Bakaanelabu 15:36 - Jola-Kasa

³⁶ Muñeˈe li fiyo jakee, Fool li aan Balunabaas: — Ulaaña ujaˈa uyooba kutuyola káyinenumuu, kammuu li sísukasu feh ban uwaaleyaalumuu Hulimahu hata Amaaŋenawu, ujow ujukula buu kukaan bo.

Bakaanelabu 15:36 Referencias Cruzadas

Máciya 25:36

Ibajut wañ ikoko, li jikokom. Li ísomut, li jibilom bayoob. Li ilako li hukul̥, li jibilom bajuk.»

Máciya 25:43

Li ilako ajawoola, jiyabutom booluul. Ibajut wañ ikoko, jikokutom. Li ísomut ban li ilako li hukul̥, jibilutom bajuk.”

Bakaanelabu 13:12

Nan águubelunaalawu ajukumuu wahawu wabajumuu, li áyinen li Yéesu, mata kulimaku kan kuliikenoomuu mata Amaaŋenawu kugoloogo’ ŋáa’.

Bakaanelabu 13:4

Balunabaas buko li Sóol, kan Buyinumabu Banabaabu buboñumuu, li kujow boot li ésukayi yata Sélaasi, min kújowum tó li ébato boot li étebelemukayi yata Ciif.

Bakaanelabu 13:51

Fool li Balunabaas li kuhank buko kúl̥uba kafolaku kata kootaku kooliil min kúhiis kaanaku ésukayi inyu éjimumuu inti li buko bilumulo, ban li kujow boot Ikóniyom.

Bakaanelabu 14:1

Muñeˈe nan Fool buko li Balunabaas kúliiŋumuu Ikóniyom, li kunoken foof li eluufayi yata kal̥awaku, min kuwaale Hulimahu hata Ateemit yok Kusuwif li bukan kákaanumut li Ateemit balewool kameeŋe kúyinen.

Bakaanelabu 14:21

Fool buko li Balunabaas li kuwaale Hulimahu Hásuumaahu li ésukayi yata Delubi. Bukan kameeŋe li kulako kúgoom. Fúlum tó, li kulaañ boot Lisit, li Ikóniyom, li Antiyok yata Fisidi.

Bakaanelabu 14:6

Bale nan Fool buko li Balunabaas kuhaasumuu uyinoolawu wooliil, li kutey boot li sísukasu san koonemuu Lisit li Delib, sammuu li etaamayi yata Likawoni, li halaabahu hata bo.

Bakaanelabu 7:23

«Nan Móyiis abajumuu simit kúyii kúl̥uba, li abaj kayinoo kata min ajow ajukul kutuyool kata Isilayeel.

Kata Lom 1:11

Li mal̥egenamu, lifañe ŋáa’ min ijukuul mantee Ateemit li ájowum lí ínje min asenuul káji kata Buyinumabu boot kalitenuul.

2 Kata Koolent 11:28

Ifanut ilob mata wah waawu feh wasaŋomuu: bútebabu búmbaam bata hunakoohunak, bo bommuu kayinoo mata sijanguwasu feh.

Kata Fílib 1:27

Bale lil̥awuul min jiloŋ hákil ésukayi feh loon Hulimahu Hásuumaahu hata Kilisita hulobumuu, mantee ibilumuu bóoluuloo li íbilaatiwoo, li ijam mooluul kaanaku jítuutuk lit, ban li jibaj kayinoo kano, min jikaan uyinumuul tin tano min jitaj mantee bukanabuku kujamumuu Hulimahu Hásuumaahu li kúyinen.

1 Kata Tesalonik 3:6

Bale muñeˈe, Tímote álaañumulomuu booluul, lálobolilob kulim kásuume mata káyinenaku kooluul li húbooliyahu hooluul. Li amit áanoli kama jiloŋe li jíwayil̥owoli jak, ban jifañe min jíjukoli, loon óloli foof jifañumuu min jijukuul.

2 Tímote 1:4

Ijowumuu iwayil̥o buu lul̥okumuu eeno, li síibom ŋáa’ min ilaañen ijuki mantee li ibaj ésuumahukow yáamak.