2 Kata Koolent 9:6 - Jola-Kasa

⁶ Jiwayil̥o hulimahu unhe: «An al̥ukumuu jatit, fan abil abaj jatit. An li al̥uk ŋáa’, fan abil abaj ŋáa’.»

2 Kata Koolent 9:6 Referencias Cruzadas

Hulimahu Hásuumaahu loon Lík akiic homuu 6:38

Jinaakumuu jiwul, Ateemit fan awuluul: fan kuyoŋen li kabeyaku kata kañaku kooli hukiib háliiŋe, hayonyoŋeni hujow humeeŋ tib yok hufuus. Mata kaliikumaku kan bukuluul humumuul jiŋalemuu min jiliik bukanabuku, ko foof Ateemit ammuu li abil aŋa’ min aliikuul.

1 Kata Koolent 1:12

Wahawu wan ifañumuu ilob, wo wommuu unwe: li bukuluul akee fan aan: «Injé bata Fool lilaañe», aahu li aan: «Injé bata Afolos», aahu li aan: «Injé bata Fiyeel», akee foof li aan: «Injé bata Kilisita lilaañe».

1 Kata Koolent 15:20

Bale li mal̥egenamu, Kilisita layitowuuyitowul li eketayi. Li kaketumuu feh, okila ammuu átinaa li kayitowul li eketayi, min íhiis kaanaku kaabuku foof kaketumuu fan kuyitowumul li eketayi.

1 Kata Koolent 7:29

Kutuyom, wahawu wan ifañumuu ilob wo wommuu unwe: taŋayi yasaŋomuu efamut. Bukanabuku kayabumuu koote kuloŋ loon bukan kayabut, yaan muñeˈe.

2 Kata Koolent 9:10

Ateemit asenemuu sígul anawu al̥ukemuu, ban li asenool sinaaŋasu san atiñemuu, fan asenuul sígul ban li akaan so sibukoo. Fan akaan macolamu mooluul mubaj ebukoolum yameeŋe.

2 Kata Koolent 9:5

Mó mújimuu li ijok kaanaku jaajak min ilob kutuyolaal min kúyabulom hákil booluul, min kujoojen wahawu wan bukuluul jilobumuu kasen. Nan emmuu li íliiŋul, li itook wahawu unwu feh bafaleˈe, min híis kaanaku jisensen wo li ésuumansuum, inti loon an atuuŋuul min jisen.

Kata Galasi 3:17

Wahawu unwe lifañe min ilob: Ateemit lalollob kakaan Abulaham wah, ban lakankaan wo. Nan jowe bajumuu simit síteemeel sibakii li áyii li kuŋen, Eluwaayi li ebil. Mo emmuu kama eluwaayi eyilaat éfulen wahawu wan Ateemit alobumuu kasen.

Kata Galasi 5:16

Boot min eenuul, jikat Buyinumabu Banabaabu min bucolen buloŋabu booluul. Jikaan momuu, let jimit jinab li kásiibowaku kata eniilayi yooluul.

Kata Efées 4:17

Wahawu unwe kama léemimuu li ilobuul, ban li ílaañumul tó li kajaw kata Amaaŋenawu: muñeˈe jakum jinaak jiloŋ loon bukanabuku kákaanumutumuu li Ateemit balewool kuloŋemuu. Uyinoolawu wooliil ubajut jáliŋ.

Kata Kolos 2:4

Lilobuulob wahawu unwu, jakum bil an abuntumuul li balobe básuume.

Eébulo 6:10

Li mal̥egenamu, Ateemit alet Ateemit acolut. Let amojen wahawu wan bukuluul jikaanumuu, let amojen foof húbooliyahu han jíhiisoolumuu li bulokabu ban jikaanumuu boot li bukanabuku koola, ban jiloŋumuu foof li jikaan boot muñeˈe.