2 Kata Koolent 13:11 - Jola-Kasa

¹¹ Kutuyom, muñeˈe ésuumansuum elako li bukuluul. Jiŋes min jihaŋ malako bukan kajake. Jinaak jiwankulenoo ban li jikaan kulimuul dín dáno. Jibaj buloŋ bata kásuumaay. Jikaan momuu, Ateemit ata húbooli li ata kásuumaay fan alako li bukuluul.

2 Kata Koolent 13:11 Referencias Cruzadas

Máciya 1:23

«Asúngutaawu ahaasutumuu ánayine, fan ahalet ban fan abaj añiil áyine. Fan kuhooñool Emanuweel.» (Yo yommuu «Ateemit ummu li ololaal.»)

Máciya 5:48

Jilako bukan kabajut kahoofoo loon Atuubawuul ata haatiya abajutumuu kahoofoo.

Maak 10:49

Yéesu li ayiten ban li aan bukanabuku: — Jíhooñulool. Mal̥egen bukanabuku li kúhooñul ánayinaawu áfuumumuu min koonool: — Sákoli, uyito, Yéesu lahooñi.

Maak 9:50

«Musis wah wajake. Bale kacabaku kata mo kúfulumuu, waa an ayilo aŋa’ min alaañen akaan mo mucab? Jibaj musis li bukuluul humumuul, ban kajamoo li kubaj li bukuluul.»

Hulimahu Hásuumaahu loon Lík akiic homuu 9:61

Anáyine akee li alaañen aan Yéesu: — Anahaan, fan inab li awu, bale ukatom min ijand ijow jíkatoolul li butoŋom.

Hulimahu Hásuumaahu loon Saŋ akiic homuu 17:23

Min ínje éemi an ano li buko, awu li óomi an ano lí ínje, bájum li kulako li mal̥egenamu an ano, min adunaayi éhaasum tó kaanaku awu úboñulom, ban lufañiifañ loon ufañommuu.

Bakaanelabu 15:29

jakum jitokoñ eliw yata sínuukuleŋ san kákaanumutumuu li Ateemit balewool kusilaye; jakum jitiñ húsim, jakum jitokoñ sínuukuleŋ sakuumi min siket; jakum an áfulo an an kuyabowut. Jikatumuu wahawu unwumaa, jikaane jak. Jisaafuluul ŋáa’!»

Bakaanelabu 18:21

Li akatiil to min alako li ajow, li aaniil: — Súumumuu li Ateemit, fan ílaañul hunak hakee ijukuul. Ban li ájufowum li ésukayi yata Efées li ébato awuj.

Bakaanelabu 23:30

Muñeˈe li ijam kaanaku Kusuwifaku kúsonoosonoo boot jamukool, li iyaan een kama íboñuliwool, ban li ilob foof Kusuwifaku kal̥oofoolumuu, kúŋalul elobayi boot booli.»

Kata Lom 12:16

Jijokoo jile keb. Jakum jikaan bukan kayilo háamaketo, bale jiŋa’ uyinumuul jikaan li wah walewoo to. Jakum jijokoolo bukan kájallowe.

Kata Lom 12:18

Nokoomuu loon kayiliwuma, ban li ñooluul bale, jiloŋ li kásuumaay li bukanabuku feh.

Kata Lom 14:19

Wahawu unwu újimuu, lootaale uŋesaal wahawu wayilimuu úŋalul kásuumaay, li wahawu wayilimuu ukaanolaal min ulitenoolaal li káyinenaku.

Kata Lom 15:13

Ateemit asenemuu kákangum, ajow akaanuul jibaj ésuumansuum yáamak, ban li akatuul kásuumaay káamak humum hata káyinenaku kooluul, mantee kákangumaku kooluul li kuluuk ŋáa’ li búkaanum bata sembaasu sata Buyinumabu Banabaabu.

Kata Lom 15:33

Ateemit an kásuumaay kubilummuu li akila, ajow alako li bukuluul foofuul feh. Aameen.

Kata Lom 16:20

Ateemit ata kásuumaay muñeˈe li agunj Sayitaane li kootaku kooluul. Kájiyaku kata Amaaŋenawu oololaal Yéesu kujow kulako li bukuluul!

1 Kata Koolent 1:10

Kutuyom, lil̥awuul li kajaw kata Amaaŋenawu eenuul: jibaj kajamoo ban jakum baj bugiiloo li bukuluul. Jijokoo lit li mal̥egen, ban li jibaj buyinum bano li kayinoo kano.

2 Kata Koolent 1:4

Látintimbenewolaatintimben li sílaamasu soololaal feh, bájum li uyiliyaal újowumaal li kátintimbenaku kan alolaal humumolaal ubajaalumuu li akila, min útintimbenaal bukanabuku kammuu li sílaam sanoosan.

2 Kata Koolent 13:9

Súumewolisuum nanoonan, nan áloli jígootowe ban bukuluul li jibaj sembe. Wahawu wan áloli jil̥awemuu, wo wommuu min bukuluul jilaañen jilako jak.

Kata Efées 4:12

Lakankaan loon muñaˈa min afale bukanabuku kata Ateemit boot bulok boot li akila, mantee ejanguwayi yammuu eniilayi yoola li eyili yank min ebaj sembe.

Kata Efées 4:3

Jikaan wahoowah min hujokoolahu han jíbajummuu li Buyinumabu Banabaabu hulako nanoonan li bukuluul, ban buloŋ bata kásuumaay li bulako li tutooluul mantee li jilako an ano.

Kata Efées 6:23

Ateemit Atuubaawu li Amaaŋenawu Yéesu Kilisita, kujow kusen kutuyolaal feh kásuumaay, húbooli, li káyinen.

Kata Fílib 1:27

Bale lil̥awuul min jiloŋ hákil ésukayi feh loon Hulimahu Hásuumaahu hata Kilisita hulobumuu, mantee ibilumuu bóoluuloo li íbilaatiwoo, li ijam mooluul kaanaku jítuutuk lit, ban li jibaj kayinoo kano, min jikaan uyinumuul tin tano min jitaj mantee bukanabuku kujamumuu Hulimahu Hásuumaahu li kúyinen.

Kata Fílib 3:16

Tan úliiŋaamee, kaan min kaane, alolaal li ujukelaal to min unabaal li bútinabu ban uŋalaamuu boot muñeˈe.

Kata Fílib 4:2

Wahawu wan emmuu il̥aw Efodi buko li Sentic, wo wommuu liyaakiil min kubaj hujamoo mata buko kúl̥uba bukan kata Amaaŋenawu koom.

Kata Fílib 4:4

Jibaj nanoonan ésuumansuum mata min jommuu bukan kata Amaaŋenawu. Ilaañen ilob mo: Jibaj ésuumansuum.

Kata Fílib 4:9

Wahoowah feh wan jiliikenume lí ínje, wan jíyabume lí ínje, wan jíjamume lí ínje, mantee foof wan jijukume lí ínje, jikaan wo. Jikaan momuu, Ateemit asenemuu kásuumaay fan alako li bukuluul.

1 Kata Tesalonik 3:10

Alóli jumbuku min jihankenemuu min jil̥awool tihunak jiban ehuka mantee li ákatoli min jilaañen jijukuul, min jihabeluul wahawu wasaŋowuulumuu bahaas mantee káyinenaku kooluul li kuhaŋ malit.

1 Kata Tesalonik 4:1

Mo emmuu, bukuluul kutuyom, li áloli jiliikenummuu buu jommuu li jiloŋ min súum Ateemit. Ban li mal̥egen, mo foof jommuu li buloŋ. Bale muñeˈe jil̥awuul ban li jiyaakooluul li kajawaku kata Amaaŋenawu Yéesu: jiloŋ haŋ majak min jilobuulumuu.

1 Kata Tesalonik 4:18

Mó mújimuu joote jítintimbenoolum li kulimaku unku.

1 Kata Tesalonik 5:13

Jíhiisiil kaanaku jiluukeniiluuken ŋáa’ ban li jíbooliyiil, mata bulokabu ban kommuu li kakaanaku búji. Kásuumaay kubaj li tutuul.

1 Kata Tesalonik 5:16

Jilako nanoonan li ésuumansuum.

1 Kata Tesalonik 5:23

Ateemit asenemuu kásuumaay ajow akaan min jilako li mal̥egen bukan koola, ban li afooy humumahu hooluul foof ho feh, li uyinumawu wooluul, saalasu li siniilasu sooluul, jakum bil an ajuk majakut li bukuluul, boot li hunakahu nan Amaaŋenawu oololaal Yéesu Kilisita ammuu li abil.

2 Kata Tesalonik 2:16

Amaaŋenawu ololaal Yéesu Kilisita humumool, li Ateemit Atuubawolaal, ábooliwolaamuu ban li awankulenolaal kawankulen kata boot nanoonan, ban lí ájowum li kájiyaku koola min asenolaal húkangum habaje sembe,

2 Kata Tesalonik 3:1

Kutuyom, muñeˈe jil̥aw boot li áloli mantee Hulimahu hata Amaaŋenawu li hunaak huhaŋ majamo ŋáa’ ban li huluukeni tanootan loon huluukenimuu foof booluul.

2 Kata Tesalonik 3:16

Amaaŋenawu asenemuu kásuumaay, ajow asenuul akila humumool kásuumaay kanookan ban nanoonan. Amaaŋenawu ajow alako li bukuluul foofuul feh.

2 Tímote 2:22

Utey kásiibowaku kata húfuletowahu. Uŋes macole, káyinen, húbooli, li kásuumaay li bukanabuku feh kahooñemuu kajawaku kata Amaaŋenawu li buyinum basete.

Eébulo 12:14

Jiŋes min jibaj kásuumaay li bukanabuku feh, ban li jiloŋ buloŋ banabe. Jikaanut momuu, anoowan li bukuluul let ajuk Amaaŋenawu.

Eébulo 13:20

Ateemit ata kásuumaay, layitenuuyitenul Amaaŋenawu hata boot nanoonan.

Saak 1:4

Bale kamuntenaku kooluul koote kujow boot to, mantee li jilako bukan káyinene kata mal̥egen, bukan káliiŋe, ban jakum baj wah wajakut li bukuluul.

1 Fiyeel 3:11

Laate atey majakut, min anaak akaan majake. Laate aŋes kásuumaay, ban li anab li ko,

1 Fiyeel 3:8

Boot min íwuñenum li kulimaku unke: bukuluul foofuul feh jibaj kajamoo, jibaj uyinoolawu wanolawu, jíbooliwoo loon batuyaay, jiyili káyiyen bukan, ban li jiwalenoolo.

1 Fiyeel 5:10

Boot min fan jílaam jakee, bale Ateemit akilumuu káji kanookan, lahooñuuhooñ jijow jilako li máyiineniyamu moola mata boot nanoonan li hujokoolahu hooluul li Yéesu Kilisita. Akila humumool fan akaanuul jilako bukan kanabe, fan alitenuul, fan asenuul sembe, ban li akaanuul tin l̥aal̥e tan wah wootut uyili úhooluluul.

Búhiisenumabu 22:21

Kájiyaku kata Amaaŋenawu Yéesu kulako li bukuluul foofuul feh.