2 Tímote 1:16 - Jola-Kasa

¹⁶ Amaaŋenawu ajow ásuum li butoŋabu bata Oneesifool, mata lanaanaak átintimbenom ñameeŋe, ban kaanutool ñisuu mín ínje emmee li hukul̥.

2 Tímote 1:16 Referencias Cruzadas

Máciya 25:17

Alokaawu ayabumuu sihanjalasu sata éwulusayi síteemeel síl̥ubaasu, li akaan manolamu foof, min alaañen abaj afamen to sihanjal sakee sata éwulus soono síteemeel síl̥uba.

Máciya 5:7

Awólo, káyiyenemuu bukan, mata Ateemit fan áyiyeniil.

Bakaanelabu 21:33

Muñeˈe anahaanawu li ajow akooj Fool, min ajokool ban li alob min kuŋa’ useel úl̥uba min kukokool. Ban li agel̥l̥en bukanabuku Fool ammuu ayi, li waa lakaane.

Bakaanelabu 28:20

Wahawu unwu újimuu li iŋes min ijukuul min ilob li bukuluul, mata min íjenkumimee baseelabu umbe, anawu an kata Isilayeel kúkangummuu li akila, ájimuu li íjenkumi bo.

1 Kata Koolent 16:18

Kútintimbenontintimben min buyinumom bubah, loon kútintimbenuulumuu foof. Joote jiluuken bukan loon umbuku.

Kata Efées 6:20

Yéesu Kilisita lal̥usonl̥us boot min iwaale Hulimahu unhu Hásuumaahu li kajawaku koola. Hó hújimuu li éemi síyaat li hukul̥. Jil̥aw Ateemit mantee li inaak iwaale ho babajut ekole yanooyan, loon éetimuu iwaale ho.

2 Tímote 1:12

Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.

2 Tímote 1:17

Bale, nan áliiŋumuu li ésukayi yata Lom, li ahanken min aŋesom ajow ayok ajukom.

2 Tímote 1:18

Amaaŋenawu ajow akaan min Ateemit ásuum li akila li hunakahu hata Batiibabu. Luhaase foof jak buu lalambenommuu eeno li ésukayi yata Efées.

2 Tímote 1:8

Mo emmuu jakum usuu balob mata Amaaŋenawu oololaal, ban jakum usuu mata ínje íji ammee li hukul̥ humum hoola. Bale úlaam loon ínje boot mata Hulimahu Hásuumaahu, min úkangum li sembaasu san Ateemit asenemuu.

2 Tímote 4:19

Usaafom Filisika buko li Akilaas, li butoŋabu foof bata Oneesifool.

Filemoŋ 1:20

Atuyom, liyaaki, ulambenom li wahawu unwe li kajaw kata Amaaŋenawu: Ukaanom súum li buyinum, ínje jammuu atuyi li Kilisita.

Filemoŋ 1:7

Atuyom, húbooliyahu hooli hújiwonji li ibaj ésuumansuum yáamak li kawankulen, mata lújiji uyinumawu wata bukanabuku kata Ateemit li ubah.

Eébulo 10:34

Sílaamasu sata bukanabuku kan kukul̥umuu silakolako sooluul foof. Ban jonsoon li ésuumansuum ló éehe’ min kubot wahawu wan jibajumuu, mata jihaase joon jibaje hubaj hahaŋe majak, hata boot nanoonan.

Eébulo 6:10

Li mal̥egenamu, Ateemit alet Ateemit acolut. Let amojen wahawu wan bukuluul jikaanumuu, let amojen foof húbooliyahu han jíhiisoolumuu li bulokabu ban jikaanumuu boot li bukanabuku koola, ban jiloŋumuu foof li jikaan boot muñeˈe.