2 Kata Koolent 2:3 - Jola-Kasa

³ Wahawu wájimuu li ikiiculuul eleetalayi, wo wommuu jakum bil íliiŋul booluul kukee li bukuluul li kukaanom buyina, ban buko kooteenumuu kújiwom li ibaj ésuumansuum. Ban líyinene kaanaku ésuumansuumayi yúmbaam, yooluul foof bukuluul feh.

2 Kata Koolent 2:3 Referencias Cruzadas

1 Kata Koolent 4:21

Waa jihaŋe mafañ? Mantee ibil boot booluul li egol ló, mantee li húbooli ló li buyinum bájoobiye?

2 Kata Koolent 1:15

Li káwooluwaku unku kan ibajumuu, lifañeenumuu min ijand ibil boot booluul mantee li jiyili jibaj wah wajake úl̥ubut.

2 Kata Koolent 1:23

Ateemit lahaase aan ímalut. Imálumuu, kama li amukom. Min ibilutumuu boot Koolent, ifañut min ikaanul búteb.

2 Kata Koolent 12:11

Lilollobumuu loon an awele leem, ban bukuluul jituuŋom ilob mo. Li mal̥egenamu, bukuluul jooteenumuu jisalom, mata maayeet min iletumuu wahoowah, kufootalaku umbuku káamakaku kuhaŋutom li wahoowah.

2 Kata Koolent 12:21

Líkolikoli min ban li ílaañul booluul naana íliiŋul, Ateemit li asuuwenom hákiluul, min il̥ok mata min kameeŋe li bukuluul kuloŋumuu li kuhoofoo loon naanaŋ. Kukatut wahawu wan kunaake kukaan nomuu wasetutumuu, húfulo bo muñaˈa li kahinto li aletalet.

2 Kata Koolent 13:10

Wahawu unwu újimuu li ikiiculuul kulimaku unku nan íloyimee, jakum bil ilako li bukuluul, li íjowum li huhaanaahu han Amaaŋenawu asenommuu, min ilobuul kulim kal̥aal̥e. Huhaanaahu unhu lasenonsen ho boot kalitenuul, bale inti boot kakajenuul.

2 Kata Koolent 2:9

Li mal̥egenamu, wahawu unwe újimuu li ikiiculuul: lifanfañ min iyoobuul min ijuk mantee fan jikaan wahawu feh wan ilobuulumuu.

2 Kata Koolent 7:12

Min ikiiculuulumuu let mantee anawu atilumuu ájiye, let foof mantee anawu an kutilumuu li akila ájiye, bale boot min íhiis set hákil Ateemit, kahankenaku kan jibajumuu boot li áloli.

2 Kata Koolent 7:16

Súumonsuum ŋáa’ min ihaasumuu een liyilo íkangum li bukuluul li wahoowah feh.

2 Kata Koolent 7:6

Bale Ateemit awankulenemuu bukan káyekowe, láwankulenoliwankulen li ebilayi yata Tit.

2 Kata Koolent 7:8

Li mal̥egenamu, maayeet min eleetalayi yan ikiiculuumuu ekaanuumuu buyina, jíwutom li ijok li ehaaseen. Lijokenjok li ehaaseen nan ijukumuu kaanaku eleetalayi inye ekaanuukaan buyina, maayeet min kite eenimuu fiyowut.

2 Kata Koolent 8:22

Jíboñuluuboñ atuyolaal min ánaboolul li buko. Jiyoobooyoob ñameeŋe li wah wameeŋe min jijuk, ban jijuujuk kaanaku lakankaan an ajasowe. Muñeˈe lahaŋe majaso, mata lababbaj kákangum káamak li bukuluul.

Kata Galasi 5:10

Injé libabbaj kákangum li bukuluul li Amaaŋenawu kaanaku let jibaj kayinoo kakee kábute li kúmbaam. Bale anawu águul̥emuu li bukuluul, aano min aano, Ateemit fan atekool.

2 Kata Tesalonik 3:4

Amaaŋenawu lákaanolikaan jibaj húkangum li bukuluul kaanaku bukuluul jumbuku li kakaan wahawu wan jilobuulumuu ban let jikat kakaan wo.

Filemoŋ 1:21

Likiiculikiic eleetalayi inye mata líyinenyinen kaanaku fan ukaan loon ilobimuu. Ban foof lihaase een fan ukaan haŋ to.