2 Kata Koolent 4:4 - Jola-Kasa

⁴ Bukanabuku umbuku kammuu li kájimaku kúyinenut, mata ateemitawu ata adunaayi inye, ammuu Sayitaane, lámimmib uyinumawu wooliil jakum bil kujuk kaleñaku kata Hulimahu Hásuumaahu hata máyiineniyamu mata Kilisita, ammuu kambuwaku kata Ateemit.

2 Kata Koolent 4:4 Referencias Cruzadas

Máciya 13:22

Etaamayi yata banuunukenabu bata úbujaawu dán sígulasu silomuu, yo yommuu anawu ajamumuu Hulimahu hata Ateemit aban, uyinoolawu wata buloŋabu bata muñeˈe, li jabuntaju jata kásuumaku kata ebajayi, li kúgoben Hulimahu, min jí anawu li áloŋaati loon Hulimahu hulobumuu.

Hulimahu Hásuumaahu loon Saŋ akiic homuu 1:14

Hulimahu li hubil hukaan an, min akin li ololaal. Li akaan an abaje káji káamak, ban li alako an ata mal̥egen. Lujukaale buu láyiinenimuu eeno. Máyiineniyamu man abajumuu mata min ammuu Añiil ano sih ata Atuubaawu.

Hulimahu Hásuumaahu loon Saŋ akiic homuu 1:18

Bajut an abile ajuk Ateemit. Bale Añiilawu anolawu sih, ammuu Ateemit ban li kujokoo li Atuubaawu loon an ano, okila akaanolaamuu uhaasaalool.

Hulimahu Hásuumaahu loon Saŋ akiic homuu 12:31

Muñeˈe emmuu taŋayi nan Ateemit ammuu li atiib adunaayi inye. Muñeˈe Sayitaane ammuu anahaanawu ata adunaayi boot min akesooli áfu’ tíyaŋ.

Hulimahu Hásuumaahu loon Saŋ akiic homuu 12:35

Yéesu li aaniil: — Mawuŋaamu muloŋe li moono li bukuluul. Bale let mulako li bukuluul fiyo. Jinab li bútinabu booluul muñeˈe nan jiloŋumuu li jibaj mawuŋaamu, jakum bil élimayi egoobuul. Mata an ájowume li élim, ahaasut bay lajeˈe boot.

Hulimahu Hásuumaahu loon Saŋ akiic homuu 12:40

«Ateemit lámibiimíb kúkil, ban li akaaniil kul̥aal̥ uyinum, bájum li kújukaati li kúkiliil, li kúnaanumaati li uyinumiil, jakum bil kútiiwowul kúlaañul boot búmbaam, min ifakeniil.»

Hulimahu Hásuumaahu loon Saŋ akiic homuu 12:45

An ajukommuu, Anawu áboñulommuu foof lajuke.

Hulimahu Hásuumaahu loon Saŋ akiic homuu 14:30

Let ilaañ ilob ŋáa’ li bukuluul, mata Sayitaane ammuu anahaanawu ata adunaayi inye ummu li ebil. Ayilaat lí ínje wahoowah,

Hulimahu Hásuumaahu loon Saŋ akiic homuu 15:24

Let kubajeen butila bata kahoofoo, ínje bakaaneenut hákiliil bulokabu ban akee ábuto akanlelutumuu. Bale muñeˈe kujuke bulokabu búmbaam, ban li kulatom, li kulat foof Atuubawom.

Hulimahu Hásuumaahu loon Saŋ akiic homuu 16:11

Min kuyinoomuu mata batiibabu bata Ateemit inti mo, mata Sayitaane ammuu anahaanawu ata adunaayi inye, latiibi aban.

Hulimahu Hásuumaahu loon Saŋ akiic homuu 8:12

Yéesu li alaañen alob li búsukabu aaniil: — Injé emmuu mawuŋaamu mata adunaayi. An anabumuu lí ínje fan abaj mawuŋaamu mata buloŋabu, ban let ájowum li élim maayeet.

Bakaanelabu 26:18

Boot min iboñi ujow úbabul kúkilaku kooliil, li úfulenuliil li élimayi kubil kulako li mawuŋe, li úfulenuliil foof li kaŋenaku kata Sayitaane kubil kulako bata Ateemit; bájum kúyinenumuu lí ínje, li kubaj kabonket kata uhoofoolawu wooliil, min kubaj bútowowiil li bukanabuku kan Ateemit akilumuu.

Bakaanelabu 26:23

Konsoon Kilisita fan álaam, ban okila ammuu ajand ayitowumul li eketayi, ban fan áhiis mawuŋaamu mata kafakaku bukanolaal li foof kákaanumutumuu li Ateemit balewool.

1 Kata Koolent 10:20

Maayeet! Boot min eenuul wahawu unwu wan kusilayemuu, li mal̥egenamu uyinum wajakut kusilaye wo, inti Ateemit kusilaye wo. Ban ifañut min jilako an ano li uyinum wajakut.

2 Kata Koolent 2:11

jakum bil Sayitaane ájowum tó abuntolaal, mata luhaasaale waa wommuu li buyinumool.

2 Kata Koolent 2:12

Nan íliiŋumuu li ésukayi yata Tulowaas boot kawaale Hulimahu Hásuumaahu hata Kilisita, li ijuk kaanaku Amaaŋenawu lábabuubabul bútin boot lí ínje,

2 Kata Koolent 3:11

mata fan wah wáami li ufiyo jatit ufane úyiineni, kama háŋum wah wáami li ulako to boot nanoonan!

2 Kata Koolent 3:14

Bale kata Isilayeel uyinumawu wooliil úmibomibo. Boot yok síyaat kujangamuu Hulimahu hata Húfaalumahu Huhaanahu, let kuyili kúnaanum ho, mata hufalal háhiliilumuu kujukum huloŋ to. Húfulenuti, mata hujokoo li Kilisita bale huyilo húfulen hó.

2 Kata Koolent 3:18

Alolaal foofolaal feh jan wuulawu woololaal úmibutimuu, máyiineniyamu mata Amaaŋenawu muyilo mujuki li alolaal loon li kajuuloolum. Amaaŋenawu ammuu Buyinumabu, li akaanolaal úbutiyaal, min unokoolaal li akila li máyiineni ló, mahaŋe naak nanoonan maluuk.

2 Kata Koolent 4:6

Li mal̥egenamu, Ateemit aanumuu: «Mawuŋaamu mujow muwuŋen li élimayi!», okila humumool ahiitenumuu uyinumawu wóololi, min ákaanoli jihaas kaleñaku kata máyiineniyamu moola li buulabu bata Kilisita.

Kata Galasi 1:4

Kilisita lasenoolosenoolo okila humumool boot kafakenolaal li uhoofoolawu woololaal, mantee li ábotulolaal li adunaayi inye yata muñeˈe yajakutumuu, nab li húnongumahu hata Ateemit ammuu Atuubawolaal.

Kata Efées 2:2

Jinaanaak jiloŋ buloŋ bata kahoofoo loon bukanabuku kata adunaayi inye kuloŋemuu. Jinaanaak jiloŋ loon anahaanawu ata uyinumawu wajakutaawu wammuu haatiya, afañumuu. Anahaanawu ummu akila ammuu Sayitaane, ammuu muñeˈe li bulok li uyinumawu wata bukanabuku kátuulutumuu Ateemit.

Kata Efées 6:12

Hutiikahu han oomaamuu li ho, inti eeniseen li bukan loomaal li ho, bale li uyinumawu wajakutumuu li kunahaanabuku kata wo, kaakumuu adunaayi inye yammuu li élimayi. Li oonowaal li hutiik li uyinumawu wata búl̥afutabu wammuu haatiya li emitayi.

Kata Fílib 2:6

Okila lalele li Ateemit, mata okila afimmuu min aano Ateemit yan no boot nanoonan. Imban, min alemuu li Ateemit, aŋesut min átuk tó lit li kaleyaku koola li Ateemit.

Kata Kolos 1:15

Kilisita ammuu kambuwaku kata Ateemit ájukeliitimuu, okila ammuu añiilawu anolawu ata Ateemit, ban to lalakowe tówum wahoowah feh úwuweni, ban foof lahaŋ wo feh.

Kata Kolos 1:27

Ateemit lakankaan mo, mata lafanfañ min áhiis bukanabuku koola, majakamu mata wahawu woola wahaasutimuu, li máyiineniyamu mata wo boot li bukanabuku feh. Wahawu unwu wahaasutimuu wo wommuu: Kilisita ummu li anoowan li bukuluul, ban li akaanuul jíkangum kaanaku, fan jilako li máyiineniyamu mata Ateemit.

1 Tímote 1:11

Baliikenelabu umbe bumbu li Hulimahu Hásuumaahu hata máyiineniyamu mata Ateemit ata kásooniyen. Ateemit humumool asenom homuu.

Eleetalayi yan Fool akiicumuu Tit 2:13

Muñowu lóotumaalumuu ukobaal hunakahu hásuumaahu han úkangumaamuu li ho. Hunakahu nan máyiineniyamu mata Ateemitawu oololaal áamakawu ammuu Yéesu Kilisita Afakenaawu oololaal, mommuu li múlaŋul.

Eébulo 1:3

Kaleñaku kata máyiineniyamu mata Ateemit li Añiilawu ummu koom. Li akila bóonowabu bata Ateemit bujukimuu. Hulimahu hoola habajaahu sembe laŋale min afeb adunaayi. Nan ágiilenumuu bukanabuku li uhoofoolawu wooliil aban, li ajow abah haatiya tiya emitayi kaŋen kúli Ateemit abajaawu sembe.

Eébulo 6:4

Kama muñeˈe buu éemi li nokoo bukanabuku kalaañumuu li buloŋabu booliil buhaanabu? Kulakowenlako li mawuŋaamu mata Ateemit. Kujakenjaken li kájiyaku kabilumulomuu li emitayi, ban li kubaj jooliil li Buyinumabu Banabaabu. Kujuke buu Hulimahu hata Ateemit húsuumumuu eeno, ban kuhaase mata sembaasu sata adunaayi yammuu li ebil, bale li kulaañ kulo li buloŋabu booliil buhaanabu. Muñeˈe an ayilaat alaañen akaaniil min kútiiwo kuŋa’ buloŋ buwunkul, mata buko kulaañenlaañen kuŋa’ Añiilawu ata Ateemit kujow kubaaŋ li ekuluwaayi, min alaañen ageli hákil ésukayi feh.

2 Fiyeel 1:19

Ban foof, áloli jihaŋ mit majok lit hulimahu han kufulofetaku kulobumuu. Fan jak ŋáa’ bukuluul bajukele to jak li ho. Hunokoonokoo loon ehiitum yahiitene dán líme, boot yok nan banakabu bommuu li búkatenul, min ewuutayi yata li bújom ewuŋen uyinumawu wooluul.

1 Saŋ 2:11

Bale an alatumuu atuyool, anawu ummu ummu li élim. Ummu li buloŋ li élimayi, ban ahaasut bay lajowe boot, mata élimayi éfuumenoofuumen.

1 Saŋ 2:8

Bale maayeet mo, eluwa ewunkul likiiculuul, ban mal̥egenamu mata yo mujukijuk li Kilisita li bukuluul foof. Mata élimayi inyu li ejow, ban mawuŋaamu mata mal̥egen muyaane mútoŋ muwuŋen.

1 Saŋ 5:19

Luhaasaale oonaal alolaal Ateemit akilolaal, ban adunaayi feh yo inyu li kuŋenaku kata Sayitaane.