2 Kata Koolent 8:12 - Jola-Kasa

¹² Li mal̥egenamu, ukaan tomuu buyinumi min usen wah li kayinoo kajake, Ateemit fan ayab wahawu wan usenumuu. Fan ajuke li wahawu wan ubajumuu, bale inti li wahawu wan ubajutumuu.

2 Kata Koolent 8:12 Referencias Cruzadas

Máciya 25:17

Alokaawu ayabumuu sihanjalasu sata éwulusayi síteemeel síl̥ubaasu, li akaan manolamu foof, min alaañen abaj afamen to sihanjal sakee sata éwulus soono síteemeel síl̥uba.

Máciya 25:22

Alokaawu ayabumuu sihanjalasu sata éwulusayi síteemeel síl̥uba, li ákoojul foof ban li aanool: “Anahaan, sihanjal sata éwulus soono síteemeel síl̥uba luseneenom eekeni. Bale ujuke, libajulobaj sihanjal sakee sata éwulus soono síteemeel síl̥uba, ifamen to.”

Hulimahu Hásuumaahu loon Lík akiic homuu 16:10

An átukumuu jak wah watit, fan átuk foof jak wah wáamak. An átukutumuu jak wah watit, let átuk foof jak wah wáamak.

2 Kata Koolent 8:11

Muñeˈe kama jihabel bulokabu umbu jikaan. Jikaan to uyinumuul min jihabel bo loon foof jijokumuu min jikaan bo. Jikaan bo loon jiyilimuu.

2 Kata Koolent 8:13

Eenutuulumuu jikaanoolo bugay jiyiliwum jilamben kaabuku. Lifañe min bukanabuku kujoki le keb.

2 Kata Koolent 8:19

Bale inti wahawu unwu bale. Sijanguwasu sil̥usool boot min alako anaboola óololi li kañaahoolaku unke kata bulok bata kakaan wah wajake, ban kúsenolimuu boot li kasal kata Amaaŋenawu humumool, li káhiis kaanaku jifanfañ min jilamben.

2 Kata Koolent 9:7

Anoowan laate asen loon ajokumuu li buyinumool, ban jakum baj ejok li ehaaseen, mantee foof loon an atuuŋool min asen. Ateemit, an asene wah li ésuumansuum ló lafañumuu.

1 Fiyeel 4:10

Anoowan li bukuluul laate aŋa’ kájiyaku kan Ateemit asenoolumuu min akaan majake boot li kaabuku feh. Jikaan momuu, fan jilako bukan kajoke jak újiyawu wábutoomuu wata Ateemit.