2 Kata Koolent 4:16 - Jola-Kasa

¹⁶ Wahawu unwu újimuu jakum úyekowaal. Ban maayeet min eniilayi yoololaal yommuu li kakajen, bale kata láalawolaal ummu min wunkulowemuu hunakoohunak.

2 Kata Koolent 4:16 Referencias Cruzadas

Hulimahu Hásuumaahu loon Lík akiic homuu 11:3

Usénoli hunakoohunak hútiñoli hata etihunakaayi.

Kata Lom 12:2

Jakum jinab li bakaanelabu bata bukanabuku kata adunaayi inye, bale jikat Ateemit min akaanuul jilako bukan kábuto ban li asenuul butuuko buwunkul. Akaanuulumuu loon muñaˈa aban, fan jiyili jikooñaam min jihaas waa lafañumuu: wahawu wajakumuu, wahawu wásuumoolumuu, li wáliiŋumuu máliiŋ loon afañumuu.

Kata Lom 7:22

Kata láalawom, eluwaayi yata Ateemit ésuumonsuum ŋáa’.

1 Kata Koolent 15:58

Kutuyom kan iboolaat, mó mújimuu jítuk lit ban jakum jíwanwangoo. Jihanken nanoonan min jiŋa’ uyinumuul feh jikaan li bulokabu bata Amaaŋenawu, mata jihaase joon bulokabu bayoonenimuu ban jommuu li kakaanaku boot li Amaaŋenawu, inti kakaal̥o.

2 Kata Koolent 12:15

Injé fan súumom ŋáa’ min íbuj wahawu wan ibajumuu feh, ban li isenoolo ínje humumom feh boot li bukuluul. Nokoomuu loon ínje lifañuufañ ŋáa’, waa bukuluul fan jifañom jatit?

2 Kata Koolent 4:1

Ateemit li másuumamu moola lásenumolimuu bulokabu umbu. Wahawu unwu újimuu áloli let jíyeko.

Kata Efées 3:16

Láyiineniyiineni ŋáa’ ban li abaj úsooniyen wáamak. Wahawu unwu újimuu lil̥awool mantee Buyinumabu boola li busenuul sembe min uyinumawu wooluul ulit.

Kata Efées 4:23

Muñeˈe joote jikat Ateemit min alaañen uyinumawu wooluul uwunkulo boot li uyinoolawu wooluul ló,

Kata Kolos 3:10

min jiŋa’ buloŋabu buwunkulabu. Anawu ummu awunkulawu an joonomuu muñeˈe, ummu min awunkulowemuu, min anaak ahaŋ manokoo li áwuwenaawu oola, mantee bukuluul li jihaas Ateemit jak.

Eleetalayi yan Fool akiicumuu Tit 3:5

li afakenolaal, ban inti bakaanelolaal bacole bújiye, bale káyiyenaku kan áyiyenolaamuu kújiye. Láfakenumolaafaken li kábatiisaaku kata li malamu, li búkaanum bata Buyinumabu Banabaabu bakaanemuu an alaañ an awunkul, min abaj buloŋ buwunkul.

1 Fiyeel 3:4

bale moote mulako majak mata káta láala buyinumabu booluul, mammuu majak mayilaat mukajen, mata buyinum bájoobiye li básuume. Majakamu ummu mubajumuu jáliŋ ŋáa’ hákil Ateemit.

1 Fiyeel 4:14

Awólo, bukanabuku bageleluul mata kúgoom joom kata Kilisita, mata Buyinumabu báyiineniyaabu, Buyinumabu bata Ateemit bumbu li bukuluul.