2 Kata Koolent 6:3 - Jola-Kasa

³ Alóli jifañut min jíji an li ajonten min alo li kahoofoo, jakum bil an ayili alob majakut aya li bulokabu bóololi.

2 Kata Koolent 6:3 Referencias Cruzadas

Máciya 17:27

Bale awu ujow ubet kabuut li húwajahu. Jiwolaju játinaalaju jan ommuu újokul, li úŋaabul butumabu bata jo. Fan ujuk ló édalam yafame boot li búhalabu boolola bata Eluufayi yata Ateemit. Uŋa’ yo useniil, lako búhalabu boolola kúl̥uba jakum bil ufetaal li buko.

Máciya 18:6

— An ájimuu akee li umbuku kakitemuu li kúyinen lí ínje, li alo li kahoofoo, anawu ummu kóyumool buko baŋale kaneew kukok li enuy kul̥oofool li ekondo’, ban li kuŋalool kubeten li hal min akeel ló.

Bakaanelabu 19:27

Kulimaku unku inti bulokabu boololaal bale koote kukajen, bale foof fan kukajen kajawaku kata eluufayi yata ateemitawu áamakawu anaalaawu Alitemis. Esúkayi let elaañen eluukenool, okila an bukanabuku feh kakinumuu li etaamayi yata Aasi, li kata adunaayi feh, kumanenemuu!

Kata Lom 14:13

Kama ukataal katiiboo; ban li jijuke to jakum bil jikaan wah waate úji atuyuul li ajonten, mantee foof li alo li kahoofoo.

1 Kata Koolent 9:12

Nokoomuu loon baje kukee kayilo kúbajum wah li bukuluul, áloli jihaŋiil mabaj kayilaaku unku, inti mo? Alóli jiyiliyeene jikaan mo, bale jikaanut mo, min jímuñ wahawu feh jakum bil jíji Hulimahu Hásuumaahu hata Kilisita li hújowaati loon hóotimuu hujow.

1 Kata Koolent 9:22

Ilakomuu li bukan kágootowe, fan iloŋ loon eenimuu ínje humumom lígootogooto, mantee li íŋalul kágootomuu boot li Yéesu Kilisita. Mó mújimuu likaanoolokaanoolo ilako wahawu feh boot li bukanabuku feh, mantee manooman li ifaken kukee li buko.

2 Kata Koolent 1:12

Wahawu wájimuu áloli li jisaloolo, wo wommuu mata búyinumoli búkaanolikaan jihaas kaanaku buloŋabu bóololi li adunaayi inye, háŋum hákiluul, bulakolako buloŋ banabe ban bata mal̥egen, babilumulo li Ateemit. Buloŋabu umbu bubilumuloot li bújallo bata ál̥ahukowan, bale li kájiyaku kata Ateemit bubilumulo.

2 Kata Koolent 8:20

Alóli jumbuku li kajuke to jakum bil an ayili áwatatenoli mata buu jítukumuu sídalamasu saluuk muñowu, san bukuluul jisenumuu.