Bakaanelabu 15:14 - Jola-Kasa

¹⁴ Simoŋ lalobolaalob buu Ateemit acookoomuu yaan no li húkitumahu, bukanabuku kákaanumutumuu li okila balewool, min al̥usum li buko bukan kulako koola.

Bakaanelabu 15:14 Referencias Cruzadas

Hulimahu Hásuumaahu loon Lík akiic homuu 1:68

— Usalaal Amaaŋenawu, mata labiibil kalamben ésukayi yoola, min afaken yo.

Hulimahu Hásuumaahu loon Lík akiic homuu 1:78

Mata Ateemitawu oololaal lababbaj káyiyen ban li ásuum, mó mújimuu fan akaan ehiitum ehiitenumulolaal haatiya, loon banakabu bo li kayitowul.

Hulimahu Hásuumaahu loon Lík akiic homuu 2:25

Muñeˈe li baj Yeelusalem ánayine akee an koone Simiyoŋ. Simiyoŋ lakankaan an acole ban li átuul Ateemit. Li alako banaak anawu ammuu li afaken Isilayeel. Buyinumabu Banabaabu bulakolako li akila.

Kata Lom 1:5

Li okila Ateemit ásenumommuu kájiyaku kata kalako afootal, boot kakaan bukanabuku kata sihetasu feh kúyinen li akila ban li kútuulool, boot li kasal kata kajawaku koola.

Kata Lom 11:36

Li mal̥egenamu, wahawu feh li akila ubilume, li akila úloŋume, ban boot li akila humumool. Máyiineniyamu mujow mulako mata Ateemit boot nanoonan! Aameen.

2 Fiyeel 1:1

Injé Simoŋ Fiyeel ammuu aloka li afootal ata Yéesu Kilisita, ínje ikiice eleetalayi inye boot li bukuluul jabajumuu káyinen kabaje jáliŋ loon kóololi, humum hata macolamu mata Ateemitawu oololaal li Afakenaawu Yéesu Kilisita.