3 Saŋ 1:5 - Jola-Kasa

⁵ Atuyom an iboolaat, wahawu feh wan ukaanemuu boot li kutuyolaal, lukaanekaan wo li mal̥egen, maayeet wan ukaanemuu boot li ejawoola.

3 Saŋ 1:5 Referencias Cruzadas

Máciya 24:45

— Kama ayimaa ammuu aloka al̥egene ban li ájallo? Akila ammuu alokaawu an anahaanawu oola aŋa’muu kulokawool kaabuku asenool aaken, ánaakum aseniil hutiñiil taŋ yata hutiñ báliiŋe

Máciya 25:16

Alokaawu ayabumuu sihanjalasu sata éwulusayi síteemeel hutokayi, li ayaan ajow aŋa’ so min alok jow yok alaañen abaj afamen to sihanjal sata éwulus sakee soono síteemeel hutok.

Hulimahu Hásuumaahu loon Lík akiic homuu 12:42

Amaaŋenawu li aan Fiyeel: — Kama ayimaa ammuu aloka al̥egene ban li ájallo? Okila ammuu anawu an anahaanawu oola alakomuu li ajow kañaahoo, li aŋa’ kulokaabuku koola asenool aaken, ánaakum aseniil hutiñiil, taŋiil yata hutiñ báliiŋe.

Bakaanelabu 1:15

Li kunakaku unkumaa, bukanabuku káyinenumuu li Yéesu li kuwoog. Kalako tomuu kuyilo kúliiŋ téemeel li áyii. Muñeˈe Fiyeel li ayito li tutiil min aaniil:

Kata Lom 12:13

Jilamben bukanabuku kata Ateemit kan jokiilumuu li wah, ban li jinaak jiyab bukan booluul.

Kata Galasi 6:10

Mó mújimuu, muñeˈe nan uyiliyaamee, ukaanaal majake boot li bukanabuku feh, háŋum bukanabuku kan ubajaalumuu káyinen kano li Yéesu Kilisita.

Kata Kolos 3:17

Wahoowah feh wan jikaane, lako li malobe mantee foof li makaane, jikaan wo li kajaw kata Amaaŋenawu Yéesu, min jísalum li akila Ateemit Atuubaawu.

Eébulo 13:2

Jakum jimojen kayab bukan booluul. Li mal̥egenamu, kukee li bukuluul kakaan momuu, kuyayyab booliil emalaka buko bahaasut.

3 Saŋ 1:10

Mó mújimuu nan emmuu li ibil, fan ilobuul majakutamu feh man akaanumuu, li kulimaku kajakutumuu kan alobumuu aya li alolaal. Bale wahawu unwu feh ufitutool: li ahoy bayab kutuyolaal kabilumuu, ban kafañeenumuu kuyabiil li amit áhiliil kúyabumiil, min akesooliil kúfu’ li ejanguwayi.

3 Saŋ 1:3

Libabbaj ésuumansuum yáamak nan kutuyolaal kukee kubilumuu min kulobom kaanaku mal̥egenamu mujukijuk li buloŋabu booli, ban mal̥egen buloŋabu booli bunannab li mal̥egenamu ummu.