2 Saŋ 1:12 - Jola-Kasa

¹² Libaje wah wameeŋe kalobuul, bale ifañut min ilobuul wo li eleetal. Lifañe min ibil boot booluul min ilob li bukuluul bújooŋoo, mantee li ubajaal ésuumansuum yáamak.

2 Saŋ 1:12 Referencias Cruzadas

Hulimahu Hásuumaahu loon Saŋ akiic homuu 15:11

Yéesu li afamen aan: — Lilobuulob wahawu unwu mantee ésuumahukowayi yúmbaam li elako li bukuluul, min ésuumahukowayi yooluul eluuk halli.

Hulimahu Hásuumaahu loon Saŋ akiic homuu 16:12

«Libajeene kulim kameeŋe kan eeteen ilobuul, bale let jiyili jiŋa’ ko feh muñeˈe jikaan li uyinumuul mata kuhaŋuuhaŋ sembe.

Hulimahu Hásuumaahu loon Saŋ akiic homuu 16:24

Boot muñeˈe, jil̥awolut wah li kajawaku kúmbaam. Jil̥aw ban fan jibaj, mantee li jibaj ésuumahukow halli.»

Hulimahu Hásuumaahu loon Saŋ akiic homuu 17:13

Bale muñeˈe boot min ibil booli. Ban kulimaku kan ilobumee muñeˈe nan iloŋumee li adunaayi, lilollob ko bájum li kubaj ésuumansuumayi yúmbaam li buko humumiil, ésuumansuum halli.

Hulimahu Hásuumaahu loon Saŋ akiic homuu 3:29

Anáyinaawu an kóomi li ébuto li anaale okila akile anaalaawu. Bale abukaawu ata ánayinaawu ammuu li ébutowayi fan ajow akoojool min ajantenool, min súumool ŋáa’ okila bajame hulimahu hata ammuu li ébutowayi. Esúumansuumayi inyu yommuu lí ínje, ban súumonsuum muñeˈe li mal̥egen.

Kata Lom 15:24

Lifañe min ibil nan emmuu li ilako li ijow boot li etaamayi yata Esifaañ, ibil ijukuul min ilako li bukuluul jatit min jilambenom, mantee li iyili ijow boot bo.

2 Tímote 1:4

Ijowumuu iwayil̥o buu lul̥okumuu eeno, li síibom ŋáa’ min ilaañen ijuki mantee li ibaj ésuumahukow yáamak.

Filemoŋ 1:22

Ufalewom li manolamu foof káfit ukat to, mata libabbaj kákangum kaanaku Ateemit fan ásooniyen ul̥awawu wooluul min álaañenulom boot booluul, ban let fiyo.

Eébulo 13:19

Injé ummu li kayaakuul min jil̥aw, mantee Ateemit li álaañenulom li mahile boot booluul.

Eébulo 13:23

Jihaas kaanaku atuyolaal Tímote kukatenookaten. Alíiŋulaalimuu, fan ibil ijukuul li akila ló.

1 Saŋ 1:4

Jikiiculuukiic kulimaku unke mantee ésuumansuumayi yóololi li ehaŋ maluuk boot to.

3 Saŋ 1:10

Mó mújimuu nan emmuu li ibil, fan ilobuul majakutamu feh man akaanumuu, li kulimaku kajakutumuu kan alobumuu aya li alolaal. Bale wahawu unwu feh ufitutool: li ahoy bayab kutuyolaal kabilumuu, ban kafañeenumuu kuyabiil li amit áhiliil kúyabumiil, min akesooliil kúfu’ li ejanguwayi.