2 Tímote 1:5 - Jola-Kasa

⁵ Liloŋe li iwayil̥o káyinenaku kata mal̥egen kan ubajumuu. Káyinenaku unku kujanjand kulako li jaawi ahaan Lóyis, li jaawi Oónis humumool. Ban lihaase een ko foof kommuu li awu.

2 Tímote 1:5 Referencias Cruzadas

Hulimahu Hásuumaahu loon Saŋ akiic homuu 1:47

Nan Yéesu ajukumuu Natanayeel li abil ájooŋoolul li akila, li alob moola aan: — An ata Isilayeel ata mal̥egen umme. Búhoolo banooban bulet li akila.

Bakaanelabu 16:1

Fool li ajow boot li ésukayi yata Delib, ban li ahaaŋ boot li yata Lisit. Nan aŋejumuu, li atook bo ágoom. Tímote jaawool asuwif áyinene li Yéesu, bale atuubawool an ata Gilees.

Bakaanelabu 26:26

Ayíiyawu Agilifa lahaase mata wahawu unwu feh, ban mó mújimuu liyilo ilob li kabanewom hákilool. Hiitonhiit li buyinum kaanaku bajut wah wano li wo wan ahaasut, mata inti li egool̥ yayolowe wahawu unwu ukaani.

Kata Lom 14:14

Lihaase, ban Amaaŋenawu Yéesu lakaanonkaan íyinen kaanaku bajut wah wáñeyiye hutiñ wo humum wo. Bale an ayinoomuu li aan wah waman úñeyiñeyi, manooman fan úñeyi boot li akila.

Kata Lom 14:5

Akee fan ayinoo li aan kunak kukee kuhaŋe kaaku, aahu li ayinoo li aan kunakaku feh kulele keb. Anoowan laate átuk li wahawu wan ayinoomuu li aan ujaajak.

Kata Lom 15:14

Kutuyom, ínje humumom líyinenyinen kaanaku bukuluul jikankaan bukan kásuume ŋáa’; jihaase wahawu feh wan jóotimuu jihaas, ban jiyilo foof jinaak jisaaboo.

Kata Lom 4:21

Láyinenyinen li mal̥egenool kaanaku Ateemit layilo akaan wahawu wan alobumuu kakaan.

Kata Lom 8:38

Lihaase li mal̥egenamu kaanaku bajut wah wayilo úgaatuloolom li húbooliyahu hoola: let eketayi, let buloŋabu, let emalakaayi, let uyinumawu wajakutaawu wágootenemuu bukan, let wahawu wata muñeˈe, let foof wahawu wabilemaa, let sembe sanoosan,

2 Kata Koolent 6:6

Li jiloŋ buloŋ basete, ban li jibaj ehaasemiñ yabilumulo li Ateemit; li jiyili húmuñ ban li jísuum li bukanabuku; Buyinumabu Banabaabu bumbu li áloli, ban li jíbooli bukanabuku li mal̥egen.

1 Tímote 1:5

Wahawu wájimuu li ilobi loon muñaˈa wo wommuu min baj húbooli habilumulo li buyinum bajake, buyinum babahe li káyinen kata mal̥egen.

1 Tímote 4:6

Ukittenumuu wahawu unwu feh kutuyi, fan ulako aloka ajake ata Yéesu Kilisita. Fan úhiis kaanaku li kulimaku kasenemuu káyinen li baliikenelabu bata mal̥egenamu ban unabumuu li bo jak, lúkuumenumi.

2 Tímote 1:12

Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.

2 Tímote 3:15

Li mal̥egenamu, yaan no li huñiileyi luhaase Bakiicelabu Banabaabu. Buyilo buseni bújallo baate bújiyi li úyinen li Yéesu Kilisita min ufak.

Eébulo 11:13

Li káyinenaku bukanabuku umbuku feh kúketummuu buko bayabut wahawu wajakaawu wan Ateemit alobumuu kasen, bale kuŋandeŋŋanden wó lóyi min kusaaf wo bo. Kuhahhaas koon buko kujawoola koom li kuñaahoola li etaamaye.

Eébulo 6:9

Kútuyoli kan jiboolaat, maayeet min áloli jilobemee loon muñeˈe, híitolihiit kaanaku bukuluul jumbuku li bútinabu bajakaabu, bammuu bata kafakaku.

1 Fiyeel 1:22

Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.