2 Kata Koolent 4:12 - Jola-Kasa

¹² Muñowu eketayi yommuu li bulok li áloli, buloŋabu bo li bóomi li bulok li bukuluul.

2 Kata Koolent 4:12 Referencias Cruzadas

Bakaanelabu 20:24

Bale lenseen buloŋabu búmbaam, bubajut jáliŋ boot lí ínje. Samin iyili ihabel kúboñaku kúmbaam ikaan, li bulokabu ban Amaaŋenawu Yéesu asenommuu kakaan, bammuu: kawaale Hulimahu Hásuumaahu hata kájiyaku kata Ateemit.

1 Kata Koolent 4:10

Alóli joonosoono bukan kawele humum hata Kilisita, bale bukuluul joonosoono bukan kájallowe li hujamoolahu hooluul li Kilisita. Alóli jígootogooto, bale bukuluul jibabbaj sembe. Bukuluul bukanabuku kuluukenuuluuken, bale áloli kúbesolibes!

2 Kata Koolent 12:15

Injé fan súumom ŋáa’ min íbuj wahawu wan ibajumuu feh, ban li isenoolo ínje humumom feh boot li bukuluul. Nokoomuu loon ínje lifañuufañ ŋáa’, waa bukuluul fan jifañom jatit?

2 Kata Koolent 13:9

Súumewolisuum nanoonan, nan áloli jígootowe ban bukuluul li jibaj sembe. Wahawu wan áloli jil̥awemuu, wo wommuu min bukuluul jilaañen jilako jak.

2 Kata Koolent 4:11

Li mal̥egenamu, li búloŋoli feh, áloli jumbuku min jijukemuu nanoonan eketayi humum hata Yéesu, bájum buloŋabu bata Yéesu li bujuki foof li siniilasu sóololi sammuu li sibil siket.

2 Kata Koolent 4:13

Li Hulimahu hata Ateemit hakiicimuu lollob ló kaanaku: «Líyinenyinen, mó lí múji li ílobul.» Li manolamu, áloli foof jíyinenyinen li Ateemit, mó lí múji li jílobul,

Kata Fílib 2:17

Káyinenaku kooluul kulakolako kasila kan jikaane boot li Ateemit. Nokoomuu loon boot min húsimahu húmbaam húyuwi min lako búsimen famen to kooluul, kama fan súumom, ban bukuluul foof fan súumuul.

Kata Fílib 2:30

mata lalakoweene li aket boot mata bulokabu bata Kilisita. Lalakoweene li asen buloŋool min alambenom li wahawu wan bukuluul humumuul jiyilaatumuu jikaan boot lí ínje.

1 Saŋ 3:16

Yéesu Kilisita lasensen buloŋool boot li alolaal. Muñowu lúhaasumaamuu waa wommuu húbooli. Mó mújimuu lootaale foof usenaal buloŋolaal boot li kutuyolaal.