2 Saŋ 1:5 - Jola-Kasa

⁵ Anaale, muñeˈe lil̥awi eeni: úbooliwoolaal. Inti eluwa ewunkul likiiculi, bale eluwaayi yan uyabaalumuu yaan no li húkitumahu.

2 Saŋ 1:5 Referencias Cruzadas

Hulimahu Hásuumaahu loon Saŋ akiic homuu 15:12

Hulimahu húmbaam ho hommuu unhe: Jíbooliwoo loon ínje humumom íbooliwuulumuu.

Hulimahu Hásuumaahu loon Saŋ akiic homuu 15:17

Wahawu wan emmuu li ilobuul, wo wommuu jíbooliwoo.

Kata Galasi 5:22

Bale wahawu wan Buyinumabu busenemuu wo wommuu: húbooli, ésuumansuum, kásuumaay, kabeben, másuum, ésuum buyinum, káwoolu,

Kata Efées 5:2

Jiloŋ buloŋ bata húbooli loon Kilisita ábooliwolaamuu, ayok asen buloŋool boot li alolaal. Lasensen buloŋabu boola loon kasila, búsimen básuume Ateemit.

1 Kata Tesalonik 4:9

Muñeˈe tookut min an akiiculuul mata húbooliwoo hata batuyaay, mata Ateemit lalobuulob kaanaku joote jíbooliwoo.

Eébulo 13:1

Húbooliwoo hata batuyaaya hoote hulako li bukuluul.

1 Fiyeel 4:8

Wahawu wan jommuu jijand jikaan, wo wommuu min jíbooliwoo ŋáa’, mata «Húbooli láhimenehimen uhoofoo wameeŋe.»

2 Fiyeel 1:7

Jiŋa’ batuyaaya jifamen to li kákoli Ateemit, li jiŋa’ húbooli jifamen to li batuyaaya.

1 Saŋ 3:11

Li mal̥egenamu, hulimahu unhe jijamumuu yaan no li húkitumahu: Ubóoliwoolaal.

1 Saŋ 3:23

Ban eluwaayi yoola muñeˈe elobe: lootaale úyinenaal li kajawaku kata Añoolool Yéesu Kilisita, ban li úbooliwoolaal loon akila humumool alobolaalumuu.

1 Saŋ 4:20

An aanumuu: «Líboolibooli Ateemit» ban li alat atuyool, anawu ummu ámalamiñ. Mata anawu ummu ábooliwutumuu atuyool an ajukemuu, let ábooli Ateemit an ájukeliitumuu.

2 Saŋ 1:1

Injé Anahaanawu, ikiiculo boot li Anaalaawu an Ateemit al̥usumuu, li boot li kuñoolool kan íboolimuu li mal̥egen. Inti ínje balewom íbooliwuul, bale bukanabuku feh kahaasumuu mal̥egenamu kúbooliwuubooli foof.