2 Tímote 3:4 - Jola-Kasa

⁴ Fan kúhoolo, li kuhi’ li kawuñet ban li kukat katebenoolowaku min kúfuumeniil. Fan kufañ másuume min kuhoy Ateemit.

2 Tímote 3:4 Referencias Cruzadas

Bakaanelabu 19:36

Emmuu bajut an ayilo aceeŋ wahawu unwu, kama joote jibeben, ban jakum jikaan wah bukuluul bajandut jiyinoo jak.

Bakaanelabu 7:52

Ayi li kufulofetaku, situubawuul sihaan sílaatenut? Kumuumuk bukanabuku kalobumuu kúkibben mata ebilayi yata Anawu Acolaawu. Ban muñeˈe bukuluul li jibetool li kuŋen bukan min jimukool.

Kata Lom 11:20

To mal̥egen. Waanawu unwu ufalenifalen mata ubajut káyinen, min awu óomi tan waanawu ulakoweenumuu humum hata káyinenaku kooli, bale jakum utebenoolo li kayinooli. Loote kama ubaj ekole.

Kata Lom 16:18

Bukan loon buko kulet li bulok boot li Kilisita ammuu Amaaŋenawu oololaal, bale boot li kalaku kooliil. Fan kunaak kuŋa’ kulim katiñowe, li balobe básuume min kubunt bukanabuku kahaasutumuu wahoowah.

1 Tímote 3:6

Jakum anahaan ata ejangu alako an akite li áyinen li Yéesu, letumuu mo, fan abil ateben ubandool min abaj katek loon kata Sayitaane.

1 Tímote 5:6

Bale Anaale ahoke áyinool ban kayinoolool feh huŋes másuume, lakeeket maayeet min kite eenimuu ummu li buloŋ.

1 Tímote 6:17

Ulob bukanabuku kammuu kusaanum li adunaayi unye ooniil jakum kutebenoolo, ban jakum foof kúkangum li hubajahu unhu haatutumuu hufiyo, bale kúkangum li Ateemit asenewolaalumuu wahoowah feh ŋáa’ mantee li úbajumaal li wo kásuumaay.

Eleetalayi yan Súd akiicumuu 1:19

Bukanabuku umbuku kátuulutumuu Ateemit bukomuu! Buko kutiiloolemuu bukanabuku. Li uyinoolawu wooliil bale kunabemuu, ban Buyinumabu bata Ateemit bulet li buko.

Eleetalayi yan Súd akiicumuu 1:4

Mata babbaj bukan kákoliwut Ateemit kabuuyulo kúluul̥owolaal. Bukanabuku umbuku Bakiicelabu bulollob mata katekaku kooliil nan fiyo. Fan kunaak kutiigul hulimahu halobumuu mata kájiyaku kata Ateemit oololaal, min kújowum tó kukooŋen kákaanikoolaku kooliil, ban li kuceeŋ kaanaku Yéesu Kilisita balewool ammuu Anahaanawu li Amaaŋenawu oololaal.