2 Kata Koolent 2:12 - Jola-Kasa

¹² Nan íliiŋumuu li ésukayi yata Tulowaas boot kawaale Hulimahu Hásuumaahu hata Kilisita, li ijuk kaanaku Amaaŋenawu lábabuubabul bútin boot lí ínje,

2 Kata Koolent 2:12 Referencias Cruzadas

Bakaanelabu 14:27

Nan kúliiŋumuu Antiyok, Fool buko li Balunabaas li kuwoogen ejanguwayi, min kukitteniil wahawu feh wan Ateemit ákaanummuu li buko, li buu lasenumuu bútin kákaanumutumuu li okila balewool min buko foof kúyinen.

Bakaanelabu 16:11

Li jíjufowum li ésukayi yata Tulowaas li ébato, min jíjowum tó jicol boot li étebelemukayi yata Samotulaas. Hunak hukaten, li jihaaŋ boot Néyafoliis.

Bakaanelabu 16:8

Muñeˈe li kújowum Miisi kuhaaŋ boot li kásikaku kata Tulowaas.

Bakaanelabu 20:8

Babbaj sihiitum sameeŋe ŋáa’ li káfitaku kata haatiya eluufayi dán jiwoogumuu.

Kata Lom 1:1

Injé Fool ammuu aloka ata Yéesu Kilisita, ikiiculuul eleetalayi inye. Ateemit lahooñonhooñ ilako afootal, ban li al̥usom boot kawaale Hulimahu hoola Hásuumaahu.

1 Kata Koolent 16:9

mata libabbaj tó bútin bata kakaan bulok báamak, maayeet min kulatoolaaku kumeeŋumuu.

1 Kata Koolent 9:12

Nokoomuu loon baje kukee kayilo kúbajum wah li bukuluul, áloli jihaŋiil mabaj kayilaaku unku, inti mo? Alóli jiyiliyeene jikaan mo, bale jikaanut mo, min jímuñ wahawu feh jakum bil jíji Hulimahu Hásuumaahu hata Kilisita li hújowaati loon hóotimuu hujow.

1 Kata Koolent 9:14

Li manolamu, Amaaŋenawu lalollob kaanaku bukanabuku kawaaleyemuu Hulimahu Hásuumaahu, koote kúloŋum li Hulimahu Hásuumaahu.

1 Kata Koolent 9:16

Ilet li ijow kasaloolo mata min iwaaleyemuu Hulimahu Hásuumaahu. Li mal̥egenamu, laalu búteb ban Ateemit akaanom. Katek kujow kulako lí ínje, ínje bahoye kawaale Hulimahu Hásuumaahu.

2 Kata Koolent 10:14

Li mal̥egenamu, áloli let jisaloolo jijow jiwuuhen tan jóotimuu jikib, loon eeteenumuu lako mo áloli babileenut boot booluul. Alóli jijandumuu jíliiŋul booluul li Hulimahu Hásuumaahu ló hata Kilisita.

2 Kata Koolent 11:4

Li mal̥egenamu, bukuluul jonsoon éehe’ min kukee kuyaan kubil kúliiŋul li kuwaalewuul mata Yéesu akee ábuto li an áloli jiwaalewuulumuu, mantee foof li jiyab buyinum bakee bábuto li ban jiyab nomuu, mantee foof li jíyinen li hulim hakee hásuume hábuto li han áloli jiwaalewuulumuu.

2 Kata Koolent 11:7

Nan iwaalewuulumuu Hulimahu Hásuumaahu hata Ateemit, igel̥l̥enutuul bacaam banooban. Liwalenoolowalenoolo ínje humumom min itebenuul. Wáa fíle, min ikaanumuu loon muñaˈa, likankaan kahoofoo?

2 Kata Koolent 4:3

Ban nokoomuu loon babbaj wah wayolowe li Hulimahu Hásuumaahu han áloli jiwaaleˈemuu, uyoloyolo boot li bukanabuku bale kammuu li kájim.

2 Kata Koolent 4:4

Bukanabuku umbuku kammuu li kájimaku kúyinenut, mata ateemitawu ata adunaayi inye, ammuu Sayitaane, lámimmib uyinumawu wooliil jakum bil kujuk kaleñaku kata Hulimahu Hásuumaahu hata máyiineniyamu mata Kilisita, ammuu kambuwaku kata Ateemit.

2 Kata Koolent 8:18

Boot min kúnaboolul li atuyolaal an sijanguwasu feh sisalemuu humum hata bulokabu boola bata kawaaleyaku kata Hulimahu Hásuumaahu.

2 Kata Koolent 9:13

Mín súumiilumuu li majakamu mata bulokabu booluul, mo kusalumuu Ateemit mín jítuulumuu Hulimahu Hásuumaahu hata Kilisita loon jilobemuu. Fan kusal foof Ateemit mata másuumamu mooluul li kagaboolaku kan jigaboomuu wahawu wooluul li buko li kaabuku feh.

Kata Kolos 4:3

Jil̥aw foof boot li áloli mantee Ateemit li ásenoli bútin bajake min jiwaale hulimahu hoola bukanabuku, min jiyili jikitteniil wahawu wan kuhaasutumuu li Kilisita, wájiwommee li eeno li hukul̥.

1 Kata Tesalonik 3:2

ban li jíboñuluul átuyolaal Tímote ammuu li bulok li áloli boot li Ateemit, li kawaaleyaku kata Hulimahu Hásuumaahu hata Kilisita. Jiboñulooboñ boot min alitenuul ban li awankulenuul min jijooŋoo to li káyinenaku kan jibajumuu li Yéesu,