2 Tímote 2:7 - Jola-Kasa

⁷ Uyinoo jak wahawu wan ilobimuu. Li mal̥egenamu, Amaaŋenawu fan akaani únaanum wahawu unwu feh.

2 Tímote 2:7 Referencias Cruzadas

Hulimahu Hásuumaahu loon Lík akiic homuu 21:15

Mata ínje humumom fan isenuul kulim kata bújallo, kan anoowan li kulatoolawuul aatut ayili aceeŋ, mantee áhoogul.

Hulimahu Hásuumaahu loon Lík akiic homuu 24:45

Muñeˈe Yéesu li ábabuliil uyinum min kuyili kúnaanum Bakiicelabu.

Hulimahu Hásuumaahu loon Lík akiic homuu 9:44

— Bukuluul jijanten jak wahawu wan emmuu li ilobuul: Añool-An fan abeti li kuŋen bukan.

Hulimahu Hásuumaahu loon Saŋ akiic homuu 14:26

Anattenaawu ammuu Buyinumabu Banabaabu ban Atuubaawu ammuu li áboñul li kajawaku kúmbaam, fan buliikenuul wahawu feh ban li buwal̥l̥enuul wahawu feh wan ilobuulumuu.

Hulimahu Hásuumaahu loon Saŋ akiic homuu 16:13

Nan Buyinumabu báhiisemuu bukanabuku mal̥egenamu bommuu li bubil, fan bukaanuul jihaas mal̥egenamu foof mo feh. Let búlobum li kajaw kata bo humum bo, bale fan bulobuul wahawu feh wan bujamumuu, ban li buhebuul wahawu wammuu li ubil ubaj.

Bakaanelabu 7:10

Muñeˈe Ateemit li ákotul Suseef li sílaamasu soola feh, ban li asenool bújallo ban li akaanool ásuum Faalawoŋ alakomuu áyiiyawu ata Ejíf. Ayíiyawu li aŋa’ Suseef akaan águubelunaalawu ata Ejíf, li ata káyiiyaku.

1 Kata Koolent 12:8

Buyinumabu fan busen akee káji kata bújallo li elob, aahu Buyinumabu banolabu li busenool hulim hata kahaasemiñ.

Kata Fílib 4:8

Kutuyom, hulimom húbanum ho hommuu jiŋa’ uyinumuul feh jikaan li wahoowah feh wajake li watooke kasal: li wahoowah feh wata mal̥egen, li wahoowah feh waluukeni, li wahoowah feh wacole, li wahoowah feh wanabe, li wahoowah feh wásuume li wáyiineniye.

Kata Kolos 1:9

Wahawu unwu újimuu, áloli hunakahu nan jijamumuu li kulob mooluul, jikatut kal̥aw Ateemit boot li bukuluul. Alóli jil̥awe Ateemit min akaanuul jihaas jak húnongumahu hoola, naboo li bújallo li butuuko banooban ban Buyinumabu boola busenemuu.

1 Tímote 4:15

Ujooŋoo to min ukaan wahawu unwu feh. Usenoolo foofi feh boot li bulokabu umbu. Mo lommuu ukaan, bukanabuku feh li kujuk bulokabu ban ukaanumuu.

2 Tímote 2:6

Awañaawu alokumuu súf, akila ammuu ajand abaj joola li ecacayi.

2 Tímote 2:8

Uwayil̥o Yéesu Kilisita ayitowulomuu li eketayi, áamimuu bubukoolum bata Ayíiyawu Dayit, loon Hulimahu Hásuumaahu han iwaaleyemuu hulobumuu.

Eébulo 12:3

Jiyinoo sílaamasu san Yéesu ámuñumuu li kuŋen kata kuhoofoolaabuku, jakum bil jiyok min jíyeko.

Eébulo 13:7

Jiwayil̥o kunahaanaku kooluul kata no, kalobuulumuu hulimahu hata Ateemit. Jiwayil̥o buu kuloŋumuu eeno li buu kuketumuu eeno, min jinab li káyinenaku kooliil.

Eébulo 3:1

Kutuyom, mó mújimuu bukuluul jammuu bukan kanabe, ban Ateemit li ahooñuul, joote jijuke li Yéesu ammuu anawu an Ateemit áboñulumuu li Alámbaawu áamakawu ata káyinenaku kooluul kan ulobaalemuu mata ko.

Eébulo 7:4

Jijuke min jijuk buu Melikisedek áamimuu an áamak, mata min ahaanawu Abulaham asenool bújufabu bata wahawu wahaŋumuu majak wan áŋalumulomuu bata hutiikahu.

Saak 1:5

Bale nokoomuu loon, akee li bukuluul abajut bújallo, laate al̥aw Ateemit min asenool bo. Ban al̥awoolumuu bújallowabu, fan asenool bo li buyinum básuume, mata Ateemit átaleneliit an átowum asenool wah.

Saak 3:15

Bújallo loon umbu inti li emitayi bubilumulo. Laalu bújallo bata adunaaye, bata hin bóono bata an, babilimulo li Sayitaane.

Saak 3:17

Bale an abaje bújallowabu babilumulomuu haatiya lajanjand anab, ban li akaan an ata kásuumaay, li ájoobi buyinum ban li ásuum elob miñ, li ayili káyiyen an ban li anaak akaan majake bale. An abaje bújallowabu umbu ájukeleliit li buul ban abajut búhoolo banooban.

1 Saŋ 5:20

Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.