2 Kata Koolent 7:15 - Jola-Kasa

¹⁵ Tit ajowumuu awayil̥o buu jítuuloolumuu foofuul feh li buu jiyaboolumuu booluul li ekole li kateelen ló, húbooliyahu han ábooliwuulumuu li huhaŋ maluuk.

2 Kata Koolent 7:15 Referencias Cruzadas

Hulimahu Hásuumaahu loon Saŋ akiic homuu 16:21

Nan anaale ahalete ajeˈe boot kanoken, labajebaj buyina báamak, mata taŋool yata sílaam éliiŋe. Bale nan ammuu li áfulul li añiil, li amojen sílaamasu soola, mata fan abaj ésuumahukow mata min abajumuu añiil.

Bakaanelabu 16:29

Afooyaawu ata hukul̥ahu li alob min kuhiiten, ban li asommen anoken li káfitaku. Li ákoli gay li anaak ateelen, min ajow ákuntuŋ hákil Fool buko li Silaas.

1 Kata Koolent 2:3

Wahawu unwu újimuu, li ibil boot booluul mágootowe ban foof li kateelen ló kata ekole.

2 Kata Koolent 2:9

Li mal̥egenamu, wahawu unwe újimuu li ikiiculuul: lifanfañ min iyoobuul min ijuk mantee fan jikaan wahawu feh wan ilobuulumuu.

2 Kata Koolent 6:12

Alóli jihoyut min jíhiisuul húbooliyahu hóololi, bale bukuluul humumuul jíhoyolimuu li uyinumawu wooluul.

Kata Efées 6:5

Bukuluul jammuu emiikeel, jítuul kunahaanaku kooluul kata baabe li etaam. Jítuuliil li ekole li kateelen ló, ban li jiluukeniil li uyinumuul feh loon jítuulumuu Kilisita.

Kata Fílib 1:8

Ateemit lahaase aan mal̥egen, líbooliwuubooli foofuul feh ŋáa’ loon Yéesu Kilisita ábooliyemuu bukan.

Kata Fílib 2:12

Kutuyom kan iboolaat, wahawu unwu újimuu, loon jifiyomuu li jilako bukan kátuulom, muñeˈe jinaak jihaŋ mátuul, ban jakum lako ínje to bale, bale háŋum ínje balet to. Jilok li ekole li kateelen ló, mantee kafakaku kooluul li kujuki.

Kata Kolos 3:12

Muñeˈe bukuluul bukan kata Ateemit. Ateemit lal̥usuul̥us ban li afañuul. Wahawu unwu újimuu kama joote jilako bukan káyiyene bukan, bukan kásuume, bukan kawalenoolowe, bukan kájoobiye uyinum li bukan kayilo húmuñ.

2 Kata Tesalonik 3:14

Nokoomuu loon an li bukuluul akaanut loon jilobuulumuu li eleetalayi inye, jílangumaasowool ban jakum an li bukuluul akoojool, mantee li asuu.

1 Saŋ 3:17

Bale nokoomuu loon an akaane usaanum ajuke aan atuyool jokoojok li wah, imban li ásiibool li wó, buu anawu ummu ammuu usaanum ayilo aan húbooliyahu hata Ateemit hunhu li akila?