2 Kata Koolent 5:14 - Jola-Kasa

¹⁴ Húbooliyahu hata Kilisita húhaŋolihaŋ sembe, mata jíyinene li mal̥egen kaanaku, min an ano aketumuu boot li bukanabuku feh, kama bukanabuku feh kubamban li buloŋabu booliil buhaanabu.

2 Kata Koolent 5:14 Referencias Cruzadas

Máciya 20:28

Mo foof Añool-An abilutumuu boot min abaj emiikeel, bale min alako amiikeel. Ban li asen buloŋool bulako búhal boot li bukan kameeŋe.

Hulimahu Hásuumaahu loon Lík akiic homuu 15:24

Mata añoolom umme laketeene, bale muñeˈe lálaañulo áami li buloŋ. Lájimeene, bale muñeˈe lijukool.” Li kútoŋ kugaan li ésuumansuum ló.

Hulimahu Hásuumaahu loon Lík akiic homuu 15:32

Bale lootaale ukaanaal kagaan min ésuumansuum elako li ololaal. Mata atuyi umme laketeene, bale muñeˈe lálaañulo áami li buloŋ. Lájimeene, bale muñeˈe lijukool.”»

Hulimahu Hásuumaahu loon Lík akiic homuu 24:29

Bale kúgoomaku kúl̥ubaaku li kujokool min koonool: — Ulako taate li óloli, mata títiimoye, ban banakabu bumbu li bujon. Mal̥egen Yéesu li anoken li eluufayi kujow kulako ló.

Hulimahu Hásuumaahu loon Saŋ akiic homuu 1:29

Li líiŋ hunak hukaten, Saŋ li ajuk Yéesu akila li ebil ájooŋoolul li akila. Li aan: — Agálalaanawu ata Ateemit ummu áfulenumuu kahoofoolaku kata adunaayi.

Hulimahu Hásuumaahu loon Saŋ akiic homuu 11:25

Yéesu li aanool: — Injé iyitenumulemuu kaketumuu li eketayi, ínje isenemuu buloŋabu. An áyinenumuu lí ínje, fan aloŋ maayeet min akete.

Hulimahu Hásuumaahu loon Saŋ akiic homuu 5:25

Li mal̥egenamu fan ilobuul: taŋayi inyu li ebil, ban eyaane éliiŋul eban, nan kaketumuu kommuu li kujam hulimahu hata Añiilawu ata Ateemit, ban kammuu li kujam ho fan kuloŋ.

Bakaanelabu 18:5

Nan Silaas.

Kata Lom 2:2

Luhaasaale kaanaku batiibabu ban Ateemit atiibumuu bukanabuku kakaanemuu wahawu unwu, bunannab li mal̥egenamu.

Kata Lom 5:15

Bale buko kúl̥uba kúbutoobutoo, mata kájiyaku kata Ateemit kunokoolut li kahoofoolaku kata Adam. Li mal̥egenamu, kahoofoo kata an ano bale ammuu Adam, kújimuu bukan kameeŋe li kuket, bale kájiyaku kata Ateemit kuhaŋe maluuk ŋáa’. Kájiyaku unku Ateemit li an ano lásenum kó bukanabuku, akila ammuu Yéesu Kilisita, ban kuhaŋe maluuk ŋáa’.

Kata Lom 6:13

Jakum jiŋa’ wah wata eniilayi yooluul min jinaak jikaan kahoofoo loon eenimuu wah wata boot kakaan majakut. Jisenoolo min jilok boot li Ateemit loon bukan kayitowumulo li eketayi kubil koono li buloŋ. Jisenoolo foofuul feh boot kakaan wah wacole boot li Ateemit.

Kata Lom 6:6

Uhaasaal kaanaku bóonowabu boololaal buhaanabu bubaaŋoolibaaŋoo li Kilisita li ekuluwaayi, mantee eniilayi yahoofoolemuu li ekajeni min ukataal kalako emiikeel yata kahoofoo.

1 Kata Koolent 16:22

An afañutumuu Amaaŋenawu, anawu ummu katek kujow kulako li akila. Maalanata — Ubil, Amaaŋen óololi!

1 Kata Koolent 2:14

An abajutumuu Buyinumabu bata Ateemit let ayili ayab mal̥egenamu mabilummuu li Buyinumabu umbu. Mal̥egenamu ummu mulakolako bul̥uuhoo boot li anawu ummu. Ayilaat mo ánaanum, mata Buyinumabu bale bukaane mo an ánaanum.

2 Kata Koolent 3:7

Eluwaayi ekiicikiic li kúlankiin kayiji. Móyiis li alako aloka ata eluwaayi inyu yamukemuu. Bale maayeet mo, bulokabu umbu bata Móyiis li busenool máyiineni máamak, gay bañiilabu bata Isilayeel kuyilaat kujukelool li buul, humum hata kaleñaku kata buulabu boola, maayeet min kite eenimuu máyiineniyamu ummu let mufiyo.

2 Kata Koolent 3:9

Nokoomuu loon li mal̥egenamu bulokabu bata eluwaayi bafanemuu búji bukanabuku li kulo li batiibabu bata Ateemit, búyiineniyiineni ŋáa’, kama háŋum bulokabu bata Buyinumabu bájiyewolaamuu li ulakowaal bukan kacole?

Kata Galasi 2:20

Min lako muñeˈe inti ínje humumom éemi li buloŋ, bale Kilisita áami li buloŋ lí ínje. Mata buloŋom bata ál̥ahukowan bata muñeˈe, lilolloŋ bo li káyinenaku kan ibajumuu li Añiilawu ata Ateemit, ábooliwommuu ban li asen buloŋool boot lí ínje.

Kata Efées 6:24

Ateemit ásooniyen bukanabuku feh káboolimuu Amaaŋenawu oololaal Yéesu Kilisita, húbooli hayilaat huban.

Kata Kolos 2:13

Naanaŋ, bukuluul jiketenket mata uhoofoolawu wooluul úji, ban foof mata jilakowut bukan kata Ateemit. Muñeˈe Ateemit lasenuusen buloŋ mata hujokoolahu hooluul li Kilisita húji, ban li abonket uhoofoolawu woololaal feh.

Kata Kolos 3:3

Li mal̥egenamu, bukuluul jikeeket ban buloŋabu booluul buyoliyo li Kilisita ammuu li Ateemit.

1 Tímote 2:6

asenumuu buloŋool humum bo min acaam boot kafaken bukanabuku feh. Wahawu unwu Kilisita akaanumuu min áhiis, nan taŋayi yan Ateemit ajokumuu yommuu li éliiŋ, kaanaku Ateemit lafanfañ min bukanabuku feh kufak.

1 Tímote 5:6

Bale Anaale ahoke áyinool ban kayinoolool feh huŋes másuume, lakeeket maayeet min kite eenimuu ummu li buloŋ.

Eleetalayi yan Fool akiicumuu Tit 3:3

Li mal̥egenamu, alolaal foof lulakowaalako no bukan kahaasut wahoowah, kátuulut Ateemit, li bukan kájime. Lulakowaalako no emiikeel yata kásiibo li kásuum kanookan, ban li uloŋaal no buloŋ bata búl̥afut li kásiibo, min ukaanoolowaal no bukan kajakut majak, ban li uhoyoolaal.

Eébulo 2:9

Ban lujukaale kaanaku Ateemit lakankaan min emalakaayi efan ehaŋ jatit Yéesu, bale muñeˈe labaje máyiineni ban li aluukeni, humum hata eketayi yan aketumuu li sílaam ló. Wahawu unwu újimuu Yéesu li ajaken eketayi boot kafaken bukanabuku feh, humum hata kájiyaku kata Ateemit.

Eébulo 6:10

Li mal̥egenamu, Ateemit alet Ateemit acolut. Let amojen wahawu wan bukuluul jikaanumuu, let amojen foof húbooliyahu han jíhiisoolumuu li bulokabu ban jikaanumuu boot li bukanabuku koola, ban jiloŋumuu foof li jikaan boot muñeˈe.

1 Fiyeel 1:8

Yéesu Kilisita an jíboolimuu bukuluul bajukutool, li jíyinen li akila maayeet min jijukolutoomuu, okila ájimuu li jibaj ésuumansuum yan an ayilaat alob mata yo, ban li éyiineni,

1 Saŋ 5:19

Luhaasaale oonaal alolaal Ateemit akilolaal, ban adunaayi feh yo inyu li kuŋenaku kata Sayitaane.