2 Tímote 4:8 - Jola-Kasa

⁸ Muñeˈe bacaamabu bata kaheekaku bumbu li kakobom: bo bommuu éjambiyayi yata bukanabuku kan Ateemit ajokumuu bukan kacole, yan Amaaŋenawu áamimuu atiiba acole, ammuu li asenom li hunakahu hata Batiibabu. Ban let ínje balewom láami li asen yo, bale fan asen yo foof bukanabuku feh kammuu li banaak li húbooli ló taŋayi nan ammuu li álaŋul.

2 Tímote 4:8 Referencias Cruzadas

Máciya 24:36

— Bale bajut an ahaase nay hunakahu unhu hommuu li húliiŋ, li nay ewaatuwayi inyu yommuu li éliiŋ. Kumalakaaku kammuu li emitayi kuhaasut. Añiilawu ahaasut. Atuubaawu bale ahaase.

Máciya 7:22

Li hunakahu hata batiibabu, bukan kameeŋe fan koonom: «Amaaŋen, Amaaŋen», kama inti li kajawaku kooli, jílobummu kulimaku kata Ateemit? Inti li kajawaku kooli, jíkesoolummuu uyinumawu wajakutaawu? Inti foof li kajawaku kooli, jíkaanummuu wah wájaahaleniye?

Hulimahu Hásuumaahu loon Lík akiic homuu 10:12

Fan eenuul, li Hunakahu hata Batiibabu, katekaku kata ésukayi inyu fan kuhaŋ másengi kata Sodom.

Kata Lom 2:5

Min buyinumabu booli bul̥aal̥umuu ban ufañut min útiiwo uŋa’ buloŋ buwunkul, mó mújimuu li oono li káŋalul katek káamak boot li awu, káami li kubaji li hunakahu nan Ateemit ammuu li áhiis etindihuuñayi yoola li batiibabu boola bacolaabu.

Kata Lom 8:23

Bale inti búwuwenumabu bale bo bóomi li sílaam. Alolaal foof jabajaalumuu Buyinumabu Banabaabu bammuu bútinaa li újiyawu wata Ateemit, ummuwaal min úluulenaalemuu kata láalawolaal, min ukobaal min Ateemit áhiis kaanaku bañoolool loomaal, li afaken eniilayi yoololaal.

1 Kata Koolent 2:9

Bale loon Bakiicelabu bulobumuu: «Wah wan an ajukulelut li wan ajamolut, wan an ámusut ayinoo li aan fan ubaj, wo Ateemit afalemuu boot li bukanabuku kafañoolumuu.»

1 Kata Koolent 3:13

bulokabu boola fan bubil búfulul bujuki li hunakahu hata batiibabu. Li hunakahu unhu, Ateemit fan aŋa’ sambun min ayoob bulokabu bata anoowan, min anoowan ahaas bulok buu lakaane.

1 Kata Koolent 9:25

Anoowan li bukanabuku kaheekoolemuu li búteyoo, fan atek eniilayi yoola min ahoy wah wameeŋe. Ban buko kukankaan mo boot min kubaj bacaam baatut bufiyo, bale alolaal lukaanaakaan mo boot min ubajaal bacaam baatut bubil buban.

2 Kata Koolent 5:2

Ban muñeˈe min oomaalumuu li eniilayi yoololaal yata baabe li etaam, alolaal ummuwaal li buyina báamak mata lúsiibowaasiibo ŋáa’ min Ateemit akaanolaal eniilayi yoololaal yata li emitayi.

Kata Fílib 3:11

Kaan momuu, líyinene kaanaku ínje humumom foof fan iyitowumul li eketayi.

Kata Kolos 1:5

Jibabbaj káyinen li húbooli mata min jiyaakaalumuu li wahawu wan Ateemit akatumuu li emitayi boot li bukuluul. Yaakaalayi inyu, nan hulim hata mal̥egenamu hammuu Hulimahu Hásuumaahu hubilumuu booluul kátinaalaku min jijam ho, no jibaj yomuu.

1 Kata Tesalonik 1:10

Ban bukuluul li joono li banaak min Añoolool Yéesu abilumul haatiya emitayi, akila an ayitenumulomuu li ekatayi min afakenolaal li batiibabu bata Ateemit bammuu li ebil.

1 Kata Tesalonik 5:4

Kutuyom, bale bukuluul jilet li élim mata min bil hunakahu unhu hugoobuul loon ákuu.

2 Kata Tesalonik 2:8

Muñeˈe, anawu ummu átuulutumuu Ateemit fan áfulul, ban Amaaŋenawu Yéesu fan amukumool li huhuufenahu hata butumabu boola, ban li aniilenumool li máyiineniyamu moola nan ammuu li álaañul.

1 Tímote 6:19

Muñowu kommuu kukaan, li kuwoogen hubaj hajake ban li hulit boot kajom, mantee li kubaj buloŋabu bata mal̥egen.

2 Tímote 1:10

ban muñeˈe li ebilayi yata Afakenaawu oololaal Yéesu Kilisita láhiisolaamuu kájiyaku unku. Okila aheekumuu eketayi, ban li ájowum li Hulimahu Hásuumaahu min áhiis set waa wommuu buloŋabu li waa wommuu eniil yayilaat ekajen.

2 Tímote 1:12

Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.

2 Tímote 1:18

Amaaŋenawu ajow akaan min Ateemit ásuum li akila li hunakahu hata Batiibabu. Luhaase foof jak buu lalambenommuu eeno li ésukayi yata Efées.

2 Tímote 2:5

Li kataj foof kata bacaam, ataja let ayab bacaamabu akila batajut loon tajemuu.

2 Tímote 4:1

Liyaaki hákil Ateemit li hákil Yéesu Kilisita ammuu li abil atiib bukanabuku kaloŋumuu li kaketumuu. Liyaaki foof li kajaw kata ebilayi yata Kilisita li kata Jáyiiyaju joola eeni:

Eleetalayi yan Fool akiicumuu Tit 2:13

Muñowu lóotumaalumuu ukobaal hunakahu hásuumaahu han úkangumaamuu li ho. Hunakahu nan máyiineniyamu mata Ateemitawu oololaal áamakawu ammuu Yéesu Kilisita Afakenaawu oololaal, mommuu li múlaŋul.

Eébulo 12:11

Nan ommuu li ulakowaali kacolen, no unnu fan kaanolaal buyina, bale let nokoololaal loon ésuumansuum, bale fiyomuu, bukanabuku kan kucolenumuu loon muñaˈa, fan kujuk koon majakaamu mata kacolenaku unku, mo mommuu kásuumaay li buloŋ bacole.

Eébulo 9:28

mo foof Kilisita asenoolomuu ñano bale, alako esalah boot káfulen uhoofoolawu wata bukan kameeŋe ŋáa’. Fan abil álaŋul búl̥ubut, ban inti boot káfulen uhoofoolawu, bale boot kafaken bukanabuku kammuu li kakob élaañulayi yoola.

Saak 1:12

Awólo, an áami li sílaam ban li amunten. Mata nan ammuu amunten boot yok nan sílaamasu sommuu li siban, Ateemit fan asenool buloŋabu babaneliitumuu bulako busuuhen, ban alobumuu kasen bukanabuku kafañoolumuu.

1 Fiyeel 1:4

min ukobaal wahawu wajakaawu wayilaatumuu ukajen, uyilaat usiko, ban majakamu mata wo muyilaat mújim, wan Ateemit ahahenumuu li emitayi boot li bukuluul.

1 Fiyeel 5:4

Muñeˈe nan Anahaanawu ata kumataaku ammuu li álaŋul, bukuluul fan jiyab éjambi yáyiineniye, yan kaleñaku kata yo kootut kútiiŋo.

Búhiisenumabu 1:7

Jijuke, ummu li ebilumul li ufaalawu. Ban bukanabuku feh fan kujukool, maayeet bukanabuku kayawoolumuu kúfawul. Bukanabuku feh kammuu li etaamayi fan kugamoo moola. Eéhe’! Muñaˈa. Aameen.

Búhiisenumabu 19:11

Muñeˈe li ijuk emitayi li ébabulo, efilinjebe yahiite li éfulul. Anawu alemboomuu li yo kajawool Atúka lit li Al̥egene. Latiibetiib col ban li anaak atiik hutiik hacole.

Búhiisenumabu 2:10

Jakum úkoli sílaamasu sakobemuu li awu. Ujuke to, Sayitaane fan abet bukan kameeŋe li bukuluul li hukul̥ min ayoobuul min ajuk. Fan jilako li sílaam kunak koono kuŋen. Utúk lit boot yok hunak eketi. Ukaan momuu, fan iseni buloŋ bábaneliit bulako bacaami.

Búhiisenumabu 22:20

Anawu aanumuu kulimaku unku mal̥egen, laane: «Eéhe’, ínje ummu li ibil!» Aameen! Ubil, Amaaŋenawu Yéesu!

Búhiisenumabu 4:10

kunahaanaku áyii li kubakiilaku kahallenumuu, li kúkuntuŋ hákil anawu abahumuu li efenjeŋayi yata áyiiyawu, min kumanen anawu aloŋumuu boot nanoonan. Fan kúfulen síjambiyasu sooliil kuwalen hákil efenjeŋayi yata áyiiyawu, ban li kunaak koon:

Búhiisenumabu 4:4

Muñeˈe kunahaan koono áyii li kubakii, kakaanowe wañ wahiite ban li kooken síjambi sata éwulus li kúkowiil, li kubah li sifenjeŋ sata kúyii kúwooñen efenjeŋayi yata áyiiyawu.