Bakaanelabu 16:12 - Jola-Kasa

¹² To untu jíjowummuu boot Fílib, yammuu ésukayi yáamakayi yata etaamayi yata Maseduwaan, yan kata Lom kookenumuu. Li jikaan li ésukayi inyu kunak kameeŋe.

Bakaanelabu 16:12 Referencias Cruzadas

Bakaanelabu 16:10

Muñeˈe nan Fool ajukumuu kahimmowaku unku fú’ tó, li jiyaan jiŋes min jijow boot Maseduwaan, mata jíyinenyinen kaanaku Ateemit láhooñolihooñ mata min jijow jiwaale Hulimahu Hásuumaahu bukanabuku kata etaamayi inyu.

Bakaanelabu 16:21

Kuliikeneliiken bukanabuku bakaane ban eluwaayi yoololaal, ololaal jáamiyaamuu bukan kata Lom, éhilolaal úfañumaal bo, mantee foof li ukaanaal bo.

Bakaanelabu 16:9

Li líiŋ li hukahu, Fool li ajuk li kahimmo ánayine ata Maseduwaan, mayitowe hákilool min al̥okoolool aanool: — Ubil boot Maseduwaan min úlambenoli!

Bakaanelabu 18:5

Nan Silaas.

Bakaanelabu 19:21

Nan wahawu unwu ubajumuu jow fú’ tó, Fool li ajok min ájowum li etaamayi yata Maseduwaan li yata Akaay, ajow boot Yeelusalem. Li anaak aan: — Nan emmuu íliiŋ bo, fan foof ijow boot Lom.

Bakaanelabu 19:29

Búgugguloolabu li buyiisoo buban ésukayi feh yata Efées. Búsukabu li bújokul bukan kúl̥uba kata Maseduwaan, Gáyiyis buko li Alisitaak, kanaake kunaboomuu li Fool, min húmimahu hata búsukabu huhuuñ li buko boot li hukaakahu.

Bakaanelabu 20:1

Nan búgugguloolabu bukatumuu, Fool li awoogen káyinenumuu li Yéesu min awankuleniil fiyo ŋáa’, ban li akatiil to min ajow boot Maseduwaan.

Bakaanelabu 20:3

ajow alako bo kul̥eeñ kúhaaji. Muñeˈe Fool li alako li ájufo li ébato min ajow boot Siili, li ajam kaanaku Kusuwifaku kúsonoosonoo boot min kumukool. Muñeˈe li ajok min álaañumum Maseduwaan.

Bakaanelabu 20:6

Alóli húmumoli li jíjufowum li ébato li ésukayi yata Fílib, kagaanaku kata kúmbuuluwaku kakaanutimuu élebiil ko babane. Li baj kunak hutok, li jinabeniil Tulowaas min jilako to esimen.

Bakaanelabu 27:2

Li jíjufo li ébato yata ésukayi yata Adalamit, yalakowe li ejow ejooŋoo li úsikawu wata etaamayi yata Aasi, min jijow. Alisitaak alakomuu an ata ésukayi yata Tesalonik yammuu li etaamayi yata Maseduwaan, áloli jinaboole.

Kata Lom 15:26

Li mal̥egenamu, bukanabuku kata Ateemit kammuu li etaamayi yata Maseduwaan li kammuu li etaamayi yata Akaay kujoojok min kulamben bukanabuku kata Ateemit ban li kukaan kusukateen kata ésukayi yata Yeelusalem.

Kata Fílib 1:1

Eleetalayi inye ínje Fool li Tímote jikiiculo yo, áloli jammuu kuloka kata Yéesu Kilisita. Jikiiculokiic yo boot li bukanabuku káamimuu kata Ateemit humum hata Yéesu Kilisita, kata ésukayi yata Fílib, boot li kunahaanaku ló kata Ejanguwayi li kujaakulaku.

Kata Fílib 1:5

mata jilambenonlamben li kawaaleyaku kata Hulimahu Hásuumaahu yaan no li hunakahu hútinaalahu boot yok muñeˈe.

1 Kata Tesalonik 2:2

Jihaase foof buu kúlaamenoli nomuu ban li kúgeloli li ésukayi yata Fílib. Bale Ateemit láwankulenoliwankulen min jiwaalewuul Hulimahu Hásuumaahu hoola, maayeet min kúhilolimuu.