2 Kata Koolent 6:5 - Jola-Kasa

⁵ Kútekolitek ban li kúŋaloli kujow kukul̥. Li kuyitenul ésukayi boot li áloli, ban li kúmukoli li bulok. Li kúhiloli jímooliwum, ban li kúhiloli foof jitiñum.

2 Kata Koolent 6:5 Referencias Cruzadas

Máciya 14:10

Mal̥egen li aboñ kujow kúfalenul húkowahu hata Saŋ Batiis li hukul̥ahu.

Máciya 14:3

Elod lajoojok no Saŋ ajenk ban li aŋalool akul̥, mata Elodiyaas áji, an Elod aŋa’muu akaan aseekool, ban anaale ata atuyool Fílib.

Máciya 9:15

Yéesu li aaniil: — Buu emmuu nokoo kubuke an ábutowe li kumommowool akila to li buko? Manooman hunakahu fan húliiŋ nan kommuu li kujok anawu ummu ábutomuu kújowetum. No unnu kommuu kumommowool.

Bakaanelabu 13:3

Muñeˈe li kumommo min kul̥aw kuban, li kuŋa’ kuŋeniil kuwalen li buko ban li kukatiil min kujow.

Bakaanelabu 14:19

Kusuwif li kubilum Antiyok yata Fisidi, li Ikóniyom. Li kukaan búsukabu búyinen li buko, min kutek Fool kuyitik boot kumuk, ban li kúhuulool kúfuletum tíyaŋ ésukayi, mata kunaanaak kuyinoo li koon lakeeket.

Bakaanelabu 14:23

Li kul̥us li ejangu yanooyan bukan kulako kunahaan, ban nan kumommomuu min kul̥aw kuban, li kuŋaliil kukat li kuŋen kata Amaaŋenawu an kúyinenumuu li akila.

Bakaanelabu 17:5

Bale Kusuwifaku li kutahaay ŋáa’. Li kujow kúŋalul kújos kál̥afute, kalakowemuu li útinawu, kubil kúkiŋul búsukabu min kukaan ésukayi éguul̥oo feh. Li kubil boot bata Saasoŋ huŋes Fool buko li Silaas, boot min kujokiil kukaan hákil búsukabu.

Bakaanelabu 20:31

Ban di jíkaanum, min jiwayil̥o joon simit síhaaji feh, bajut etihunaka bajut ehuka, ikatut kasaabuul ikat to, li jíl̥ok ló.

Bakaanelabu 23:10

Búwonnoolabu li buhaŋ másuf, gay anahaanawu ata esollaaliyayi li ákoli min kuban li kulinculoo Fool. Muñeˈe li alob esollaaliyayi yoola min kujow kúfulen Fool li tutayi yata búsukabu, kujow kukaan li hukinahu hata esollaaliyayi.

Bakaanelabu 23:35

li aanool: — Fan ban li ijanteni min ulob, nan bukanabuku kal̥oofimuu kommuu li kúŋejul. Ban li alob min kuŋa’ Fool kukaan li káyiiyaku kata Elod min kufooyool ló.

Bakaanelabu 24:27

Li jow baj simit síl̥uba, Fólisiyis Fésitiis li alako águubelunaal min aŋa’ kaŋenaku kata Féeliis. Emmuu Féeliis lafanfañ min akaan Kusuwifaku súumiil, li akat Fool li hukul̥ahu.

Bakaanelabu 26:10

Wahawu unwu li kaanumuu Yeelusalem. Kunahaanaku kata élambaayi kusenonsen sembe min inaak íjokul bukan kameeŋe káyinenumuu li Yéesu ijow ikul̥. Ban, nan kutiibeyiilumuu min koon boot min kuket, linaanaak een éehe’ li mo.

Bakaanelabu 26:29

Fool li aanool: — Eéti ŋa’ taŋ yatit mantee foof yáamak, wahawu wan il̥awumuu Ateemit, inti mata min awu baleyi, bale foof min bukuluul feh jáamimuu li bajantenabu búmbaam síyaat, jinokoo loon ínje, búti li sijenkase san íjenkumimee!

Bakaanelabu 28:30

Fool li alako simit síl̥uba feh li eluufayi yan aŋa’muu min anaak acaam. Li anaak ayab ló bukanabuku feh kanaake kubilumuu kujukool.

Bakaanelabu 5:18

Li kujok kufootalaku kujow kukul̥ li hukul̥ahu hata ésukayi.

1 Kata Koolent 15:10

Bale kájiyaku kata Ateemit kújimuu li eeno loon emmee. Ban min áyiyenommuu li kájiyaku koola, inti kakaal̥o. Mata liloolok ihaŋ kufootal kaabuku feh. Bale inti ínje iloke, li mal̥egenamu, kájiyaku kan Ateemit asenommuu kulambenom ikaan bulokabu umbu.

1 Kata Koolent 4:11

Boot yok li waatuwayi yan oomaalumee, áloli jumbuku min jicaalete, bahob li bóokoli. Jibajut búkoko, kumbuku min kútekewolimuu, ban jumbuku min jiñaahoole bomuu muñaˈa li jijow.

1 Kata Koolent 7:5

Jakum an li buko kúl̥uba ahoy min kuhinto li afaalool, mantee yo yommuu buko bajamoole min kukokkoben jakee min kunaak kul̥aw Ateemit. Bale fúlum tómuu, li kulaañen kuloŋ buloŋiil bata búyabo, jakum bil kúyiliyaati kujokoo min kusen Sayitaane bútin min abuutiil.

2 Kata Koolent 11:27

Liloolok ŋáa’ ban li ílaam foof ŋáa’. Ñameeŋe inaakut iyili ímooli. Li inaak icaalet ban inaakut ibaj ihob, ban ñameeŋe inaakut ibaj itiñ. Kutont kunaanaak kujokom ban inaakut ibaj wañ ikoko.

Kata Efées 3:1

Wahawu unwu újimuu ínje Fool, ammee li hukul̥ humum hata Yéesu Kilisita boot li bukuluul jaletumuu kusuwif, [ínje ummu li kal̥aw Ateemit boot li bukuluul.]

Kata Fílib 1:13

Muñowu kusollaaliyaku feh kafooyemuu eluufayi yata áyiiyawu áamakawu li bukan kaabuku feh, kúhaasummuu kaanaku bulokabu ban emmuu li bo boot li Kilisita bújiwommuu li eeno li hukul̥.

1 Kata Tesalonik 2:9

Kutuyom, manooman jiwayil̥owe min áloli jilokumuu súf li buyokabu ban jiyokumuu. Jiloolok etihunaka jiban ehuka, jakum bil an li bukuluul ákiloli hutiñ áloli li kawaaleyaku kooluul kata Hulimahu Hásuumaahu hata Ateemit.

1 Tímote 4:10

Li mal̥egenamu, loonowaasoono li bulok súf li bútaj, mata lúkangumaakangum li Ateemit aloŋumuu, ammuu afakenaawu ata bukanabuku feh, háŋum káyinenumuu li akila.

2 Tímote 1:8

Mo emmuu jakum usuu balob mata Amaaŋenawu oololaal, ban jakum usuu mata ínje íji ammee li hukul̥ humum hoola. Bale úlaam loon ínje boot mata Hulimahu Hásuumaahu, min úkangum li sembaasu san Ateemit asenemuu.

2 Tímote 2:9

Hulimahu unhu Hásuumaahu hújimuu li eeno li sílaam yok ijenki loon eenimuu ínje ábujamiñ leem. Bale Hulimahu hata Ateemit ho, hujenkuti.

2 Tímote 4:5

Bale awu, jakum uwuuhen li wahoowah. Umúñ sílaamasu. Ukaan bulokabu bata awaaleya ata Hulimahu Hásuumaahu, ban li ukaan bulokabu feh ban Ateemit asenimuu kakaan.

Eébulo 11:36

Kukee li kunaak kujakakaayiil ban li kutekiil kukaluwaas, kaabuku li kujenkiil ban li kukul̥iil.

Eébulo 13:17

Jítuul kunahaanaku kooluul, ban koonuulumuu jikaan wah, li jikaan wo loon kulobuulumuu. Li mal̥egenamu, buko kommuu li kafooyuul, mata Ateemit fan abil agel̥l̥eniil mooluul. Jikaan manooman mantee li kuyili kukaan bulokabu booliil li ésuumansuum ló, bale inti li jíl̥okoo ló, mata kukaan momuu let lambenuul maayeet.

Eébulo 13:23

Jihaas kaanaku atuyolaal Tímote kukatenookaten. Alíiŋulaalimuu, fan ibil ijukuul li akila ló.

Búhiisenumabu 2:10

Jakum úkoli sílaamasu sakobemuu li awu. Ujuke to, Sayitaane fan abet bukan kameeŋe li bukuluul li hukul̥ min ayoobuul min ajuk. Fan jilako li sílaam kunak koono kuŋen. Utúk lit boot yok hunak eketi. Ukaan momuu, fan iseni buloŋ bábaneliit bulako bacaami.