2 Kata Koolent 12:6 - Jola-Kasa

⁶ Li mal̥egenamu, ínje ifañeenumuu min isaloolo, let ilako an awele, mata fan ilob mal̥egenamu bale. Bale let ikaan mo, mata ifañut min bukanabuku kuluukenom jow haŋ wahawu wan kujukemuu lí ínje, mantee foof wan kujamewommuu li ilob.

2 Kata Koolent 12:6 Referencias Cruzadas

Kata Lom 9:1

Fan ilob mal̥egen li kajaw kata Kilisita, ilet li ímal. Buyinumabu búmbaam banabumuu li Buyinumabu Banabaabu, bulobonlob kaanaku wahawu wan ilobumuu mal̥egen.

1 Kata Koolent 3:5

Kama Afolos waa laam? Fool waa laam? Alóli kuloka bale joom kata Ateemit, kájiwuulumuu li jíyinen li Kilisita. Anoowan li áloli lakankaan bulokabu ban Amaaŋenawu asenoolumuu kakaan.

2 Kata Koolent 1:18

Ateemit lahaase aan kulimaku kan jilobuulumuu bajut ló «éehe’» li «a’aa’» li mano.

2 Kata Koolent 11:16

Boot min ilaañen ilobuul: jakum an li bukuluul ajokom loon an awele. Nokoomuu foof loon mo jiyinoole, kama joon éehe’ min lako liwewwel bájum ínje humumom foof li iyili isaloolo jakee.

2 Kata Koolent 11:31

Ateemit ammuu Atuubaawu ata Amaaŋenawu Yéesu, ban li asali boot nanoonan, lahaase aan ímalut.

2 Kata Koolent 12:11

Lilollobumuu loon an awele leem, ban bukuluul jituuŋom ilob mo. Li mal̥egenamu, bukuluul jooteenumuu jisalom, mata maayeet min iletumuu wahoowah, kufootalaku umbuku káamakaku kuhaŋutom li wahoowah.

2 Kata Koolent 12:7

Liyiliyeene isaloolo ŋáa’ humum hata uhimmowawu wájaahalenimuu wan Ateemit áhiisommuu, bale lakaanonkaan min ibaj sílaam sáamak li eniilayi yúmbaam, jakum bil isaloolo. Wahawu unwu újimuu amalaka ata Sayitaane li abil atekom jakum bil itebenoolo.

2 Kata Koolent 5:13

Li mal̥egenamu, nokoomuu loon áloli kúkowoli kúsuumut joonosoono mo boot li Ateemit, bale nokoomuu loon úyinumoli jooke, jókisooki wó boot li bukuluul.

2 Kata Koolent 7:14

Nokoomuu loon líhiisoohiis jakee ésuumansuumayi yan ibajumuu li bukuluul, jisuuwenutom. Loon jilobewuulumuu nanoonan mal̥egen, mo foof kasalaku kan jisaluulumuu hákilool kommuu wah wata mal̥egen.