2 Kata Koolent 9:11 - Jola-Kasa

¹¹ Fan asenuul hubaj li wahoowah feh, min jinaak jiyili jísuum li bukanabuku. To bukan kameeŋe kóotummu kusal Ateemit humum hata wahawu wan jísenolimuu jijow jiseniil.

2 Kata Koolent 9:11 Referencias Cruzadas

Máciya 20:15

Kama waa iyilaat ikaan ebajayi yúmbaam loon ifañumuu? Bale waa lutiitii min ikaaniilumuu suum?”

Máciya 25:17

Alokaawu ayabumuu sihanjalasu sata éwulusayi síteemeel síl̥ubaasu, li akaan manolamu foof, min alaañen abaj afamen to sihanjal sakee sata éwulus soono síteemeel síl̥uba.

Kata Lom 12:8

Li nokoo loon an abaje káji kata kawankulen bukan, li awankuleniil. An li abaj káji kata naak kasen bukan wah, jakum anaak atii baseniil wo. Li bil nokoo loon an abaje káji kata kaaken ésuk, li ajooŋoo to min ajokiil jak. An li abaj káji kata káyiyen bukan, li akaan mo li ésuumansuum ló.

1 Kata Koolent 1:5

Li mal̥egenamu, li hujamoolahu hooluul li Kilisita Ateemit asenumuulumuu hubaj hata káji kanookan, háŋum kata hulim hanoohan li kata kahaasemiñ kanookan.

2 Kata Koolent 1:11

Bukuluul humumuul foof jumbuku min jilambenemuu li áloli li ul̥awawu wooluul. Mó mújimuu Ateemit fan ákaanoli majake, humum hata ul̥awawu wata bukan kameeŋe. Wahawu unwu újimuu foof bukan kameeŋe fan kusal Ateemit boot li áloli.

2 Kata Koolent 4:15

Li mal̥egenamu, wahawu unwu feh wan áloli jímuñemuu lí wó, jímummuñ wó mata bukuluul jíji, mantee kájiyaku kata Ateemit li kunaak kugo bukan kahaŋe mameeŋ, min kasalaku kan ésukayi esalemuu Ateemit kújowum to kuhaŋ maluuk, boot li máyiineniyamu moola.

2 Kata Koolent 8:16

Ateemit akaanumuu li buyinumabu bata Tit kahanken min alambenuul loon áloli, ajow asali.

2 Kata Koolent 8:19

Bale inti wahawu unwu bale. Sijanguwasu sil̥usool boot min alako anaboola óololi li kañaahoolaku unke kata bulok bata kakaan wah wajake, ban kúsenolimuu boot li kasal kata Amaaŋenawu humumool, li káhiis kaanaku jifanfañ min jilamben.

2 Kata Koolent 9:12

Bulokabu umbu bata kayabaku kata wahawu wan bukuluul jisenumuu, bulakowut boot kalamben bale bukanabuku kata Ateemit li wahawu wan jokiilumuu li wo, bale fan búji foof bukan kameeŋe li kúsalum Ateemit li kal̥aw.