Bakaanelabu 13:5 - Jola-Kasa

⁵ Nan kúliiŋumuu li ésukayi yan koonemuu Salamiin, li kuwaale Hulimahu hata Ateemit bukanabuku li siluufasu sata kal̥awaku. Saŋ Maak li buko foof lalakowe boot kalambeniil.

Bakaanelabu 13:5 Referencias Cruzadas

Máciya 20:26

Wahawu unwu wootut ubaj li bukuluul. Bale an afañumuu min alako an áamak li bukuluul, laate alako alokaawu ooluul.

Bakaanelabu 12:12

Nan Fiyeel ahaasumuu mabajoolumuu, li ajow boot li eluufayi yata Mali abukumuu Saŋ aaneyimuu foof Maak. Bukan kameeŋe buko dó mawooge min kulako kal̥aw.

Bakaanelabu 12:25

Nan Balunabaas buko li Sóol kukaanumuu bulokabu booliil Yeelusalem kuban, li kulako li kulaañ li kújowetumoo Saŋ an koonemuu Maak.

Bakaanelabu 13:14

Muñeˈe li kújowum Feelus, kuhaaŋ boot li ésukayi yata Antiyok yata Fisidi. Li líiŋ li hunakahu hata húyiiyaayahu hata Kusuwifaku, li kunoken li eluufayi yata kal̥awaku kujow kubah.

Bakaanelabu 13:46

Muñeˈe Fool buko li Balunabaas li kulobiil li kabaneyiil kooniil: — Hulimahu hata Ateemit bukuluul hooteenimuu hujandi lob. Bale emmuu jihoohoy ho, ban li jijok kaanaku jitookut min jiyab buloŋabu bábaneliitumuu, muñeˈe kama áloli boot min jítiiwo boot bata bukanabuku kákaanumutumuu li Ateemit balewool.

Bakaanelabu 14:1

Muñeˈe nan Fool buko li Balunabaas kúliiŋumuu Ikóniyom, li kunoken foof li eluufayi yata kal̥awaku, min kuwaale Hulimahu hata Ateemit yok Kusuwif li bukan kákaanumut li Ateemit balewool kameeŋe kúyinen.

Bakaanelabu 15:37

Balunabaas li afañeen min aŋa’ Saŋ an koonemuu Maak, anab li buko.

Bakaanelabu 17:17

Li anaak áwonnoo li eluufayi yata kal̥awaku li bukan kaabuku kamanenemuu Ateemit. Li áwonnoo foof hunakoohunak li bukanabuku kan ammuu atook li kaayeenaku.

Bakaanelabu 18:4

Li húyiiyaay mantee li akaan Kusuwifaku li kugilekaku kúyinen.

Bakaanelabu 19:22

Muñeˈe li aboñ kúl̥uba li kulambenaaku koola, Tímote buko li Elasit, boot li etaamayi yata Maseduwaan. Bale akila humumool li afan alako jakee li etaamayi yata Aasi.

Bakaanelabu 19:29

Búgugguloolabu li buyiisoo buban ésukayi feh yata Efées. Búsukabu li bújokul bukan kúl̥uba kata Maseduwaan, Gáyiyis buko li Alisitaak, kanaake kunaboomuu li Fool, min húmimahu hata búsukabu huhuuñ li buko boot li hukaakahu.

Bakaanelabu 19:8

Fúlum tó, Fool li ajow boot li eluufayi yata kal̥awaku, ban li aŋes min akaan min kajantenoomuu kúyinen.

Bakaanelabu 9:20

Li ayaan anaak awaale li siluufasu sata kal̥awaku sata kusuwifaku aan Yéesu ammuu Añiilawu ata Ateemit.

Kata Kolos 4:10

Alisitaak an kukul̥oomuu li mano lí ínje, lasaafuluul. Maak, ammuu atuyawu ata Balunabaas, lasaafuluul foof. (Bukuluul jijanjam kulimaku kan ilobumuu mata Maak: abilumuu booluul, li jiyabool jak).

2 Tímote 4:11

Lík balewool ammee lí ínje. Ulakomuu li ubil li úŋalul Maak, mata fan ájaliŋom ŋáa’ li bulokabu búmbaam.