Bakaanelabu 15:19 - Jola-Kasa

¹⁹ Saak li alaañen aan: — Mó mújimuu li kayinoolom, ootut uyokenaal bukanabuku kákaanumutumuu li Ateemit balewool, kátiiwowulumuu kunab li Ateemit.

Bakaanelabu 15:19 Referencias Cruzadas

Bakaanelabu 15:10

Kama muñeˈe waa wommuu li úji li jifañ jiyoob Ateemit, li bútebabu ban jifañumuu jikaan káyinenumuu kugalo, ban situubawolaal sihaan li alolaal humumolaal uyilaataamuu utebaal?

Bakaanelabu 15:24

Jijanjam kaanaku kukee li óloli, kubiibil kulillimenuul, min kúguuhuul uyinum li kulimaku kooliil. Bale inti óloli jiboñuliil.

Bakaanelabu 15:28

Mata Buyinumabu Banabaabu li óloli húmumoli, jijoojok kaanaku let jikaanuul búteb bakee jiteb, bábuto li wahawu unwe wafimmuu min wóoti ukaani:

Bakaanelabu 21:21

Kulobiilob mooli kaanaku luliikeneliiken Kusuwifaku feh kakinumuu li bukanabuku kákaanumutumuu li Ateemit balewool, ooniil kuhoy banab li eluwaayi bañiilabu booliil, ban foof jakum kumit kunab li bakaanelabu bata Kusuwifaku.

Bakaanelabu 21:25

Bale bukanabuku kákaanumutumuu li Ateemit balewool káyinenumuu muñeˈe li Yéesu, jikiiciikiic min jilobiil wahawu wan jijokumuu. Jooniisoon jakum kutokoñ eliw yata sínuukuleŋ sasilayi kuteemit kalet mal̥egen, jakum kutiñ húsim, jakum kutokoñ eliw yata sínuukuleŋ sakuumi min siket, ban jakum an áfulo an an kuyabowut.

Bakaanelabu 26:20

Bale lijanjand iwaale bukanabuku kata Damaas li kata Yeelusalem, fú’ tó li iwaale bukanabuku kata etaamayi feh yata Súde, li bukanabuku feh kákaanumutumuu li Ateemit balewool min eeniil kukat baloŋelabu booliil buhaanabu, min kútiiwo kunab li Ateemit ban li kúhiis li bakaaneliil kaanaku mal̥egen buloŋ buwunkul kooke.

Kata Galasi 2:4

maayeet min kite bajumuu kutuyolaal kakaane loon kúyinenyinen kabuuyulo kubil kúginnoo li ololaal, ban li kufañeen min kuteyenool búkut. Bukanabuku umbuku kúnokenulonoken li huwoogahu hoololaal boot min kuhaas huwayinaŋenoolahu han úbajumaalumuu li Yéesu Kilisita, bájum li kulaañenolaal li humiikeeletowahu hammuu li eluwaayi.

1 Kata Tesalonik 1:9

Bukanabuku feh kulakomuu elob móololi, li kulob foof buu jíyabolimuu eeno nan jibilumuu booluul, li buu bukuluul jikat bomuu úciinawu min jítiiwo jinab li Ateemit, min jilok boot li akila ammuu Ateemit aloŋe ata mal̥egen.