Jáyiiyaju jata Ateemit, li kajawaku kata Yéesu Kilisita, kánayinaabuku li kanaalaabuku li kujow kúbatiiseyiil.

Bakaanelabu 8:38

Muñeˈe li akaan esaaletayi eyiten. Fílib li ánayinaawu li kuwalo li malamu foofiil kúl̥uba, min Fílib ábatiisewool.

Kata Lom 16:23

Gáyiyis ayabommee boola lasaafuluul. Boola foof ejanguwayi feh ewoogemuu. Elaas ahahenemuu sídalamasu sata ésukayi yata Lom, lasaafuluul. Atuyolaal Kaalitis foof lasaafuluul. [

2 Kata Koolent 12:11

Lilollobumuu loon an awele leem, ban bukuluul jituuŋom ilob mo. Li mal̥egenamu, bukuluul jooteenumuu jisalom, mata maayeet min iletumuu wahoowah, kufootalaku umbuku káamakaku kuhaŋutom li wahoowah.

2 Kata Koolent 5:14

Húbooliyahu hata Kilisita húhaŋolihaŋ sembe, mata jíyinene li mal̥egen kaanaku, min an ano aketumuu boot li bukanabuku feh, kama bukanabuku feh kubamban li buloŋabu booliil buhaanabu.

Kata Galasi 6:10

Mó mújimuu, muñeˈe nan uyiliyaamee, ukaanaal majake boot li bukanabuku feh, háŋum bukanabuku kan ubajaalumuu káyinen kano li Yéesu Kilisita.

Kata Efées 1:1

Injé Fool, ammuu afootal ata Yéesu Kilisita li húnongum hata Ateemit, ínje ikiiculo eleetalayi inye boot li bukanabuku kata Ateemit [kammuu Efées] ban li kúyinen li Yéesu Kilisita.

Kata Fílib 1:7

Jaajak ŋáa’ min ibaj kayinoolaku unku li bukuluul, mata bukuluul foofuul feh jumbuku li buyinumom. Li mal̥egenamu, bukuluul feh júmbuku ló li kájiyaku kan Ateemit asenommuu, lako muñeˈe nan eenomee li hukul̥ mantee foof nan ilakowemuu kataj min íhiis kaanaku Hulimahu Hásuumaahu mal̥egen.

Filemoŋ 1:17

Nokoomuu loon lujokonjok loon ínje afaali, uyab Onéesim booli loon óotimuu uyabom booli.

Eébulo 13:2

Jakum jimojen kayab bukan booluul. Li mal̥egenamu, kukee li bukuluul kakaan momuu, kuyayyab booliil emalaka buko bahaasut.

1 Fiyeel 5:12

Kulimaku unke kan ikiiculuumee itogen, Silaas alambenom ikiic ko. Lijokoojok loon atuyaay al̥egene li káyinenaku. Likiiculuukiic boot min iwankulenuul ban li íhiisuul kaanaku, bukuluul li kájiyaku kata mal̥egen kata Ateemit jijokumuu lit.

2 Saŋ 1:10

Nokoomuu loon an abile atookuul ban aliikenutuul nab li baliikenelabu umbu bata Kilisita, jakum jiyabool booluul, ban jakum foof jisaafool.

3 Saŋ 1:5

Atuyom an iboolaat, wahawu feh wan ukaanemuu boot li kutuyolaal, lukaanekaan wo li mal̥egen, maayeet wan ukaanemuu boot li ejawoola.

3 Saŋ 1:8

Mó mújimuu alolaal lootaale uyabaal bukan loon umbuku, mantee li ulambenaaliil li bulokabu ban kommuu li kakaanaku min mal̥egenamu muhaasi.