Bakaanelabu 13:29 - Jola-Kasa

²⁹ Nan kukaanumuu wahawu feh loon Hulimahu hata Ateemit hakiicimuu hulobumuu huya li akila Yéesu kuban, li kúwalenulool li ekuluwaayi kujow kuhok.

Bakaanelabu 13:29 Referencias Cruzadas

Maak 15:42

Muñeˈe emmuu banakabu bo bayaane bútiimo, ban hunakahu unhu hommuu hata bugoloolabu bata kagaanaku, han emmuu li tikaten, húyiiyaayahu hata Kusuwifaku li húliiŋ,

Hulimahu Hásuumaahu loon Lík akiic homuu 23:50

Muñeˈe li baj ánayine akee an koone Suseef áfulumulo li ésuk yakee yata Kusuwifaku yaaneyi Alimate. Suseef li akaan ánayine asúume ban li acol. Li Hujojahu háamakahu hata Kusuwifaku lalakowe.

Hulimahu Hásuumaahu loon Lík akiic homuu 23:53

Fúlum tó, li áwalenul ehuluŋayi li ekuluwaayi, ban li aŋa’ kábil min al̥iim yo aban, li aŋa’ yo ajow ahok li huyaak hawoki li hugisa, dán an ámusut ahoki.

Hulimahu Hásuumaahu loon Lík akiic homuu 24:44

Ban li aaniil: — Wahawu unwu lilobuulumuu nan ilakomuu li bukuluul, eenuul: wahawu feh wakiicimuu uya lí ínje li eluwaayi, lí Síliibalasu sata Ukijenawu, woote ubaj.

Hulimahu Hásuumaahu loon Saŋ akiic homuu 19:28

Fúlum tó, emmuu Yéesu bahaase aan muñeˈe wahawu feh ubane, min hulimahu han bakiicelabu bulobumuu ubaj, li aan: — Bahob bookom.

Hulimahu Hásuumaahu loon Saŋ akiic homuu 19:30

Nan Yéesu acafenumuu bunukabu bacabumuu, li aan: — Wahawu feh ukaani ban! Muñeˈe li ásit, li awalo.

Bakaanelabu 13:27

Bale bukanabuku kata Yeelusalem li kunahaanaku kooliil kúnaanumut ayi ammuu Yéesu, ban kuliitikenut kulimaku kata kufulofetaku, kan kujangayemuu húyiiyaay hanoohan hoololaal. Kukankaan loon kulimaku kulobumuu nan kusenumuu Yéesu bafetabu.

Bakaanelabu 2:23

Anáyinaawu ummu ammuu Yéesu, Ateemit lakatookat li kuŋenuul loon anong momuu. Ateemit lafinfin min ahaase ákibben, waa jommuu li jikaan Yéesu. Jiŋalooŋa’ jisen bukan kákaanumut li Ateemit balewool, kumuk li ekuluwa dán kubaaŋoolumuu.

Bakaanelabu 26:22

Bale Ateemit li afooyom boot yok síyaat, min iloŋ li éemi taate li elob bukanabuku feh moola, bajut añiil, bajut anahaan. Ilobut wah ukee úbuti li wan kufulofetaku, koonumuu woote ubaj.

Bakaanelabu 4:28

Muñowu kukaanumuu min wahawu feh wan ufinumuu min uyinoole kakaan yan no, li sembaasu sooli li húfañumahu hooli, ubaj.

Bakaanelabu 5:30

Ateemit ata situubawolaal sihaan, layitenuuyitenul li eketayi Yéesu, an jimukumuu li ekuluwaayi dán jibaaŋoolumuu.

1 Kata Koolent 15:4

Lahokihok jow baj kunak kúhaaji, Ateemit li ayitenumulool li eketayi, loon foof Bakiicelabu bulobumuu.