2 Kata Koolent 12:4 - Jola-Kasa

⁴ anawu ummu lajowujow boot li emitayi min ajam ló kulim kan an ayilaat ánaanum, kan an ayilaat alaañen alob.

2 Kata Koolent 12:4 Referencias Cruzadas

Hulimahu Hásuumaahu loon Lík akiic homuu 23:43

Yéesu li aanool: — Li mal̥egenamu fan ilobi, síyaataye fan ulako lí ínje alijana.

Bakaanelabu 8:39

Nan kúfululumuu li malamu, Buyinumabu bata Amaaŋenawu li buteb Fílib buwujetum. Anáyinaawu ata Ecofi alaañut ajuk Fílib. Li ajow bútinool li ésuumansuum ló.

1 Kata Koolent 13:1

Nokoomuu loon lilobelob silobasu feh sata bukanabuku li sata kumalakaabuku ban ibajut húbooli, linokoonokoo li mañ mawele mantee foof li hujeleleŋ hafiiŋene.

2 Kata Koolent 12:2

Lihaase an ata Kilisita, an uhaase oon muñeˈe baje simit soono kuŋen li sibakii, Ateemit li ájowetumool boot haatiya tiya emitayi. (Ihaasut mantee mal̥egen li eniilayi yoola ló lajeˈe boot ló li emitayi, mantee inti li eniilayi yoola ló lajeˈe boot ló, Ateemit balewool ahaase.)

1 Kata Tesalonik 4:17

Muñeˈe fúlum tómuu, bukanabuku kammuu kulako no li buloŋ, fan kuŋalooli li mano li buko min kújowum li ufaalawu min kujow kufam li Amaaŋenawu haatiya. Muñowu lóotumaalumuu ulakowaal li Amaaŋenawu boot nanoonan.

Búhiisenumabu 12:5

Muñeˈe anaalaawu li abuk añiil áyine, ammuu li aŋa’ hunuk hata mañ min amat bukanabuku kata sihetasu feh. Bale nan añiilawu abukimuu, li kuyaan kújowetumool boot bata Ateemit, li efenjeŋayi yoola yata jáyiiyaju.

Búhiisenumabu 2:7

«An áakimuu sijan, li ajanten wahawu wan Buyinumabu bulobumuu Sijanguwasu. Anawu ammuu li aheek, fan isenool mutiñaayamu mata bunuunukabu bata buloŋabu bammuu li etoolayi yata Ateemit, atiñ.»